Bonjbauq siusik （gicej Yangz Lanzgvei Moz Beibei Vangz Yinz /杨兰桂 莫蓓蓓 黄 云） 12 nyied 3 hauh, Bi 2021 Gaiq Daih Cibngeih Aen Ciet Makgaemjgaet Vwnzva Lijyouz Yungzanh youq Yungzanh Yen Cungguek Gungsiu·Aensuen Densangh Nungzcanjbinj Gveibwz haiguh. Hozdung yaek cauhguh aen baizgim “canjnieb makgaemjgaet + vwnzva lijyouz”, doidoengh gyamaenh gij hongbaenz gunggeng duetgungz caeuq hwng- hoengh lajmbanj doxciep.

Aen ciet lijyouz neix cawj- daeuz miz yizsiz haimuq、cigboq daiq huq、aen doxdax“gou dwg bouxvuengz makgaemjgaet”、 cien- monz youz Yungzanh、ciet doxcimz makgaemjgaet daengj. Yienhciengz vunzlai mboujdan ndaej cimzcimz gij makgaemjgaet naeng mbang raemx lai、diemzsoeb sangjbak haenx, lij ndaej ngonz gij vwnzyi biujyienj ndeiyawj dem. Mbat hozdung neix yaek guh daengz bimoq 1 nyied bae, gak yanghcin caemh laebdaeb guh buek hozdung mizgven de, baengh aen canjnieb makgaemjgaet daiq- doengh canjnieb wnq hwngfat.

Daengz seizneix, Yungzanh gungh ndaem miz 20.72 fanh moux makgaemjgaet, bineix aiq ndaej mak 19.5 fanh dun, cungj canjciz 25 ik maenz. Makgaemjgaet iqet neix gaenq bienqbaenz gij souhaeuj “diemzvan”, bu ok diuz roen vuenyungz bae guhhoengh lajmbanj, dwg cungj “mak vuenyungz”“mak baenzmiz”“mak gim”vunzlai Yungzanh.