（ciep banjdaeuz）dohdaengz doihaeuj yiengh vaigyauh guekhung miz gij daegsaek Cungguek, gaiq hong hagsib sonrox dangjsij netsaed mizyauq, hoenx hingz cungj caihaih mbwnbaenz naekhaenq lai dingz lai yiengh, gij saehnieb aen Dangj caeuq guekgya hanghhangh caiq ndaej cwngzciu hungloet. Banhbaenz gij yienghsaeh baenzroix angqhoh Cunghgoz Gung- canjdangj laebbaenz hop 100 bi, Cunghgung Cunghyangh cungjsuhgi Siz Ginbingz fatbiuj gangjvah youq- gaenj, cingqsik senhbu dohdaengz hwnqbaenz aen biengz siujgangh, gikcoi daengx Dangj daengx guek gak cuz yinzminz simheiq hwngfat byaij coh gij moegbiu buekguh aen bak bi daihngeih.

Daengxhoih nyinhnaeuz, cungj- gez gij cwngzciu hungloet caeuq gingniemh lizsij Dangj raeuz buekguh bak bi, dwg youq mwh laeb Dangj ndaej bak bi yiengh lizsij diuzgen neix haihwnj duenh roen moq dohdaengz hwnqguh aen guekgya yendaiva sevei cujyi、youq seizdaih moq dawzyungh caeuq hwngfat yiengh sevei cujyi miz gij daegsaek Cungguek cix aeu baenzneix guh; dwg lai rox gangj cwngci、lai rox naemj daengxbuenz、lai rox riengz cehsim、lai rox gaen cunghyangh, dawzdingh gagsaenq diuz roen bonjfaenh、 gagsaenq lijlun bonjfaenh、 gagsaenq cidu bonjfaenh、 gagsaenq vwnzva bonjfaenh, guh daengz laemxsim henhoh Siz Ginbingz dungzci guhgoek Dangjcunghyangh、guhgoek daengx Dangj, laemxsim henhoh gij gienzvi caeuq yiengh gyonjcomz lingjdauj Dangjcungh- yangh, saedbauj daengx Dangj yamqdin doxdoengz byaij baenaj cix aeu baenzneix guh; dwg doihaeuj Dangj raeuz gag gaijndei bonjfaenh、hawj daengx Dangj lai miz bonjsaeh guh doucwngh caeuq lai ak wngqdoiq fungyiemj diuhcan、ciengxlwenx hawj Dangj cangqhoengh、comzgiet daiq- lingx daengx guek gak cuz yinzminz vih guhbaenz aen loqsiengj Cungguek Cunghvaz Minzcuz fukhwng hung- mbwk bae laebdaeb buekguh cix aeu baenzneix guh. Daengx Dangj aeu itloh gaemmaenh aen veizvuz sijgvanh caeuq aen dangjsijgvanh cingqdeng, daj gij saeh Dangj raeuz buekguh bak bi yawj cingcuj doenghbaez raeuz vihmaz guh ndaej baenz、 loengh mingzbeg daengzcog raeuz baenzlawz cij laebdaeb guh ndaej baenz, baenzneix engqgya giendingh、engq- gya gagrox bae raphwnj diuz rap dawznduj, youq seizdaih moq engq ndei bae dawzyungh caeuq hwngfat yiengh sevei cujyi miz gij daegsaek Cungguek.

Daengxhoih gangj daengz, Cunghgoz Gungcanjdangj daj 1921 nienz laebbaenz doxdaeuj, itloh aeu vih yinzminz Cungguek maeuz vuenyungz、vih Cunghvaz Minzcuz maeuz fukhwng dangguh diuz rap dawznduj bonjfaenh, itloh dawzmaenh aen lijsiengj gungcanj cujyi caeuq yiengh saenqniemh sevei cujyi, comzgiet daiqlingx daengx guek gak cuz yinzminz vih ceng’aeu minzcuz doglaeb、yinzminz gaijfang caeuq guhdaengz guekgya fouqak、yinzminz vuenyungz bae buekguh mboujdingz, gaenq byaij gvaq baenz bak bi ronghlwenq. Dangj caeuq yinzminz buekguh bak bi neix, sij ok le bien fwensei ceiq hungmbwk gwnz lizsij geij cien bi Cunghvaz Minzcuz.

Daengxhoih gangj daengz, duenh guh aen minzcuj cujyi gwzming moq, gij hong youqgaenj Dangj raeuz seizde bungz daengz, dwg fanjdoiq digoz cujyi、funghgen cujyi、gvanhliuz swh- bwnj cujyi, ceng’aeu minzcuz dog- laeb、yinzminz gaijfang, youq ndaw biengz roengz giek hawj baezlaeng ndaej guhbaenz Cunghvaz Minzcuz fukhwng hungmbwk. Youq mwh guh gwzming doucwngh, gyoengq vunz Cunghgoz Gungcanjdangj youz Mauz Cwzdungh dungzci lingxdaeuz dai- byauj haenx, aeu gij yienzleix giekbonj Majgwzswh Lezningz Cujyi caeuq gij saedsaeh Cungguek dox giethab, gyoebgyonj gij gingniemh gag cauh baenzroix dwg ginggvaq ganhoj damqra、sai lwed sai mingh cwkrom ndaej haenx baenz lijlun, hai ok diuz roen gwzming cingqdeng lajmbanj gvaeghumx hawsingz、hoenxciengq duedaeu cwnggenz, cauhlaeb le Mauz Cwzdungh Swhsiengj, vih duedaeu aen minzcuj cujyi gwzming moq ndaejhingz vixok fuengyiengq cingq- deng. Dangj raeuz lingjdauj yinzminz buekmingh dwkhoenx、dai cungj mbouj fug, cauh’ok le gij cwngzciu hungmbwk aen minzcuj cujyi gwzming moq, laebbaenz Cunghvaz Yinzminz Gunghozgoz, guhndaej minzcuz dog- laeb、yinzminz gaijfang, daengzdaej gietsat le gij lizsij aen biengz bancizminzdi banfunghgen Cungguek gaeuq, daengzdaej gietsat le gij lizsij bouxgwncienzvunz gig noix bae gaemguenj baenzgyoengq baenz- gyoengq bouxguhhong, daengzdaej gietsat le gij yiengh Cungguek gaeuq sanq lumj buenz sa ndeu, cawz raeg gij diuzyoz mbouj bingzdaengj doengh aen guek rog nyengh gya hawj Cungguek haenx caeuq sojmiz gij daeggienz digoz cujyi youq Cungguek miz he, hawj Cungguek daj yiengh cwngci funghgen conhci geij cien bi bonghyat haeuj daengz yinzminz minzcuj, hix gig daih gaijbienq le yiengh ndabaij cwngci lajmbwn, gikcoi le daengx seiqgyaiq gij minzcuz deng apbik caeuq gyoengq yinzminz deng apbik haenx engq miz mbeiheiq hoenx aeu gaijfang. Cunghgoz Gung- canjdangj caeuq yinzminz Cungguek baengh yiengh gamj guh gamj buek yiemzrwd naeuz hawj daengx seiq- gyaiq rox, yinzminz Cungguek daj seizneix ndwn hwnjdaeuj lo, aen seizdaih Cunghvaz Minzcuz caih vunz soemx、caih vunz gvej、caih vunz ciemq gaenq caiq mbouj dauqma lo, Cungguek hwngfat daj neix hai ok aen seizdaih moq.

Daengxhoih gangj daengz, duenh guh sevei cujyi gwzming caeuq gensez, gij hong youqgaenj Dangj raeuz seizde bungz daengz, dwg hawj yiengh minzcuj cujyi moq cienjbienq baenz sevei cujyi, guh sevei cujyi gwzming, doihaeuj sevei cujyi gensez, daj gwnz cwngci gwnz cidu roengz giek hawj raeuz guhbaenz Cunghvaz Minzcuz fukhwng hungmbwk. Ndaw duenh neix, gyoengq vunz Cunghgoz Gung- canjdangj youz Mauz Cwzdungh dungzci lingxdaeuz daibyauj haenx doiq sevei cujyi gensez daezok baenzroix swhsiengj youqgaenj. Mauz Cwzdungh Swhsiengj dwg Majgwzswh Lezningz Cujyi youq Cungguek cauhmoq yinhyungh caeuq hwngfat，dwg gij lijlun yenzcwz caeuq ging- niemh cungjgez gvendaengz Cungguek guh gwzming caeuq gensez gaenq deng saedguh cingqmingz cingqdeng haenx，dwg Majgwzswh cujyi caeuq gij saedsaeh Cungguek giethab youq gwnz lizsij guh baez bonghyat daih’it. Dangj raeuz lingjdauj yinzminz gag baengh swhgeij、laemxsim bienq ak, hawj sevei cujyi gwzming caeuq gensez cauh ndaej le cwngzciu hungmbwk, hawj Cunghvaz Minzcuz daj miz lizsij doxdaeuj guhbaenz yiengh biengz bienq ceiq gvangq ceiq laeg, hawj aen guek hung baihdoeng yiengh hojndoq、vunz lai neix ndaej bonghyat haeuj daengz aen biengz sevei cujyi. Guek raeuz laebhwnj aen gunghyez dijhi caeuq gozminz ginghci dijhi doglaeb youh haemq caezcingj, gij diuzgen guh reihnaz bienq ndei lailai, gij saehnieb gyauyuz、gohyoz、vwnzva、veiswngh、dijyuz yamq ok yamq laux, Yinzminz Gaijfangginh bienq coek bienq ak, daengzdaej gietsat le yiengh vaigyauh sainaj Cungguek gaeuq. Cunghgoz Gung- canjdangj caeuq yinzminz Cungguek aeu gij yiengh gamj guh gamj buek naeuz lajmbwn rox, yinzminz Cungguek mboujdan ak bae buqvaih aen seiqgyaiq gaeuq、hix ak bae dajcauh aen seiqgyaiq moq ndeu, cijmiz sevei cujyi gouq ndaej Cungguek, cijmiz sevei cujyi ndaej hawj Cungguek hwngfat.

Daengxhoih gangj daengz, duenh moq guh gaijgwz hailangh caeuq sevei cujyi yendaiva gensez, gij hong youqgaenj Dangj raeuz seizde bungz daengz, dwg laebdaeb ra aeu diuz roen cingqdeng hawj Cungguek gensez sevei cujyi, gaijfang caeuq fazcanj sevei swnghcanjliz, hawj yinzminz baet gungz duet hoj、vaiq di fouqmiz hwnjdaeuj, aeu yiengh dijci youh hoengh youh moq bae baujcingq、aeu yiengh hwngfat riengjvaiq guh vuzciz diuzgen hawj raeuz guh- baenz Cunghvaz Minzcuz fukhwng hungmbwk. Baez Daengxhoih Sam Cungh Gaiq Cib’it Dangj raeuz gvaq- laeng, gyoengq vunz Cunghgoz Gung- canjdangj youz Dwng Siujbingz dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, laegdaeuq cungjgez gij gingniemh baenzbaih daj Cungguek moq laebbaenz doxdaeuj, hopheux gijmaz dwg sevei cujyi、baenzlawz gensez sevei cujyi aen vwndiz ceiq goek neix, ciuq yawj gij gingniemh lizsij sevei cujyi lajbiengz, cauhlaeb le Dwng Siujbingz Lijlun, hawj swhsiengj hoiz haed, ciuq saedsaeh banhsaeh, guh ok aen gezcwz hawj gaiq hong aen Dangj caeuq guekgya comzrengz bae guh de cienj daengz gwnz gaiq hong guh ginghci gensez、guh gaijgwz hailangh daeuj, aen gezcwz hab geiq haeuj lizsij neix haeuj goek haeuj ceh gangj ok le sevei cujyi dauqdaej dwg yiengh lawz, doekdingh diuz gihbwnj lusen duenh codaeuz sevei cujyi, mingzbeg gangj ok aeu byaij diuz roen bonjfaenh、hwnqguh yiengh sevei cujyi miz gij daegsaek Cungguek, gohyoz hoizdap le doengh gij gihbwnj vwndiz baenzroix gvendaengz hwnqguh yiengh sevei cujyi miz gij daegsaek Cungguek, ceiqdingh le aen canloz hwngfat daengz ngeihcib it sigij buenqgyang faen sam yamq byaij、daihdaej guhbaenz sevei cujyi yendaiva, hai baenz le yiengh sevei cujyi miz gij daegsaek Cungguek.

Daengxhoih gangj daengz, Baez Daengxhoih Seiq Cungh Gaiq Cibsam Dangj raeuz gvaqlaeng, gyoengq vunz Cunghgoz Gungcanjdangj youz Gyangh Cwzminz dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, dawzmaenh gij gihbwnj lijlun、diuz gihbwnj lusen Dangj raeuz, gyalaeg nyinhrox gijmaz dwg sevei cujyi、baenzlawz hwnqguh sevei cujyi caeuq yaek hwnqguh aen Dangj baenz yiengh lawz、baenzlawz bae hwnqguh aen Dangj, guhbaenz le “Sam Aen Daibyauj”Cungyau Swhsiengj, youq mwh ndaw guek rog guek saeh lai gyauxgyog、gij sevei cujyi lajmbwn deng ngutngeuj youqgaenj doengh gij yienghsaeh neix cungj roemx haeuj baihnaj daeuj, henhoh le yiengh sevei cujyi miz gij daegsaek Cungguek, doekdingh le gij moegbiu gaijgwz caeuq aen gvaengxgaq dwkdaej aen dijci yiengh hawciengz ginghci sevei cujyi, doekdingh le youq duenh codaeuz sevei cujyi aen gihbwnj ginghci cidu aeu gij gunghyoujci guh goek、lai cungj sojyoujci ginghci doengzcaez hwngfat caeuq aen cidu faenboiq aeu ciuq hong faenboiq guh goek、lai cungj fuengsik faenboiq caezyouq haenx, cauh ok gij yiengh moqsak gaijgwz hailangh dohdaengz, doihaeuj hangh gunghcwngz hung- mbwk moq hwnqguh aen Dangj, ndaej dawz yiengh sevei cujyi miz gij daegsaek Cungguek doi haeuj ngeih- cib it sigij.

Daengxhoih gangj daengz, Cib- roek Daih Dangj raeuz gvaqlaeng, gyoengq vunz Cunghgoz Gung- canjdangj youz Huz Ginjdauh dungzci lingxdaeuz daibyauj haenx, comzgiet daiqlingx daengx Dangj daengx guek gak cuz yinzminz, youq mwh dohdaengz hwnqguh aen biengz siujgangh doihaeuj cauhmoq guhsaeh、cauhmoq lijlun、cauhmoq cidu, laegdaeuq roxyiuj caeuq hoizdap le doengh gij vwndiz hungnaek gven- daengz youq laj hingzseiq moq guh yiengh hwngfat lawz、baenzlawz bae hwngfat daengj, （cienj banj 3）