Gvangjsih dwg ndaw guek raeuz aen swcigih minzcuz vunznoix ceiq lai, dwg dieggaeuq gwzming, rangh- dieg henzguek, daj ciuhgeq doxdaeuj couh miz gij cienzdoengj maenhndei couhdwg gak minzcuz “caemh youq laj benq mbwn、caemh cae rangh doengh naz、 caemh gwn ga dah ndeu、caemh guh aen suenranz”, ranghdieg neix dwg aen suenranz gak minzcuz doxndei caemh youq、doxhaeuj doxcoengh. Daj Cibbet Daih Aendangj doxdaeuj, miz Dangj Cunghyangh caeuq Siz Ginbingz cungjsuhgi daiqlingx cinjdeng, Sw- cigih Dangjveij caeuq Cwngfuj doxgiet daiqlingx daengx gih gak cuz ganbu ginzcung, gamj siengj gamj guh、dangrap caen guh、caemh sim gyonj rengz hwnqguh aen dieg guhyiengh minzcuz doxgiet baenaj, ndaej baenz- saeh hungnaek dijndaej raiz haeuj ndaw lizsij bae.

Gak Minzcuz Guhdoih Mwnhoengh Hwngfat, Gak Dieg Hwngfat Doxca Ngoenz Beij Ngoenz Iq

Bi 2019, Gvangjsih digih swngh- canj cungjciz miz 21237 ik maenz, beij bi 2010 fan 1.03 boek; vunz hawsingz bingzyaenz moix boux miz gij souhaeuj gag gaem gag yungh 34745 maenz、vunz lajmbanj bingz- yaenz moix boux miz gij souhaeuj gag gaem gag yungh 13676 maenz, faenbied beij bi 2010 fan 1.03 caeuq 1.59 boek, lai caeux guhdaengz“song yiengh fan boek”.

Dangq aen swcigih youq daengx guek miz vunz gungzhoj lajmbanj ceiq lai, Gvangjsih bi 2020 nienzdaej guhdaengz hawj daengx gih 634 fanh vunz haeuj dangjan de duetgungz caez、5379 aen cunh gungzhoj ok lied caez、54 aen yienh gungzhoj duetmauh caez, ndawde miz 376.5 fanh minzcuz vunznoix duetgungz, Mauznanzcuz lai caeux guhdaengz daengx cuz duet- gungz, gij minzcuz vunznoix Yauz- cuz、Myauzcuz、Dungcuz、Mulaujcuz daengj cawzseuq gij gungzhoj mbouj gaeuq gwndaenj, laebdaeb 5 bi youq guekgya cunghab bingzgyaq fuzbinz baenzsaeh ndawde ndaej daengjgaep“ndei”, ciuq seiz guhbaenz gij saeh gaxgonq yiengq Dangj Cunghyangh baujcingq caeuq gij saeh gaxgonq han naekgwd“guh duetgungz bouxlawz cungj mbouj ndaej noix, aen minzcuz lawz cungj mbouj ndaej noix”.

Duenh“Cibsam Haj”, Gvangjsih guh gihcuj sezsih ndaej hamj baenaj, guhdaengz aenaen si doeng gauh- dez、aenaen yienh doeng gauhsuz、ranghrangh doeng minzhangz, aenaen hingzcwngcunh doeng roensuijniz caeuq cihek; gij soq hagseng haeujhag ciemq hagseng bizyez ndaw gyauyuz duenh gaxgonq haeujhag caeuq gouj bi yivu gyauyuz de sang daengz daengx guek bingzyaenz suijbingz, gij soq hagseng youq hagdangz beij vunz caemh duenh hab haeujhag ndaw gauhdwngj gyauyuz de youz 30.8% hwnj daengz 47.9%; gak gaep veiswngh gihgou gihcuj sezsih hab iugouz caez, yawj bingh yw bingh ndaej bouj yihbauj doh daengz cunh gaep, sojmiz vunz ndawde 97% doxhwnj camgya gihbwnj yihbauj; 99% hingzcwngcunh miz gunghgung fuzvu cunghsinh; gij soq vunz mbouj miz hong ndaej gaemhanh youq 3% dauqndaw; gij vunz sou ndaej gvangjbo densi miz 98.6%; 4G vangjloz miz doh daengx gih, 5G baenz buek yungh guh sanghyez, sojmiz hingzcwngcunh doeng gvangjden gvanghcenh caez, gak cuz ginzcung ngoenz beij ngoenz lai raen ndaejleih、raen vuenyungz、raen ancienz,“haj aen nyinhdoengz”ngoenz beij ngoenz maenh, gij giekdaej doenghyiengh hawj Cunghvaz Minzcuz caemh ranz ndeu cix lai maenh lo.

“Haj Aen Nyinhdoengz” Demgiengz Yienhda, Gak Cuz Lwgminz Cungj Riengz Dangj Bae

Gvangjsih gak cuz lwgminz youq mboengq guh gwzming、gensez、gaijgwz daengj gak duenh lizsij ndawde cungj dingq dangj gangj riengz dangj bae.

Youq duenh caeux Cunghgoz Gungcanjdangj laebbaenz, Veiz Baz- ginz bouxdaeuz Bouxcuengh daiqlingx nungzminz yindung neix couh caeuq Dwng Siujbingz daengj gwzminggyah bangeq youq gizneix fatdoengh caeuq daiqlingx Baksaek Hwnjbing, haicauh Cojyougyangh Gwzming Gwnhgidi, cauhlaeb Cunghgoz Gunghnungz Hungzginh Diciz Ginh. Youq ndaw gwnhgidi, gak cuz lwgminz mboujdan simhoengz camgya caeuq doxyaeng cwngci, 16 aen yienh gaep Suhveizaih cwngfuj roxnaeuz gwzming veijyenzvei ndawde miz 13 aen yienh bouxcujsiz daih’it dwg ganbu Bouxcuengh, gyoengqde vanzlij simhoengz dangbing hoenxciengq, daengz bi 1930 couh miz 25000 lai boux vunz gak minzcuz camgya Hungzcizginh caeuq cizvei- ginh, daj ndaw Hungzcizginh miz ok 20 boux gunghozgoz cienghginh, ndawde 14 boux dwg vunz Boux- cuengh.

Youq mwh hoenx Ciengz Ciengq Sienghgyangh dingh Cunghyangh Hungzginh dailix, gak cuz ginzcung ranghdieg baihbaek Gvangjsih mbouj lau daimingh coengh Hungzginh daiqloh、soengq siusik、ra haeuxgwn, baujhoh、ciuqgoq、gouq yw boux cansw Hungzginh sieng bingh roxnaeuz doekdoih. Daj hoenx ciengq gwzming youzgiz cancwngh daengz hoenx ciengq dingjhoenx Yizbwnj gouq guekgya, daj doifan Gozminzdangj fanjdung dungjci daengz cienzmienh bingzdingh caeg luenh, Gvangjsih gak cuz lwgminz dingq dangj hauqlingh buekrengz fanjhoenx、gonqlaeng dox- riengz, ok rengz hung coengh Cungh- goz gwzming ndaejhingz.

Daj Cungguek Moq laebbaenz doxdaeuj, Gvangjsih gak cuz lwgminz ndaej gejlangh fanndang le caiq fatyiengz gij gwzming cienzdoengj maenhndei, doxgiet ndaetmaenh hop- heux Dangj Cunghyangh, laemxsim dingq riengz Dangj Cunghyangh vixyinx. Daegbied daj Cibbet Daih Aendangj doxdaeuj, Gvangjsih dingjmaenh ciuq Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz vixyinx, demgiengz “seiq aen nyinhrox”、 dingjmaenh “seiq aen gagsaenq”、 guhdaengz “song aen henhoh”, cienz- mienh guhlaeg ciuqhengz caezcup gij sawjmingh moq“sam daih dinghvih”caeuq iugouz moq“haj aen netsaed” youz Siz Ginbingz cungjsuhgi daengq hawj Gvangjsih dangrap caeuq guhdaengz, ndawde sawjmingh moq baudaengz hwnqguh daihloh gozci doeng coh Dunghmungz、dajcauh giz cengjdaeux canloz moq ranghdieg sihnanz cunghnanz hailangh hwngfat、guhbaenz douranz youqgaenj ciep“it rangh it loh”, iugouz moq baudaengz netsaed doinyoengx ginghci gengangh hwngfat、netsaed doinyoengx hwnqguh gij nungzyez miz daegsaek daihneix、netsaed bauj lwgminz gwndaenj caeuq gunggeng duetgungz、netsaed doi- nyoengx henhoh swnghdai vanzging、netsaed cauh ban lingjdauj giengzak rengzrwd, dingjmaenh rap hwnj rapnaek couhdwg hwnqguh aen dieg guhyiengh daengx guek minzcuz doxgiet baenaj, guh gij hongsaeh gyamaenh minzcuz doxgiet、coi- nyoengx gak cuz mwnhoengh hwngfat、henhoh ndawbiengz onjdingh、baujhoh henzguek anonj baenzsaeh hungdaeuz, miz baenzbang baenzbuek senhcin denjhingz caeuq gyoengqvunz buengj- yiengh, lumj “gaijgwz senhfungh”Veiz Vannwngz、“bouxyienghndei seizdaih”Vangz Danenz、boux ndaej“aencieng caet it”Vangz Vwnzsiu、“bouxlezsw dingj binghraq bwtndat” Liengz Siujyaz daengj, baijok Gvangjsih gak cuz lwgminz cungsim doiq Cunghgoz Gungcanjdangj hawj daengx guek caiqlij daengx seiqgyaiq yawj, nyinhdoengz yiengh sevei cujyi miz gij daegsaek Cungguek.

Hwnqguh Suenranz Cing- saenz Caemh Miz Lai Vaiq, Hawj Vwnzva Doxcaezcaemh Gyalai Yienhda

Youq ndaw lizsij Gvangjsih yienznaeuz dieg doekhenz doekgyae, danhseih daj Ciuzcinzcauz gvihaeuj vuengzciuz cunghyangh bae le haujlai nanz cungj ndaej Yuzgyah vwnzva cimqnyumx, cauhbaenz le Gvangjsih gak minzcuz gag rox caeuq nyinh- doengz vwnzva bonjfaenh gvihaeuj vwnzva Cunghvaz bae. Cunghgoz Gungcanjdangj laebbaenz doxdaeuj, ndaej vwnzva saekhoengz、sevei cujyi senhcin vwnzva mboujduenh nyumx- dawz le couh caiq cukmaenh gij giekdaej Gvangjsih gak minzcuz nyinhdoengz vwnzva doxcaemh.

Daj Cibbet Daih Aendangj doxdaeuj, Gvangjsih dingjmaenh ciuq sevei cujyi vaedsim gyacizgvanh vixyinx, dawz loqsiengj Cungguek guh cawjdaez seizdaih, ok rengz hung swnjcienz fatyiengz gij vwnzva cienz- doengj maenhndei Cunghvaz、vwnzva gwzming, mboujduenh gyarengz son- gyauq lwnhrox minzcuz doxgiet baenaj, bingzciengz cungj guh gij hozdung ndwen lwnhrox minzcuz doxgiet aeu “gyo’mbaiq aendangj riengz aendangj bae cukmaenh gij eiqsik caezcaemh Cunghvaz Minzcuz”guh cawjdaez daengj, ok rengz haenq hawj gak minzcuz ginzcung gya rox“haj aen nyinhdoengz”, gyamaenh“seiq liengz bet saeu”aenranz cing- saenz caemh miz Cunghvaz Minz- cuz.

Caemh gijneix, Gvangjsih dingj- maenh coinyoengx gak minzcuz vwnz- va youq swnjcienz henhoh ndawde doxgyaux cauhmoq, dawz gij guhfap fatyiengz vwnzva cienzdoengj maenh- ndei minzcuz vunznoix caeuq cauhguh Cunghvaz vwnzva gak minzcuz caemh yungh doxgap habngamj, roengzrengz hawj vwnzva doxdoengz caeuq dox- bauyungz gyalai. Gyarengz henhoh gak minzcuz vwnzva yizcanj caeuq cauhmoq cienjbienq, doinyoengx Gingjsiengq Vwnzva Veh Dat Byaraiz Dahcojgyangh ndaej haeuj ndaw mingzloeg seiqgyaiq vwnzva yizcanj, Faenjsaenaz Liujcouh daengj 64 aen hanghmoeg ndaej senj haeuj guekgya gaep feihvuzciz vwnzva yizcanj mingzloeg, （cienq banj 3）