Sinhvazse Baekging ndwen 11 ngoenz 6 dienh Cunghgung Cunghyangh cungjsuhgi、Guek- gya cujsiz、 Cunghyangh Ginhveij cujsiz Siz Gin- bingz fak saenq cukhoh Sinhvazse laebbaenz 90 hopbi, daibyauj Dangjcunghyangh cukhoh daengx- cungq dungzci Sinhvazse, caemhcaiq youq mwh aen daihngeihngeih ciet gicej Cungguek daeujdaengz, camnai gyoengq bouxguhhong sinhvwnz daengx guek.

Siz Ginbingz youq ndaw saenq naeuz, 90 bi doxdaeuj, Sinhvazse laemxsim riengz dangj byaij, senhconz gij cawjcieng dangj, naeuz gij simnaemj beksingq, geiqloeg gij cingsaenz seizdaih, cienzboq gij sing Cungguek, youq gwzming、hwnjguh、gaijgwz gak aen lizsij seizgeiz fatok cozyung youqgaenj.

Siz Ginbingz giengzdiuh, youq gwnz roen moq cienzmienh hwnjguh sevei cujyi yendaiva guekgya, Sinhvazse aeu riengzgaenj yamqdin dangj, gaem- dawz cwngci fueng’yiengq cingqdeng, giendingh lijsiengj saenqniemh, soujmaenh gij cingz beksingq, swnjcienz lwedmeg saekhoengz, genhciz soujcingq cauhmoq, gyavaiq yungzhab hwngfat, gyagiengz doiqrog cienzboq, roengzrengz guhbaenz aen gihgou cenzmeizdij yienghmoq gozci okmingz, vih saed- yienh aen loqsiengj Cungguek Cunghvaz Minzcuz fukhwng hungmbwk、doidoengh cauhlaeb aen minghyinh caezcaemh vunzloih guh’ok gungyen hung moq.

Ngoenz 6 banhaet, Aen Hoih Angqhoh Sinh- vazse Laebbaenz 90 Hopbi youq Baekging banh, gwnz hoih doeg le saenq cukhoh Siz Ginbingz. Cunghgung Cunghyangh Cwngci Giz veijyenz、Cunghsenhbu bucangj Vangz Gunhmingz camgya haihoih caemhcaiq gangjvah. De naeuz, aeu nyinh- caen hagsib gvancez gij cingsaenz cijsi youqgaenj Siz Ginbingz cungjsuhgi, genhciz aeu gij swhsiengj Siz Ginbingz sevei cujyi miz daegsaek Cungguek seizdaih moq guh dazyinx, genhciz cwngcigyah banh se yenzcwz, swnjcienz gij gihyinh saekhoengz, soujmaenh bonjsaek goeknduj, sim naemj “gij hung guekgya”, cienzmienh haeujlaeg senhconz gij lijlun cauhmoq dangj, gvangqlangh cienzboq gij cawjcieng dangj, gaenxmaenx naeuz gij simnaemj beksingq, yungh sim veh fukveh seizdaih, yungh rengz ciengq diuzgo seizdaih, guh gij sawjmingh cizcwz hong sinhvwnz yizlun dangj lai ndei bae, roengzrengz cauh gij cingzcik moq doiq ndaej hwnj dangj、 doiq ndaej hwnj beksingq、doiq ndaej hwnj seizdaih.

Bi 1931 ndwen 11 ngoenz 7, Saekhoengz Cunghvaz Dunghsinse ndanggonq Sinhvazse youq Suiginh laebbaenz, bi 1937 ndwen 1 youq Yenzanh gaijmingz baenz Sinhvazse. Ginggvaq hwngfat 90 bi, Sinhvazse seizneix youq ndawguek rogguek miz 200 lai aen gihgou faennga, yungh 15 loh vah gung sinhvwnz saenqsik hawj daengx seiqgyaiq 8000 aen yunghhoh, cwgoemq gyaeujvunz seiqgyaiq buenq doxhwnj.