Ndwen 12 ngoenz 2, “swnjcienz minzcuz vwnzva Fwenyauz byaijhaeuj ndawhag” Gvangjsih Vwnzlenz bi 2021 “vwnzyi haeuj ndawhag” hanghmoeg cwngzgoj baijyienj youq Ginhsiu Yauzcuz Swciyen Minzcuz Siujyoz guh. Cangh- fwen Yauzcuz、canghheiq ndawbiengz Yauzcuz Ginhsiu caeuq hagseng minzcuz siujyoz dangciengz ciengq fwen Yauzcuz ndeidingq, langhbaij gij yinxdaeuz vwnz- va fwen Yauzcuz.

Geij bi neix daeuj, Ginhsiu haenq- rengz guh hong “vwnzyi haeuj ndawhag”. doenggvaq gwnz laj lienzdoengh、gvaz swix doxboiq, cingjhab lai fuengmienh swhyenz, aeu vwnzyi binjcungj miz Yauzcuz deihfueng daegsaek yinx haeuj ndawhag, gyalai baujhoh caeuq swnj- cienz vwnzyi binjcungj. Doengzseiz hix hawj gyoengq hagseng lauxsae lai rox Yauzcuz vwnzva, roxnyinh gij gyaeundei Yauzcuz vwnzva, gyalai nyinhdoengz minzcuz caeuq roxnyinh minzcuz miz- naj.

Ciuq cam rox, “swnjcienz minzcuz vwnzva Fwenyauz byaijhaeuj ndawhag” dwg aen dandog loih ciengqgo Swcigih Vwnzlenz bi 2021 “vwnzyi haeuj ndawhag” vwnzyi gagnyienh hozdung bangfuz hanghmoeg, youq Ginhsiu Yauzcuz Swciyen guh.

(Vangz Siufung Vangz Sanhsanh)