（ciep banj 2）guhbaenz le Gohyoz Fazcanjgvanh, gaemdawz mboengq seizgei youqgaenj he, haeujsim guh gensez, laemxsim maeuz hwngfat, dawznaek aeu vunz guh goek、hawj hwngfat ndaej dohdaengz doxdaengh lienzdaemh roengzbae, roengzrengz baujndei caeuq gaijndei gij gwndaenj beksingq, coihawj ndawbiengz goeng- bingz cingqngeih, doihaeuj gaiq hong hawj Dangj raeuz engq rox gaemgienz engq ak gaemgienz caeuq ndaej ciengxlwenx maenhndei gvaq vunz, youq baihlaj hingzseiq moq ndaej baujndei caeuq hwngfat le yiengh sevei cujyi miz gij daegsaek Cung- guek.

Daengxhoih daegbied gangj daengz, youq ndaw duenh neix, Dangj raeuz daj saedsaeh moq caeuq aen daegdiemj seizdaih moq hwnjdin, dawzndei caeuq hwngfat Majgwzswh cujyi, gohyoz hoizdap le doengh roix vwndiz baeznaengz gvendaengz hwnq- guh yiengh sevei cujyi miz gij daegsaek Cungguek, lumjbaenz diuz roen hwngfat、duenhmbaek hwngfat、faenhhong giekbonj、rengznyoengx hwngfat、aen canloz hwngfat、cwngci baujcingq、guekcoj dungjyiz、gij canloz vaigyauh caeuq gozci、gij rengz lingjdauj caeuq gij rengz ingbaengh daengj, guhbaenz aen lijlun dijhi yiengh sevei cujyi miz gij daegsaek Cungguek, hawj Majgwzswh cujyi habngamj Cungguek caiq ndaej bonghyat baenaj. Dangj raeuz lingj- dauj yinzminz gaijfang swhsiengj、laebsim guh baenaj, youq fuengmienh gaijgwz hailangh caeuq hawj sevei cujyi yendaiva guhbaenz haujlai saeh hung, guek raeuz guhbaenz yiengh cienjbienq hungloet lizsij caengz miz gvaq he, couhdwg daj aen dijci giva ginghci gig gyonjconz haenx cienj haeuj aen dijci yiengh hawciengz ginghci sevei cujyi gig miz rengz- hoengh、daj fungsaek buenq fungsaek cienj daengz gizgiz yienghyiengh hailangh, guhbaenz baez cungbyoengq hungloet hab geiq haeuj lizsij he, couhdwg daj swnghcanjliz siengdoiq doeklaeng yat daengz aen cungjliengh ginghci seiqgyaiq daihngeih, guh- baenz baez bonghhamj hungloet doenghbaez caengz miz gvaq, couhdwg daj beksingq gwndaenj mbouj gaeuq daengz cungjdaej siujgangh、 buet coh siujgangh dohdaengz, doihaeuj Cunghvaz Minzcuz daj ndwn hwnj- daeuj daengz fouq hwnjdaeuj yiengh bonghyat hungmbwk neix. Cunghgoz Gungcanjdangj caeuq yinzminz Cung- guek baengh yiengh gamj guh gamj buek yiemzrwd naeuz hawj daengx seiqgyaiq rox, gaijgwz hailangh dwg aen banhfap ceiq youqgaenj gietdingh yiengh ndeirwix baenzbaih ngoenz- laeng aen Cungguek ciuhneix, diuz roen sevei cujyi miz gij daegsaek Cungguek dwg diuz roen cingqdeng dazyinx Cungguek hwngfat hoengh- hwd, Cungguek yamq hung boenq cimh le seizdaih.

Daengxhoih gangj daengz, Cibbet Daih Dangj raeuz doxdaeuj, yiengh sevei cujyi miz gij daegsaek Cungguek haeuj daengz seizdaih moq. Gij hong youqgaenj Dangj raeuz bungz daengz, dwg guhbaenz faenhhong buekguh aen bak bi daih’it, hainduj bae guh faenhhong buekguh aen bak bi daih- ngeih, gaenriengz aen moegbiu hungloet guhbaenz Cunghvaz Minzcuz fukhwng hungmbwk laebdaeb byaij baenaj. Dangj raeuz lingjdauj yinz- minz gag saenq gag ak、souj maenh cauhmoq, cauh ok le gij cwngzciu hungloet yiengh sevei cujyi miz gij daegsaek Cungguek seizdaih moq.

Daengxhoih daegbied gangj daengz, gyoengq vunz Cunghgoz Gungcanjdangj youz Siz Ginbingz dungzci lingxdaeuz daibyauj haenx, itloh aeu gij yienzleix giekbonj Majgwzswh cujyi caeuq gij saed- saeh Cungguek dox giethab、 caeuq gij conzdungj vwnzva maenhndei Cunghvaz dox giethab, seizseiz dawzmaenh Mauz Cwzdungh Swh- siengj、Dwng Siujbingz Lijlun、“Sam Aen Daibyauj”Cungyau Swhsiengj、Gohyoz Fazcanjgvanh, laegdaeuq cungjgez caemhcaiq lailai yunghndei gij gingniemh lizsij daj Dangj raeuz laebbaenz doxdaeuj he, daj saedsaeh moq hwnjdin, cauhlaeb le Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz. Siz Ginbingz dungzci haeuj laeg bae naemj caeuq gohyoz bae duenh le baenzroix vwndiz hungnaek doengh gij lijlun caeuq sizcen gvendaengz aen saehnieb Dangj caeuq guekgya seizdaih moq hwngfat，lumjbaenz youq seizdaih moq aeu dingjmaenh caeuq hwngfat yiengh sevei cujyi miz gij daegsaek Cungguek lawz、baenzlawz dingjmaenh caeuq hwngfat yiengh sevei cujyi miz gij daegsaek Cungguek，hwnqguh aen guek ak yendaiva sevei cujyi yiengh lawz、baenzlawz hwnqguh aen guek ak yendaiva sevei cujyi，hwnqguh aen cwngdangj Majgwzswh cujyi ciengz- geiz gaemgienz yiengh lawz、baenzlawz hwnqguh aen cwngdangj Majgwzswh cujyi ciengzgeiz gaemgienz, doiq gij goqdaez hungnaek neix daezok baenzroix leixniemh moq swhsiengj moq canloz moq guenj guek ceih biengz dwg baeznduj cauhlaeb haenx，dwg boux youqgaenj haigoek laeb Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz. Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz dwg gij Majgwzswh cujyi aen Cungguek dangdaih、gij Majgwzswh cujyi ngeihcib it sigij，dwg gij ceiqndei ok laeng vwnzva Cunghvaz caeuq cingsaenz Cungguek seizneix，guhbaenz le Majgwzswh cujyi caeuq gij saedsaeh Cungguek dox giethab caiq ndaej yatbongh baenaj. Dangj raeuz dinghlaeb Siz Ginbingz dungzci guhgoek Dangjcunghyangh、guhgoek daengx Dangj，dinghlaeb aeu Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz daeuj dazyinx，neix fanjyingj le gij simmuengh caezcaemh daengx Dangj daengx ginh daengx guek gak cuz yinzminz, yaek bauj ndaej hwngfat gij saehnieb aen Dangj caeuq guekgya seizdaih moq、doihaeuj aen lizsij Cunghvaz Minzcuz fukhwng hung- mbwk.

Daengxhoih naeuz, aen Dangj- cunghyangh aeu Siz Ginbingz dungzci guhgoek neix, yungh yiengh cingsaenz hungmbwk doi lizsij baenaj、yiengh cwngci damjceiq gamj guh、yiengh cwzyin gamj dawz rapnaek， bae doengbuenz maeuzveh ndaw guek rog guek song aen daihbuenz，gvancez gij lijlun giekbonj、lohsienq giekbonj、fanghloz giekbonj Dangj raeuz，doengjlamx gij doucwngh hungmbwk、gunghcwngz hungmbwk、saehnieb hungmbwk、loqsiengj hungmbwk，dawzmaenh aen cawjdiuh guhhong youq ndaw onjdingh gouz baenaj, okdaiz baenzroix fuengcim cwngcwz hungnaek, doi ok baenzroix guhfap hungnaek, doi bae guh baenzroix gaiq hong hungnaek, dwk hingz baenzroix fungyiemj nyaeknyex hungnaek, gaij- gez le haujlai gij nanzdaez ciengzgeiz siengj gaijgez cix caengz ndaej gaijgez haenx, banh baenz le haujlai gij saehhung doenghbaez siengj banh cix caengz ndaej banh baenz haenx, doinyoengx gij saehnieb aen Dangj caeuq guekgya aeundaej gij cwngzciu hab geiq haeuj lizsij、miz ok gij bengwz doenghbaez caengz raen gvaq haenx.

Daengxhoih daegbied gangj daengz, Cibbet Daih Dangj raeuz doxdaeuj, youq dingjmaenh Dangj raeuz lingjdauj gizgiz yienghyiengh fuengmienh, gij gienzvi caeuq yiengh gyonjcomz lingjdauj Dangjcunghyangh ndaej daengz baujcingq rengzrwd, aen cidu dijhi Dangj raeuz lingjdauj yied daeuj yied ndei, gij fuengsik Dangj raeuz guh lingjdauj engq hab gohyoz, daengx Dangj swhsiengj fuengmienh engqgya doxdoengz、cwngci fueng- mienh engqgya doxgiet、guhsaeh fuengmienh engqgya doengzyamq, Dangj raeuz engq rox bae lingjdauj cwngci、dazyinx swhsiengj、cujciz cungqvunz、haucauh vunzlai. Youq cienzmienh yiemz haenq guenj Dangj fuengmienh, Dangj raeuz gij rengz gag bienq cinghseuq、gag guh caezcienz、gag gaij bienq ndei、 gag bae daez- sang haenx dem’ak yienhda，yiengh cingzgvang guenj Dangj ceih Dangj soeng unq haenx ndaej daj goek niujcienj gvaqdaeuj, aen doucwngh fanj nduknaeuh ndaej hingz dingh caemhcaiq ndaej cienzmienh gya- maenh, Dangj raeuz youq mwh muzlienh bienq ndei ndawde engq- gya rem’ak. Youq hwnqguh ginghci fuengmienh, gij ginghci guek raeuz hwngfat mingzyienj lai doxdaengh、doxhab、ndaej lienzdaemh, gij saedlig ginghci、saedlig gohgi、gueklig cunghab guekgya yat hwnj mbaek moq, gij ginghci guek raeuz yamq hwnj diuz roen hwngfat caetliengh engq sang、engq miz yauqlwd、engqgya goengbingz、engq ndaej lienzdaemh、engqgya ancienz. Youq cienzmienh gyalaeg gaijgwz hailangh fuengmienh, Dangj raeuz mboujduenh doinyoengx gij hong cienzmienh gyalaeg gaijgwz haeuj laeg haeuj gvangq, aen cidu sevei cujyi miz gij daegsaek Cungguek engqgya cingzsug engqgya dingh- yiengh, aen dijhi caeuq gij naengzlig ceihleix guekgya engq hab yiengh guhfap ciuh neix，gij saehnieb aen Dangj caeuq guekgya caiq fat ok rengzhoengh rengzmoq. Youq hwnq- guh cwngci fuengmienh, gaenxmaenx hawj yinzminz minzcuj ronzdoeng goekbyai, cienzmienh doihaeuj yiengh minzcuj cwngci sevei cujyi guek raeuz baenz cidu、hab gveihfan、miz bouhloh, gij ndeicawq yiengh cwngci cidu sevei cujyi miz gij daegsaek Cungguek ndaej engq ndei langh okdaeuj, aen cwngci gizmen seng- doengh hozboz、 andingh doxgiet neix ndaej gyamaenh caeuq hwngfat. Youq cienzmienh ciuqfap guenj guek fuengmienh, aen fapceih dijhi sevei cujyi miz gij daegsaek Cungguek mboujduenh laeb caezcienz, hwnqguh aen Cungguek fapceih yamq ok yamqdin maenhsaed, gij bonjsaeh Dangj raeuz yungh fapceih daeuj lingjdauj caeuq ceihleix guekgya ndaej dem’ak yienhda. Youq hwnq- guh vwnzva fuengmienh, gij hingzseiq aen lingjyiz yisiz hingzdai guek raeuz ndaej daj daengxbuenz、daj goekgaen bae cienjbienq, daengx Dangj daengx guek gak cuz yinzminz engqgya gagsaenq vwnzva bonjfaenh, daengx biengz engq rox comzgiet caeuq engq rox gaenjriengz, vih seizdaih moq haicauh gij yiengh moq saehnieb Dangj caeuq guekgya daezhawj le swhsiengj baujcingq rengzrwd caeuq cingsaenz ligliengh hung’ak. Youq hwnqguh ndawbiengz fuengmienh, gij gwndaenj yinzminz fuengfueng mienhmienh cungj ndaej gaijndei, ceihleix ndawbiengz miz vunzbiengz caeuqfaenh、ciuq fap bae guenj、guhbaenz cinwngz、bienq ciennieb doengh fuengmienh neix ndaej daezswng gig lai, aen gizmen ndei yinzminz an’onj gvaq saedceij、ndaw- biengz andingh mbouj luenh haenx ndaej hwngfat, hawj ndawbiengz ciengzgeiz onjdingh gienh saeh mbouj yungzheih neix itcig swnj guh roengzbae. Youq hwnqguh swnghdai vwnzmingz fuengmienh, Dangjcungh- yangh roengz gij rengz hung doenghbaez caengz miz gvaq bae ca gaiq hong cauxlaeb swnghdai vwnzmingz, hwnqguh aen Cungguek gyaeundei yamq ok yamqdin hung- naek, guekgya raeuz baujhoh swngh- dai vanzging mizok yiengh bienqvaq doenghbaez caengz miz gvaq、gaenq cienj ndei、daengxbuenz caez bienq haenx. Youq hwnqguh gozfangz caeuq bingdoih fuengmienh, bingdoih yinz- minz ndaej daj cingjdaej daj goekgaen caiqcauh、 dauqcungz coih ndei caiq hwnjdin, saedlig gozfangz caeuq saedlig ginghci caez ndaej ak, bingdoih yinzminz laemxsim raphwnj diuz rap seizdaih moq, yungh gij cingsaenz haenqmengx buekhoenx caeuq saedsaeh hengzdoengh henhoh le gij cawjgienz、 ancienz、 leih’ik hwngfat guekgya. Youq henhoh guekgya ancienz fuengmienh, guekgya ancienz ndaej gyaak dohcaez, dingj ndaej hwnj gij fungyiemj diuhcan oklaeng cwngci、 （cienj banj 4）