Ndwen 11 ngoenz 1, Aen Hoih Hong Minzcuz Daengx Gih youq Nanzningz hai. Swcigih Dangjveij suhgi Liuz Ningz camgya haihoih caemhcaiq gangjvah, giengzdiuh aeu haeujlaeg hagsib gvancez gij swhsiengj youqgaenj Siz Ginbingz cungjsuhgi mizgven gyagiengz caeuq gaijndei hong minzcuz caeuq gij cingsaenz Aen Hoih Hong Minzcuz Cunghyangh, haeujlaeg hagsib roxyiuj gij cingsaenz gangjvah youqgaenj “4·27” Siz Ginbingz cungjsuhgi, netsaed gvancez doeksaed gij iugouz baenzroix gangjvah youqgaenj Siz Ginbingz cungjsuhgi doiq hong Gvangjsih haenx, aeu cukmaenh gij eiqsik caezcaemh Cunghvaz Minzcuz guh sienqmeh, gaenxmaenx caezhwnq aen dieg guhyiengh cukmaenh gij eiqsik caezcaemh Cunghvaz Minzcuz, haenqrengz doicaenh hong minzcuz seizdaih moq hwngfat youh ndei youh vaiq byaij baihnaj、guh yienghndei, gyonj sim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq. Swcigih Dangjveij fusuhgi、Swcigih cujsiz Lanz Denhliz cujciz aen hoih caemhcaiq cienz mizgven cingsaenz, Swcigih Cwnghez cujsiz Sunh Daveij camgya, Swcigih Dangjveij fusuhgi Liuz Siujmingz cungjgez gangjvah.

Liuz Ningz giengzdiuh, gij gangjvah youqgaenj Siz Ginbingz cungjsuhgi youq Aen Hoih Hong Minzcuz Cunghyangh, vih guhndei hong minzcuz dangj seizdaih moq vix cingcuj le fueng’yiengq baenaj, daezhawj le gij ciuqei gaenbonj. Daengx gih gwnz laj aeu nyinhcaen hagsib gvancez、roxyiuj laegdaeuq、gaemdawz cinjdeng gij lizsij fueng’vih caeuq sawjmingh youqgaenj hong minzcuz seizdaih moq, aeu “12 aen itdingh” yungzhaeuj daengz daengx aen ginggvaq gak dieg hong minzcuz, giendingh mbouj bienq byaij diuzroen cingqdeng gaijgez minzcuz vwndiz miz daegsaek Cungguek; roxyiuj laeg- daeuq、gaemdawz cinjdeng cukmaenh gij eiqsik caezcaemh Cunghvaz Minz- cuz diuz sienqmeh hong minzcuz seizdaih moq neix, cungfaen roxnaj de dwg lizsij itdingh、gig youqgaenj、cimdoiq yienhsaed、 daegbied gaenj- gip; roxyiuj laegdaeuq、gaemdawz cinjdeng gij gvanhaeh hungnaek cauhmoq hwngfat hong minzcuz, itloh aeu gij leih’ik Cunghvaz Minzcuz baij youq vihdaeuz, fugcoengz caeuq fugsaeh ndei gij eiqsik caezcaemh Cunghvaz Minzcuz; roxyiuj laeg- daeuq、gaemdawz cinjdeng gij iugouz youqgaenj mizgven gyagiengz caeuq gaijndei dangj cienzmienh lingjdauj hong minzcuz, mboujduenh daezsang rengzbuenqdingh cwngci、rengzroxyiuj cwngci、rengzcaephengz cwngci, dox- giet daiq daengx gih gak minzcuz beksingq caezcauh daengzcog gyaeu- ndei、 caezyiengj yungzdaeuz hung- mbwk.

Liuz Ningz giengzdiuh, aeu cienzmienh doicaenh hwnjguh aen gyaranz cingsaenz caezcaemh Cungh- vaz Minzcuz, fatyiengz gij cingsaenz hungmbwk Cunghvaz Minzcuz, gyalai nyinhdoengz vwnzva Cunghvaz, haenqrengz doigvangq cienzdoh saw vah doeng’yungh guekgya, yungh lijsiengj saenqniemh caezcaemh gyonj sim lienh vunz, guhbaenz diuzsai cingsaenz hung’ak simvunz gyonj- comz、doxgiet baenaj. Aeu gyamaenh daezswng gij cwngzgoj vutgungz gung- geng caeuq cienzmienh hwnq baenz aenbiengz siujgangh, gyalai rengz haeujcoengh aen yienh bangfuz cung- denj lajmbanj saenqhwng, gyavaiq hwngfat canjnieb miz daegsaek dieg minzcuz, daezswng suijbingz fugsaeh goenggungh gihbwnj dieg minzcuz, gyagiengz hong hawj bien’gyaiq an- onj、 bien’gyaiq hwnghoengh、 bien- gyaiq onjmaenh seizdaih moq, youq gwnz diuzroen moq yendaiva gyavaiq dieg minzcuz hwngfat youh ndei youh vaiq. Aeu gaenxmaenx doidoengh caeuq coicaenh gak minzcuz dox baedauq doxgyau doxyungz, laebdaeb cauhlaeb yiengh doxhab sevei gezgou caeuq sevei vanzging, haenqrengz haiguh hong cauhlaeb guhyiengh cukmaenh gij eiqsik caezcaemh Cunghvaz Minzcuz, gyamaenh hwngfat gij gizmen sengdoengh Cunghvaz Minzcuz ranz caen ndeu. Aeu gyagiengz hwnjguh gij rengz eifap ceihleix hongsaeh minzcuz, dingj- maenh caeuq laebndei aen cidu dieg minzcuz gagguenj, laebcaez laebndei aen dijhi minzcuz cwngcwz caeuq fapgvi deihfueng, eifap baujmaenh gij gienzik habfap gak cuz vunzlai, mboujduenh daezswng gij suijbingz yendaiva naengzlig ceihleix caeuq dijhi ceihleix hongsaeh minzcuz. Aeu genhgez fuengzre gij huxndumj fung’yiemj hungnaek gizdieg minzcuz, seizseiz rag gaenj diuz yienz henhoh minzcuz doxgiet neix, genhgez henhoh guekgya ancienz doengjit, genhgez soujmaenh aen dieg hingzdai eiqsik, mbouj hawj vunz lawz seiqlig lawz gauxca buqvaih minzcuz doxgiet caeuq bien’gyaiq onjdingh.

Liuz Ningz giengzdiuh, dawz gyagiengz dangj lingjdauj yungzhaeuj daengx aen ginggvaq gak dieg hong minzcuz, genhgez gvancez gij gezcwz baijbouh Dangjcunghyangh, geiq- maenh “gij hung guekgya”, mbouj- duenh laebndei aen gihci dijci hong minzcuz, gyagiengz hwnjguh aen doih vunzcaiz ganbu, hwnjguh gihcwngz cujciz caeuq gihcwngz cwnggenz ak, cienzmienh daezswng gij naengzlig caeuq suijbingz gaijgez minzcuz vwndiz、guhndei hong minzcuz, gyonjcomz rengz hung’ak doicaenh hong minzcuz seizdaih moq hwngfat youh ndei youh vaiq.

Swcigih seiq aen ban dangjyenz lingjdauj dungzci, swcigih song yienh cujyau lingjdauj, gihciz、cunghciz youq Gvangjsih mizgven danhvei cujyau fucwz dungzci youq hoihciengz daeuz camgya haihoih. Gak si、yienh（si、gih） laeb hoihciengz iq.

(Vei Hwngz Liu Ciyungz)