“Roek Cungh Cienzhoih Baekging hai, saehndei riuz daengz Mbanjcuengh raeuz, beixnuengx Mbanjcuengh riengz dangj byaij, ndwenngoenz caiq hwnj mbaeklae moq……”11 nyied 19 hauh, Laizbinh Si Yinhcwngz Yen guh ban hag gij cingsaenz Baez Roek Cungh Cienzhoih Gaiq Cibgouj Aendangj caeuq gungganq vwnzva yinzcaiz “sanh gih”. Daengx yienh gungh miz bak lai boux gyaezmaij vwnzyi vwnzva haenx camgya. Gyoengqde yawj bauqceij daengj doxcaez hag gij cingsaenz Roek Cungh Cienzhoih, caiq aeu fwen eu ok gij simcingz swhgeij, caemhcaiq ciengq ok gij maqmuengh gyoengqvunz yaek laebdaeb riengz aendangj baenaj, gvaq hwnj saedceij engq ndei, cuknyienh guekcoj hungmbwk raeuz mwnhoengh hwng’vuengh.

（Fanz Saugvangh /樊绍光）