（2021 nienz 11 nyied 11 hauh Baez Hoih Daengxcungq Daihroek Cunghyangh Veijyenzvei Gaiq Cibgouj Cunghgoz Gungcanjdangj doenggvaq）

Baez Hoih Daengxcungq Daih- roek Cunghyangh Veijyenzvei Gaiq Cibgouj Cunghgoz Gungcanjdangj, 2021 nienz 11 nyied 8 hauh daengz 11 hauh youq Baekging ciuhai.

Gij vunz daeuj camgya baez daengxhoih neix miz, cunghyangh veijyenz 197 vunz, boux cunghyangh veijyenz deqbouj 151 vunz. Doengh boux veijyenz aen cangzvu veij- yenzvei Cunghyangh Gijliz Genjcaz Veijyenzvei caeuq doengh bouxdaeuz mizgven fuengmienh lezsiz baez hoih neix. Mbangj gihcwngz dungzci caeuq conhgyah yozcej ndaw daibyauj Cibgouj Daih Dangj raeuz caemh lezsiz baez hoih neix.

Daengxhoih youz Cunghyangh Cwngcigiz ciucomz. Cunghyangh Veijyenzvei cungjsuhgi Siz Ginbingz guh le gangjvah youqgaenj.

Daengxhoih dingqaeu caeuq yaenglwnh le aen gunghcoz baugau Cunghyangh Cwngcigiz dak Siz Ginbingz guh haenx, saemjlwnh doenggvaq le《Aen Gezyi Gvendaengz Gij Cwngzciu Hungloet Caeuq Ging- niemh Lizsij Dangj Raeuz Buekguh Bak Bi Cunghgung Cunghyangh》, saemjlwnh doenggvaq le 《Aen Gezyi Gvendaengz Ciuhai Aen Daihhoih Daengx Guek Daibyauj Baez Ngeihcib Dangj Raeuz》. Siz Ginbingz couh《Aen Gezyi Gvendaengz Gij Cwngzciu Hungloet Caeuq Gingniemh Lizsij Dangj Raeuz Buekguh Bak Bi Cunghgung Cunghyangh（Faenh Gauj Daujlun）》, yiengq daengxhoih guh le gangjmingz.

Daengxhoih cungfaen haengj- dingh le gij hong Cunghyangh Cwngcigiz daj Baez Daengxhoih Haj Cungh Gaiq Cibgouj doxdaeuj. Caezgya nyinhnaeuz, bi ndeu daeuj，yiengh bienqvaq hungloet seiqgyaiq bak bi caengz raen caeuq ciengz bwtbingh sinhgvanh lah doh lajbiengz hoedheux yingjyangj, aen vanzging baihrog engqgya fukcab naekhaenq, doengh gij hongsaeh fuengzre gaem- hanh yiengh bwtbingh sinhgvanh caeuq fazcanj ginghci sevei ndaw guek naekcaem gannanz. Cunghyangh Cwngcigiz yaengx sang fan geiz hungmbwk yiengh sevei cujyi miz gij daegsaek Cungguek, itloh aeu Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun、Sam Aen Daibyauj Cungyau Swhsiengj、Gohyoz Fazcanjgvanh、Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz daeuj dazyinx, dohdaengz gvancez gij cingsaenz Cibgouj Daih caeuq Baez Daengxhoih Ngeih Cungh、Sam Cungh、Seiq Cungh、Haj Cungh Gaiq Cibgouj Dangj raeuz, dungjcouz ndaw guek rog guek song aen daihbuenz, dungjcouz fuengzre bingh- raq caeuq fazcanj ginghci sevei, dungjcouz hwngfat caeuq ancienz, dawzmaenh aen cawjdiuh guhhong youq ndaw onjdingh gouz baenaj, dohdaengz gvancez yiengh hwngfat leixniemh moq, gyavaiq cauhlaeb yiengh hwngfat gvaengxgyaq moq, ginghci itloh hwngfat baenaj, gohgi gag ak doihaeuj lailai, gaijgwz hailangh gyalaeg mboujduenh, ciengz ciengq haenq rengz duetgungz ciuq- geiz dwkhingz, minzswngh baujcang raenndei dahraix, aen daihbuenz ndawbiengz itcig onjdingh, netsaed doihaeuj gozfangz caeuq bingdoih yendaiva， （cienj banj 2）