Gvangjsih gak minzcuz “lumj ranz caen ndeu, gvanhaeh minzcuz gig huz- ndei”, neix dwg aenvih cien bak bi doxdaeuj Bouxcuengh、Bouxgun、Yauz- cuz、Myauzcuz daengj gak minzcuz beixnuengx laebdaeb doxgyau dox- yungz doxndei.

Doxgingq doxbang lumj ranz caen ndeu yienh’ok le gij yienghceij gvanhaeh minzcuz Gvangjsih caencingq daeuj. Vanzgyangh Mauznanzcuz Sw- ciyen Swh’wnh Cin Mbanjcinzsangh dwg aen mbanj vunzsenj hung ndeu, miz Bouxcuengh、Bouxgun、Mauz- nanzcuz、Myauzcuz、Yauzcuz、Suijcuz daengj roek aen minzcuz comzyouq, caen daedbied raeuh.

Ciengzgeiz doxdaeuj, mbanj de aeu caez guenj saeh ndaw mbanj coicaenh hwnqguh aenmbanj vwnzmingz; doxcaez swnghcanj coicaenh gijndei swhyenz doxbouj; doxcaeuq biujyienj cezmuz coicaenh minzcuz yungzhab; doxbang doxbaengh aeu bawx haq sau, coicaenh lwglan seiqdaih huzndei; itheij guenj gij ancienz ndaw mbanj coicaenh seiqhenz doxhuz; caez cauh binjbaiz coicaenh vwnzva minzcuz ciepcienz hwngfat daengj gij fuengfap “roek lienz roek coi”bae guhhong. Neix hawj hongsaeh minzcuz doxgiet baenaj hwngfat engq rengz, raizok hot fwen minzcuz doxgiet、doxhuz comzyouq ndeu.

Miz gij cwngcwz minzcuz aendangj caeuq guekgya dazyinx, Mbanj- cinzsangh gaenxmaenx camgya gij hozdung cauhlaeb minzcuz doxgiet baenaj, gaenq baez di hwnq baenz aen mbanj miz gij daegsaek siujsoq minzcuz ndeu, mbanj de ranzyouq miz daegsaek、canjnieb daemxcengj miz- rengz、vwnzva minzcuz naekna、 seiq- henz vunz youq gyaeundei、gvanhaeh minzcuz huzndei, caez raizok bien moq guh minzcuz doxgiet baenaj. Bi 2014, Swcigih Dangjveij、Yinzminz Cwngfuj bingz mbanj de guh“Aen Mbanj Yienghbanj Guh Minzcuz Doxgiet Baenaj Swcigih”, bi 2017 Guekgya Minzveij heuh mbanj de guh “Aen Mbanj Miz Gij Daegsaek Siujsoq Minzcuz Cungguek”.

（Gvangjsih Minzcuz Yenzgiu Cunghsinh hawj gauj）