Bi 2021 ndwen 4 ngoenz 25, Siz Ginbingz cungjsuhgi cazyawj Gvangjsih, camh daih’it couh bae daengz Gveilinz Si Cenzcouh Yen Aen Suen Geiqniemh Hungzginh Cangzcwngh Ciengzciengq Siengh- gyangh. Siz Ginbingz cungjsuhgi naeuz：“Ciengz ciengq neix dwg mwh hungzginh cangzcwngh ciengz ciengq hoenx ndaej gig hoj ndeu, dwg lizsij gwnzde gienh saeh youqgaenj、 ndaej dingh gij dailix Cungguek gwzming.”

Ciengz ciengq neix hoenx sat le, bi 1934 seizdoeng, hungzginh bae daengz dieg Myauzcuz、Yauz- cuz、Dungcuz daengj siujsoq minz- cuz comzyouq laeng baihdoeng- baek gih raeuz. Caengz haeuj mbanj, Cungj Cwngcibu couh daezok minzcuz bingzdaengj、minz- cuz gagguenj, aeu aeueiq gij sib- gvenq fungsug daengj cwngcwz. Hungzginh youq Lungzswng dingz le saek cib ngoenz. Seizde, Cungh Cifuz lij maqhuz nomj, de caeuq geij bouxsieng bouxbingh lotdoih baihlaeng, gaenq geij ngoenz mbouj miz saek naed haeux roengz dungx lo. Haemh ndeu, gyoengqde youq henz reihmaenz gvaq haemh, hoeng cungj mbouj miz byawz bae vat maenz daeuj gwn. Boux canghyw youq Mbanjniuzdouz ranz Myauzcuz Suh Cilinz youq haemh, de raen boux beixnuengx ranz de Suh Fuzvang fwngz nyaenx dungx gyangzee, hojyouq lai, de couh bang bouxbeix neix ywbingh, caiq caeuq daxbuz Sanhyingh ranznden ywbingh dem. De hwnjdin seiz, goeng Fuzvang caeuq daxbuz Sanhyingh soengq le youh soengq. Bouxdungcuz Vuj Hubinh vih hungzginh daiqloh、guh bouxhoiz, daiq gyoengqde con gvaq dieg Dungcuz laeng Huznanz、 Gvei- couh.

Doengh gij goj neix langhbaij le gij cingzngeih bouxbing caeuq lwgminz naekna raeuh, aenvih hungzginh dawz gij leih’ik lwgminz haeujsim, gij cwngcwz minzcuz ndei cix hawj aensim gyoengqvunz raeujrubrub. Vunzlai cungj gig nyinhdoengz caeuq yungjhu hungz- ginh. Seizneix, beixnuengx Yauzcuz dieg de lij maij siuq fagcuiz caeuq fagliemz ronghsien haeuj buhvaq bae dem.

（Gvangjsih cuz Yenzgiu hsinh hawj gauj）

Cung

Minz