Bonjbauq siusik（gicej Luz Caudwz） 11 nyied 1 hauh, Gvangjsih hai Aen Hoih Hong Minzcuz Daengx Gih, hoih de yinx vunzlai aenbiengz gak gyaiq gih raeuz fanjyiengj hoenghhwd.

“Aen Hoih Hong Minzcuz Daengx Gih dwg aen hoih hung riengz yamqdin cunghyangh byaij haenx, netsaed guhsaeh le gij baijbouh iugouz Aen Hoih Hong Minzcuz Cungh- yangh.” Boux dangjcuj suhgi、boux- cujyin Swcigih Minzcunghveij giem boux fubucangj Swcigih Dangjveij Dungjcanbu Banh Cunghboz naeuz, gyoengqraeuz yaek aeu cienzmienh、caezcup、dawzcinj caeuq gvancez gij swhsiengj youqgaenj Siz Ginbingz cungjsuhgi mizgven gyagiengz caeuq gaijndei hong minzcuz, guhsaed gij cingsaenz gangjvah youqgaenj Liuz Ningz suhgi, aeu saedguh hongbaenz doidoengh gij cingsaenz Aen Hoih Hong Minzcuz Daengx Gih guhsaed guhsaeq. Yaek caezhwnq aen dieg guhyiengh cukmaenh gij eiqsik caez- caemh Cunghvaz Minzcuz guhdaeuz, engq dawz aen daihbuenz lwnhgangj son’gyauq cukmaenh gij eiqsik caez- caemh Cunghvaz Minzcuz、“aen minzcuz lawz cungj mbouj ndaej noix”、 haeujlaeg guh aen buenz Cunghvaz Minzcuz dwg lai aen minzcuz caemhguh ranz ndeu、ciuq fap ceihleix hongsaeh minzcuz、hen- hoh guekgya ancienz caeuq aenbiengz an’onj daengj hong youqgaenj haeuj- sim, haenqrengz youq cauhguh aen gyaranz cingsaenz doxcaemh Cungh- vaz Minzcuz、fugsaeh coengh rengz dieg siujsoq minzcuz comzyouq henzguek hwngfat caetliengh sang、coicaenh gak minzcuz dox baedauq doxgyau doxyungz、daezsang gij naengzlig gvendaengz gij hongsaeh minzcuz caeuq suijbingz yendaiva ceihleix dijhi、fuengzre vaqgej gij huxndumj fungyiemj youqgaenj dieg minzcuz daengj fuengmienh miz hwngfat moq, haenqrengz doidoengh hong minzcuz Gvangjsih youq seizdaih moq hwngfat ndaej caetliengh sang, gietcomz rengzmbwk caezguh aen Gvangjsih gyaeundei sevei cujyi miz gij daegsaek Cungguek seizdaih moq.

Bi 2021 dwg guek raeuz bi daih’it hengzguh aen canloz lajmbanj saenqhwng, bouxsuhgi Vanzgyangh Mauznanzcuz Swciyen Mbanjcinz- sangh Dangjcungjcih Veiz Bingjluz gamjsouh daengz gij cwngcwz minzcuz doiq dieg minzcuz yingjyiengj gig hung. Mbanjcinzsangh dwg “aen mbanj guhyiengh minzcuz doxgiet baenaj daengx guek”. Veiz Bingjluz naeuz Mbanjcinzsangh yaek ciq raq rumz aen hoih, cukmaenh gij eiqsik caezcaemh Cunghvaz Minzcuz, dem- giengz hwnqguh gij giekdaej sezsih goenggungh vwnzva fuzvu, guh lai cungj vwnzva hozdung, daezsang gij rengzhoengh vwnzva lajmbanj, laeb maenh aen funghsang moq vwnzmingz、huzndei, guhyiengh dazyinx vunzlai cauhguh minzcuz doxgiet baenaj, hengzguh aen canloz hwngfat laj- mbanj, hawj gak minzcuz vunzlai engq roxnyinh ancienz、souhaeuj lai、gvaq ndaej vuenyungz.

Bineix, mwh Siz Ginbingz cungjsuhgi cazyawj Gvangjsih seiz, bae gaujcaz le Liujcouh dieg swngh- canj lozswhfwnj, byaijhaeuj Gvangjsih Sanyenz Sizbinj Youjhan Gunghswh, de haenh naeuz“Lozswhfwnj couh- dwg daegsaek, aeu guh ok gijgwn vunzlai maij haenx, guh baenz aen canjnieb byailinx”. Boux dangjcungj- cihsuh aen gunghswh de Banh Cauz- yingh angq dwk naeuz:“Dou dawz cauhlaeb minzcuz doxgiet baenaj yungzhaeuj gak cungj hong gunghswh bae, hawj gak cuz yenzgungh sim siengj daengz giz ndeu, rengz ok daengz giz ndeu, aeu diuz canj- nieblienh lozswhfwnj coicaenh gak cuz vunzlai demsou baenzmiz、gak minzcuz doxgiet baenaj, caez buet coh ndwenngoenz gyaeundei.”