“Bi 1949 ndwen 6 ngoenz 28, Denh Gvei Genz Benhgih Cungdui Cojgyangh Cihdui Cenzmingz Vujgunghdui dunghsinyenz Cau Dunghsanh、Hij Vwnzfu daiq vwnzgen youq- gaenj, mwh diuh bae Cenzmingz cujlizlenz byongh roen bungz daengz gyoengq bing lienzfuengz Gozminzdangj, ginggvaq haenq hoenx deng dai.” Mboengqneix, Dasinh Yen Cenzmingz Cin Cunghsinh Siujyoz boux lauxsae Cau Siubingz yungh Cuengh Gun song vah gangj gij saeh maenh’ak gwzming lezsw dangdieg caeuq Gozminzdangj fanj- dungbai doxdaeuq.

Cenzmingz Cin Cunghsinh Siujyoz dwg aen siujyoz Cuengh Gun song vah dandog Dasinh Yen. Daj haiguh hagsib gyauyuz lizsij dangj doxdaeuj, aen hagdangz neix giethab swnjcienz baujhoh vwnzva minzcuz, youq dieg minzcuz vunznoix fatyiengz gij yaem’wenq daeuz cuk- maenh gij eiqsik caezcaemh Cunghvaz Minz- cuz. Aen hagdangz neix lij laebbaenz aendoih yungh Vahcuengh bae gangj, bae dieg minzcuz vunznoix yungh Vahcuengh gangj lizsij dangj、haenh aen dangj. Bineix doxdaeuj, aendoih neix gungh guh hozdung 16 ciengzbaez, vunzlai ndaej son’gyauq 420 lai vunzbaez, hawj dangj- yenz vunzlai dieg bien’gyaiq roxnyinh daengz Cunghvaz Minzcuz couh lumj ngveih sigloux nei ndaetndet doxgot caez youq.

(Cinz Civanj)