Vihle fatyiengz vwnzva ndei minzcuz, ciepcienz vwnzva ginghdenj Cunghvaz, dazyinx gyoengq lauxsae lwghag doeg sei ceiz、faenzcieng ndei, hawj vwnzva hagdangz engq naekna. Mboengqneix, Gveigangj Si Cinzdangz Gih youq Mungzgungh Cin Minzcuz Cuhgiz Cungh- yoz guh aen hagdangz doxdax aeu Vahcuengh doeg ginghdenj Cunghvaz. Gyoengq lauxsae、lwghag laeng 9 aen Cuengh、Gun song vah hagdangz Mungz- gungh Cin camgya doxdax. Gyoengqde ndangdaenj buhvaq minzcuz, ndaek coenz ndaek coenz doeg ndaej raeuz ndei youh miz gamjcingz. Bouxboux cungj gak yienh’ok daegsaek daeuj. Doxdax sat le, doeklaeng caiq bingzciengj, lauxsae miz roek boux ndaej itdaengjciengj, caet boux ndaej ngeihdaengjciengj; lwghag miz caet boux ndaej itdaengjciengj, cibsam boux ndaej ngeihdaengjciengj.

Mbat doxdax ndaej langhbaij gij yienghndei gyoengqvunz, hawj gij ndwen- ngoenz lwghag engq mizyinx, caemhcaiq coicaenh Cuengh Gun son’gyauq, hawj ginghdenj haeujsim haeujuk.

（Veiz Libingz / 韦丽平）