Ndwen 10 ngoenz 23, Swcigih Dangjveij suhgi Liuz Ningz cienmonz bae daengz Baksaek Si haiguh hagsib gyauyuz lizsij dangj, siengjniemh laegdaeuq gij goenglauz hungmbwk Dwng Siujbingz dungzci daengj gwzminggyah banlaux. De giengzdiuh aeu genhciz gij swhsiengj Siz Ginbingz sevei cujyi miz daegsaek Cungguek seizdaih moq guh dazyinx, genhgez gvancez doeksaed gij cingsaenz gangjvah youqgaenj、cijsi youqgaenj baenzroix Siz Ginbingz cungjsuhgi doiq hong Gvangjsih haenx, haeujlaeg hagsib roxyiuj gij cingsaenz gangjvah youqgaenj “4.27” mwh bineix cazyawj Gvangjsih haenx, geiqmaenh goeknduj sawjmingh, swnjcienz meglwed saekhoengz, caenh’itbouh gyagiengz saenqngiengx、saenqniemh、saenqsim, netsaed guh daengz hag lizsij dangj、rox swhsiengj、banh saedsaeh、hai gizmen moq, comz sim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq.

Liuz Ningz gonqlaeng bae daengz dieggaeuq ginhbu Hungzcizginh、Guenj Geiqniemh Baksaek Gijyi yawjngonz, nyinhcaen dingq gejnaeuz, seizseiz dingz din cimyawj, ciengzsaeq cam mizgven cingzgvang. Liuz Ningz naeuz, gwzming vwnzvuz hamz miz gij lizsij ronghlwenq dangj caeuq bek- singq haenqrengz buekguh, dwg gij caizfouq dijbauj dangj caeuq guekgya. Raeuz aeu swnjcienz caeuq fatyiengz gij cingsaenz buekguh gyoengq boux gwzming banlaux, bungz hojnanz caeuq fung’yiemj, gamj bae hoenx, hoenx ndaej hingz.

Liuz Ningz naeuz, doenggvaq ngoenzneix hagsib gyauyuz lizsij dangj, siengjniemh gyoengq vunz vih gwzming buekguh vut mingh haenx, aeueiq danqhaenh gij goenglauz hungmbwk vuzcanj gaihgiz gwz- minggyah banlaux, mboujlwnh daengz seizlawz cungj aeu geiqmaenh cwng- genz saekhoengz daj gizlawz daeuj, mboujlwnh byaij gyae geijlai cungj mbouj ndaej lumz diuzroen mwh daeuj, itloh guh daengz mbouj lumz goeknduj、geiqmaenh sawjmingh. Daengx gih gwnz laj aeu haeujlaeg hagsib roxyiuj gij cingsaenz gangjvah youqgaenj “caet it” Siz Ginbingz cungjsuhgi, cungfaen yungh ndei swh- yenz vwnzva saekhoengz fungfouq Gvangjsih, doidoengh hagsib gyauyuz lizsij dangj caen hagsib caen guh, aeu gij cwngzgoj hag gyauyuz lizsij dangj cienjvaq baenz gij rengz hung’ak guh saeh cauhnieb caeuq gij hengzdoengh caen ca caen guh, haenqrengz doidoengh daengx gih ginghci sevei hwngfat youh ndei youh vaiq.

(Cinz Yizcwz)