Mboengqneix, Guekgya Dijyuz Cungjgiz、Vwnzva Caeuq Lijyouz Bu fatbouh gij mingzdan dieggoek guh- yiengh dijyuz lijyouz guekgya bi 2021, Gvangjsih miz song aen hanghmoeg gwnz buengj miz mingz, faenbied dwg Dieggoek Guhyiengh Dijyuz Lijyouz Bwzlij Liujgyangh Liujcouh Si、Dieg Gvaq Ngoenzgyaj Youqndwi Dijyuz Lijyouz Yilungzhoz Yangzsoz Gveilinz. Linghvaih, “sam nyied sam Bouxcuengh·angj dijyuz minzcuz” baenzroix hozdung hix ndaej senjhaeuj aen hanghmoeg cietangq Cunghvaz dijyuz vwnzva maenhndei.

Aen hanghmoeg Cunghvaz dijyuz vwnzva maenhndei doigawj hozdung bi 2020 hainduj, dwg aen hozdung moq boiqdauq youqgaenj Cungguek Dijyuz Vwnzva Bozlanjvei、Cungguek Dijyuz Lijyouz Bozlanj- vei, muzdiz dwg engqndei doicaenh baujhoh、doigvangq caeuq cauhmoq hwngfat Cunghvaz cienzdoengj vwnz- va. Bineix ndwen 11 Cungguek Dijyuz Vwnzva Bozlanjvei、Cungguek Dijyuz Lijyouz Bozlanjvei youq Gvangjcouh banh haenx, Gvangjsih “sam nyied sam Bouxcuengh·angj dijyuz minzcuz”lienzdaemh lai bi banh haenx ndaej senjhaeuj aen hanghmoeg cietangq Cunghvaz dijyuz vwnzva maenhndei.

Geij bi neix daeuj, Swcigih Dijyuz Giz aeu “swnghdai saekheu yindung couh youq Gvangjsih” guh cawjdaez, haenqrengz doidoengh dij- yuz lijyouz doxyungz, gyagiengz “dijyuz+lijyouz” youq leixniemh、gihci、cwngcwz、gaijgwz、ciu seng’eiq caeuq hwnqguh binjbaiz daengj fuengmienh yungzhab hwngfat laeg- daeuq, cungfaen vatcimh caeuq fatok gijndei dijyuz lijyouz swhyenz daengx gih, haenqrengz hwngfat “bya、haij、bien、minz” canjnieb dijyuz lijyouz miz daegsaek, gungganq caeuq guh- hung hawciengz cawjdaej, hwnqguh aen hanghmoeg binjbaiz dijyuz lijyouz yiengh doxca, hawj binjbaiz lai caeuqfaenh lai rox, gyalai binjbaiz dijcienz, hawj gij yiengh “dijyuz+lijyouz”dijyuz youqndwi、lijyouz yawjngonz、doxdax biujyienj、cienzboq vwnzva、gai huq daengj ndaej bienq lai, gungganq buek hanghmoeg dijyuz lijyouz miz Gvangjsih daegsaek ndeu.

(Cungh Vwnzcangh)