（ciep banj 3）ginghci、yisiz hingz- dai、diendeih daengj gaujniemh, rengzrwd baujhawj aen Dangj caeuq guekgya hwngvuengh fatdad、ciengz- geiz onjdingh. Youq dingjmaenh “aen guek ndeu song cungj cidu” caeuq doihaeuj guekcoj doengjit fuengmienh, Dangjcunghyangh yungh baenzroix banhfap goek byai caez ceih, giendingh doeksaed “bouxgyaezguek ceihleix Yanghgangj” “bouxgyaez- guek ceihleix Aumwnz”, doinyoengx seizseiq Yanghgangj ndaej daj luenhyub cienj daengz guenj ndei, vih doihaeuj ciuqfap ceihleix Yanghgangj ceihleix Aumwnz、coihawj “aen guek ndeu song cungj cidu” ndaej byaij onj bae gyae dwk roengz le giekdaej onjmaenh; dingjmaenh gij yenzcwz aen Cungguek dog caeuq “Gij Nyinh- rox Doxdoengz Goujngeih Nienz”, baenzbaenz fanjdoiq guh gij faenmbek “Daizvanh gaglaeb”, baenzbaenz fanj- doiq gij seiqlig baihrog capfwngz, gaemndaet gaemmaenh gij gienz- guhdaeuz caeuq gienzcawjdoengh ndaw gvanhaeh song hamq. Youq gij hong vaigyauh fuengmienh, dohdaengz doihaeuj yiengh vaigyauh guekhung miz gij daegsaek Cungguek, cauhlaeb aen minghyinh caezcaemh vunz lajmbwn bienqbaenz mbaw geiz ronghsien dazyinx aen cauzliuz seiz- daih caeuq aen fuengyiengq baenaj vunzbiengz, gij vaigyauh guek raeuz youq ndaw seiqgyaiq boekbienq haicauh buenzmienh moq、youq ndaw buenzmienh luenhlab seiqgyaiq dawz yungyiemj bienqbaenz seizgei, gij rengzyingjyangj、rengzgamjciu、rengz- dajcauh guek raeuz youq gwnz seiqgyaiq ndaej bienq ak yienhda. Cunghgoz Gungcanjdangj caeuq yinzminz Cungguek baengh yiengh gamj guh gamj buek yiemzrwd naeuz hawj daengx seiqgyaiq rox, Cunghvaz Minzcuz ciep daeuj le baez bonghyat hungmbwk daj ndwn hwnjdaeuj、fouq hwnjdaeuj daengz ak hwnjdaeuj.

Daengxhoih naeuz ok le Cungh- goz Gungcanjdangj buekguh bak bi miz gij eiqngeih hungloet hab geiq haeuj lizsij yienghneix: Dangj raeuz buekguh bak bi daj goekgaen bae gaijbienq le gij roennaj minghyinh yinzminz Cungguek, yinzminz Cung- guek daengzdaej baetduet yiengh minghyinh deng haephangz、deng apbik、deng guhhoiq, bienqbaenz bouxcawj guekgya、ndawbiengz caeuq minghyinh bonjfaenh, yinzminz Cung- guek gij siengjmuengh gvaq saedceij gyaeundei haenx mboujduenh ndaej guhbaenz; Dangj raeuz buekguh bak bi hai ok le diuz roenloh cingqdeng guhbaenz Cunghvaz Minzcuz fukhwng hungmbwk, Cungguek ngamq yungh geij cib bi couh byaij caez duenh roen gunghyezva doengh aen guekgya fatdad geij bak bi cij byaij gvaq de, guhbaenz ginghci riengjvaiq hwngfat caeuq ndawbiengz ciengzgeiz onjdingh song yiengh saeh hawj vunz siengj cungj siengj mbouj daengz neix；aen bak bi buekguh Dangj raeuz hawj vunz yawjraen Majgwzswh cujyi caen akrengz dahraix, Majgwzswh cujyi dwg gohyoz caeuq caenleix youq Cungguek ndaej daengz gienjniemh lai, Maj- gwzswh cujyi dwg baengh yinzminz caeuq guh saedsaeh youq Cungguek ndaej daengzdaej guh, Majgwzswh cujyi dwg hailangh caeuq gaenriengz seizdaih baenaj youq Cungguek ndaej daengz yienh’ok lai； aen bak bi buekguh Dangj raeuz gig laegdaeuq yingjyangj seiqgyaiq lizsij haeuj coh baihnaj, Dangj lingjdauj yinzminz byaij ok diuz roen yendaiva Cungguek gag miz, cauh ok gij yiengh moq vunzloih vwnzmingz, haigvangq gij miengloh hawj doengh aen guekgya cingqcaih fazcanj haenx byaij coh yendaiva；aen bak bi buekguh Dangj raeuz dajcauh ok aen Cunghgoz Gungcanjdangj byaij youq baihnaj seizdaih, guhbaenz diuz meg cing- saenz aeu gij cingsaenz laebdangj hungmbwk guh goekgaen, hawj Dangj raeuz itloh senhcin、itloh cinghseuq, hawj gij bonjlingx gaemgienz caeuq gij bonjlingx guh lingjdauj Dangj raeuz mboujduenh gyaak, Cunghgoz Gung- canjdangj dang ndaej hwnj aen Dangj hungmbwk miznaj cingqdeng.

Daengxhoih gangj daengz, bak bi daeuj, Dangj lingjdauj yinzminz haenqrengz buekguh, rom ndaej le yiengh lizsij gingniemh dijbauj, neix couh dwg：Dingjmaenh aeu Dangj lingjdauj, dingjmaenh yinzminz ceiq laux, dingjmaenh cauhmoq lijlun, dingjmaenh gag bae dangranz, byaij dingh diuz roen Cungguek, seizseiz sim miz seiqgyaiq, hailoh cauhmoq mboujduenh, gamj bae doucwngh mbouj dingz, mbouj lumz dungjyiz cansen, mbouj lumz gag bae gaij bienq ndei. Cib aen fuengmienh gwnzneix, dwg gij gingniemh dijbauj ginggvaq ciengzgeiz bae guh cwkrom cij ndaej, dwg gij cingsaenz caizfouq Dangj caeuq yinzminz doengzcaez cauh ok, itdingh aeu gyaboix insik、ciengzgeiz gaemmaenh, caemhcaiq youq ndaw gij saedguh seizdaih moq mboujduenh bae fungfouq caeuq hwngfat.

Daengxhoih gangj daengz, mbouj lumz simnduj，cij ndaej daengz byai. Cunghgoz Gungcanjdangj laebceiq guh gij saehnieb hungmbwk cien bi Cunghvaz Minzcuz, bak bi ngamj doiq seiz hoengh. Bak bi gvaqbae neix, Dangj yiengq yinzminz、yiengq lizsij gyau ok faenh dapgienj gig ndei ndeu. Seizneix, Dangj comzgiet daiqlingx yinzminz Cungguek youh yamq hwnj diuz roen ganjgauj moq guhbaenz gij moegbiu buekguh aen bak bi daih- ngeih. Daengx Dangj aeu geiqmaenh Cunghgoz Gungcanjdangj dwg gijmaz、yaek guh gijmaz aen vwndiz gaenbonj neix, gaemdawz gij byaijyiengq lizsij fazcanj, roengzmaenh lijsiengj saenq- niemh, rapmaenh diuz rap dawznduj, seizseiz giemhaw siujsim、mbouj dasang simgaenj、ganhoj haenqrengz guh, mbouj deng fungyiemj haep lau, mbouj deng gauxca maezluenh, baenzlawz cungj mbouj ndaej youq gwnz gij vwndiz na goek nangq rag de ok yiengh loengloek deng boek deng fan, aeu gij cingsaenz haeb maenh cix mbouj soeng bak bae baedrengz guhbaenz aen moegbiu gaenq dingh, aeu yiengh singjsag gyoengq vunz caez byaij bak leix loh buenqsoq goujcib cix yo din neix laebdaeb roengzrengz bae doihaeuj Cunghvaz Minzcuz fukhwng hungmbwk.

Daengxhoih daegbied gangj daengz, daengx Dangj itdingh aeu dawzmaenh Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cungyau Swhsiengj、Goh- yoz Fazcanjgvanh, dohdaengz gvancez Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, yungh gij laebciengz、yawjfap、fuengfap Majgwzswh cujyi bae cazyawj seizdaih、gaemdawz seizdaih、dazyinx seizdaih, mbouj- duenh gyalaeg nyinhrox gij gvilwd Gungcanjdangj gaemgienz、gij gvilwd hwnqguh sevei cujyi、 gij gvilwd aenbiengz vunzloih hwngfat. Itdingh aeu gaemmaenh aen gihbwnj lijlun、 diuz gihbwnj lusen、 aen gihbwnj fanghloz Dangj raeuz, gyarengz guh daengz “seiq rox”, roengz maenh “seiq aen gagsaenq”, guh daengz “song aen henhoh”, seizseiz daj doengbuenz bae ngeixnaemj baenzroix bae ngeixnaemj, dungjcouz doihaeuj aen baijbouh daengxbuenz “haj yiengh gap baenz aen”, doxdaengh doihaeuj yiengh baijbouh daengx- buenz “seiq aen cienzmienh” , ndwn youq ndaw duenh hwngfat moq、gvancez yiengh hwngfat leixniemh moq、cauhlaeb yiengh hwngfat gvaengxgyaq moq、doinyoengx yiengh hwngfat ndeindi, cienzmienh gyalaeg gaijgwz hailangh, coihawj doengzcaez fouqmiz, doihawj gohgi gag cauh gag ak, hawj yinzminz minzcuj ronzdoeng goekbyai, baujcingq yinzminz danggya guhcawj, dingjmaenh cienzmienh ciuqfap guenj guek, dingjmaenh aen hwzsinh gyaciz dijhi sevei cujyi, dingjmaenh youq ndaw hwngfat baujcang caeuq gaijndei gij gwndaenj beksingq, dingjmaenh vunz caeuq swyenz doxhuz caemhyouq, doeng- buenz maeuzveh hwngfat caeuq ancienz, gyavaiq gozfangz caeuq bingdoih yendaiva, gaprengz doihaeuj yinzminz fouqmiz、guekgya hoengh- ak、Cungguek gyaeundei.

Daengxhoih daegbied gangj daengz, daengx Dangj itdingh aeu ciengxlwenx baujciz caeuq yinzminz ginzcung gaenjmaed lienzhaeh, hengzguh aen swhsiengj hwngfat aeu yinzminz guh cungsim, mboujduenh guh ndei、hen ndei、hwngfat ndei gij leih’ik goekdaeuz gyoengq yinzminz ceiq lai, comzgiet daiqlingx daengx guek gak cuz yinzminz mboujduenh vih saedceij gyaeundei bae haenq- rengz buekguh. Daengx Dangj itdingh aeu geiqmaenh haemzhoj huxhaih hawj vunz ndaej lix、cwxcaih yiengjlag hawj vunz deng mied, naemj bae gyaeraez、youq onj ngeix nanh, laebdaeb doihaeuj hangh gunghcwngz hungmbwk moq seizdaih moq hwnq- guh aen Dangj, dingjmaenh dohdaengz yiemz haenq guenj Dangj, giendingh mbouj bienq doihaeuj gaiq hong dangjfungh lenzcwng gensez caeuq fanj nduknaeuh doucwngh, guh daengz nanz mbouj ndaej、at mbouj baih, doinyoengx aen ruz yiengh saehnieb sevei cujyi miz gij daegsaek Cungguek cung gvaq langh hung、itloh roemx baenaj.

Daengxhoih gietdingh, Baez Ngeihcib Daengx Guek Daibyauj Daihhoih Cunghgoz Gungcanjdangj youq 2022 nienz buenq bi laeng youq Baekging ciuhai. Daengxhoih nyinhnaeuz, Ngeihcib Daih Dangj raeuz dwg aen daihhoih gig youqgaenj ndeu，de dwg Dangj raeuz youq mwh youqgaenj byaij haeuj duenh roen moq dohdaengz hwnqbaenz aen guekgya sevei cujyi yendaiva、roemx coh aen moegbiu buekguh aen bak bi daihngeih le ciuhai, dwg gienh saeh hung ndaw cwngci swnghhoz Dangj caeuq guekgya ndeu. Daengx Dangj aeu comzgiet daiqlingx daengx guek gak cuz yinzminz gungroengz hojnanz、haenqrengz baenaj, vih dohdaengz hwnqbaenz aen guekgya sevei cujyi yendaiva、duedaeu yiengh sevei cujyi miz gij daegsaek Cungguek seizdaih moq ndaej hingz hungmbwk、guhbaenz aen loqsiengj Cungguek Cunghvaz Minzcuz fukhwng hungmbwk caiq guh gunghawj engq lai, aeu cingzcik ndei daeuj ciepcoux Ngeihcib Daih Dangj raeuz ciuhai.

Dangjcunghyangh iuheuh, daengx Dangj daengx ginh daengx guek gak cuz yinzminz aeu engqgya gaenjmaed doxgiet youq seiqhenz aen Dangjcunghyangh aeu Siz Ginbingz dungzci guhgoek haenx, dohdaengz gvancez Aen Swhsiengj Sevei Cujyi Miz Gij Daegsaek Cungguek Seiz- daih Moq Siz Ginbingz, haenqrengz hungzyangz gij cingsaenz laeb Dangj hungmbwk, gaej lumz gij haemzhoj ronghsag seizgonq, daengh ndaej hwnj diuz rap gwnz mbaq seizneix, doiq ndaej hwnj aen loqsiengj hungmbwk seizlaeng, aeu lizsij daeuj daezsingj、 haicauh daengzcog, ngaemgyaeuj haenqguh、daihdamj baenaj, vih guhbaenz aen moegbiu buekguh aen bak bi daihngeih、guhbaenz aen loqsiengj Cungguek Cunghvaz Minz- cuz fukhwng hungmbwk buekguh mboujdingz. Raeuz gig saenq, Cungh- goz Gungcanjdangj caeuq yinzminz Cungguek youq bak bi gonq aeundaej le gij ndaejhingz caeuq gij miznaj hungmbwk, bietdingh yaek youq seizdaih moq gwnz roen moq aeundaej gij ndaejhingz caeuq miznaj engqgya hungmbwk!

（Sinhvazse Baekging 11 Nyied 11 Hauh Dienh）