Ndwen 11 ngoenz 28 ban- ringzgvaq, Cungguek Gungcanjdangj Gvangjsih Bouxcuengh Swcigih Baez Daihcibngeih Daibyauj Davei youq Gvangjsih Yinzminz Veidangz hai sat. Liuz Ningz dungzci cujciz aen hoih.

Aen hoih byaujgez doenggvaq 《Gij Gezyi Cungguek Gungcanjdangj Gvangjsih Bouxcuengh Swcigih Baez Daihcibngeih Daibyauj Davei Mizgven Cungguek Gungcanjdangj Gvangjsih Bouxcuengh Swcigih Gaiq Daihcib’it Veijyenzvei Baugau》 caeuq 《Gij Gezyi Cungguek Gungcanjdangj Gvangjsih Bouxcuengh Swcigih Baez Daihcibngeih Daibyauj Davei Mizgven Cungguek Gungcanjdangj Gvangjsih Bouxcuengh Swcigih Gaiq Daihcib’it Gijliz Genjcaz Veijyenzvei Baugau》.

Liuz Ningz naeuz, baez hoih neix genhciz aeu Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz guh dazyinx, cienzmienh gvancez gij cingsaenz Cibgouj Daih caeuq Cib- gouj Gaiq Ngeihcung、Samcung、Seiqcung、Hajcung、Roekcung Cienz- hoih Dangj， haeujlaeg gvancez doek- saed gij cingsaenz gangjvah youqgaenj “4·27” Siz Ginbingz cungjsuhgi caz- yawj Gvangjsih caeuq gij iugouz cijsi youqgaenj baenzroix de naeuz baenzlawz guh hong Gvangjsih, ciuq caensaed bae dauqyawj caeuq cungj- gez hong Swcigih Baez Daihcib’it Dangjdaivei doxdaeuj, faensik hingz- seiq caeuq yinvu、seizgei caeuq deuqnyex dangqnaj, gohyoz lwnhgangj gij moegbiu neihanz yauyi vihmaz hwnqguh、hwnqguh baenzlawz yiengh caeuq baenzlawz hwnqguh aen Gvangjsih gyaeundei sevei cujyi miz daegsaek Cungguek seizdaih moq, hidungj maeuzveh gij lohnaemj guhhong、cungjdaej iugouz、buekguh moegbiu、canloz yinvu caeuq banhfap hungnaek haj bi coglaeng gih raeuz caeuq duenh laeng giet sim comz rengz hwnqguh aen Gvangjsih gyaeundei sevei cujyi miz daegsaek Cungguek seizdaih moq, guhbaenz aen dijhi moegbiu yinvu hwnqguh aen Gvangjsih gyaeundei “1+1+4+3+N”.

Liuz Ningz naeuz, hag ndei、senhconz ndei、gvancez ndei gij cingsaenz Swcigih Baez Daihcibngeih Dangjdaivei, dwg gij cwngci yinvu youqgaenj seizneix caeuq duenh laeng. Aeu hag gvancez gij cingsaenz aen hoih caeuq hag gvancez gij cingsaenz Cibgouj Gaiq Roekcung Cienzhoih Dangj gaenjndaet giethab, caeuq haeujlaeg gvancez doeksaed gij cingsaenz gangjvah youqgaenj “4·27” Siz Ginbingz cungjsuhgi cazyawj Gvangjsih caeuq gij iugouz cijsi youq- gaenj baenzroix de naeuz baenzlawz guh hong Gvangjsih gaenjndaet giet- hab, caeuq haeujlaeg hag son lizsij dangj gaenjndaet giethab, bae hag senhconz gvancez riengjret. Daengx gih gak gaep dangjcujciz caeuq gyoengq dangjyenz aeu cietsaed daez- sang diegndwn cwngci, aeu swhsiengj caeuq hengzdoengh doengjit daengz gak hangh gezcwz baijbouh aen hoih guh’ok haenx, aeu dungxcaiz caeuq rengz gyonjcomz daengz gak hangh yinvu aen hoih doekdingh haenx, doidoengh gij cingsaenz aen hoih cienzmienh doeksaed. Boux veijyenz、veijyenz deqbouj gaiq moq Swcigih Dangjveij caeuq boux veijyenz Swcigih Gijveij, aeu daezsang dieg- ndwn cwngci, insik gij saenq daibyauj, geiqmaenh gij daengq beksingq gak cuz daengx gih, souj ndei cizcwz、dangrap caen guh, haenqrengz fat- yiengz gij cingsaenz laeb dangj hungmbwk “genhciz caenleix、gien- souj lijsiengj, hengzguh goeknduj、rapdawz sawjmingh, mbouj lau vut mingh、 gamj bae doxdaeuq, caen sim doiq dangj、mbouj vi beksingq”， gagrox guh boux ganbu ndei seizdaih moq “saenqniemh giendingh、fugsaeh beksingq、gaenx hong guh saeh、gamj bae rapdawz、cingqheiq seuqcengh”, haenqrengz guh sat sawjmingh coengzsang seizdaih aeu hawj haenx.

Liuz Ningz doeklaeng naeuz, bak bi buekguh dangj singseiq hoenghhwd、riuzcienz fanh daih; goenglauz dangj ronghlwenq hungmbwk、coi vunz buekguh. Gvangjsih yamqhaeuj giz- haidin moq, yamqhaeuj duenh mbaeklae moq, buekguh baenaj duenh roen moq, doidoengh hwngfat youh ndei youh vaiq, hwnqguh aen Gvangj- sih gyaeundei, roen baihnaj raez- rangrang, dan miz buekguh baenaj, buekguh mbouj soeng. Raeuz yaek engq gaenjndaet doxgiet youq henz Dangjcunghyangh aeu Siz Ginbingz dungzci guh vaedsim haenx, yaengx- sang fangeiz hungmbwk Aen Swh- siengj Sevei Cujyi Miz Gij Daegsaek Cungguek Seizdaih Moq Siz Ginbingz, demgiengz “seiq aen eiqsik”、 gien- dingh “seiq aen gagsaenq”、 guh daengz “song aen henhoh”， doxgiet daiq beksingq gak cuz daengx gih geiqmaenh gij daengq bouxdaeuz、gamj rap lizsij sawjmingh, giet sim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq, yungh cingz- cik ndei angqcoux Ngeihcib Daih Dangj ciuhai.(Vei Hwngz)