Ndwen 9 ngoenz 22 daengz ngoenz 25, secangj cungjbenh bauq- nieb dieg minzcuz vunznoix daengx guek “lajmbanj saenqhwng yawj Hozdau” daihhingz caijfangj nem gaiq daih 33 (bi 2020) sinhvwnzciengj bingzsenj hozdung youq Neimungzguj Swcigih Bahyennauwj Si banh. Daengx guek 30 aen sinhvwnz meizdij 100 lai boux lingjdauj、benhciz gicej bae daengz gyang reih gyaeuj naz、dieg langh doihduz caijfangj, roxnyinh gij megdoengh gizdieg saebaek lajmbanj saenqhwng. Aen si neix damqra caeuq gij cingzcik dajcauh binjbaiz doxgaiq reihnaz doxgaiq doihduz、hwngfat canjnieb guhreih guhnaz langh doihduz daihneix daengj, hawj boux camgya haihoih yaenqsiengq laegdaeuq.

Bahyennauwj, Vahmungzguj eiqsei dwg “aenhuz fouqmiz”, youq baihsae Neimungzguj, baihbaek caeuq Guekmungzguj doxciep. Daengx si najdieg gungh 6.5 fanh bingzfueng goengleix, gyaeujvunz ciengzseiz youq 153.87 fanh vunz, miz Mungz、Gun、Veiz、Manj daengj 41 aen minzcuz, bi 2020 daengx si gizdieg swnghcanj cungjciz guhsat 874 ik maenz.

Bahyennauwj hingzcwng gihva gaepbied mbouj suenq sang, dwg aen si deihgaep, cix miz lai aen “daengx guek daih daeuz”——Cijdaeuz ndei、cehdaengngoenz、dieggoek guh byaek duet raemx caeuq dieggoek cuzgouj makyungz、dieggoek gyagoeng yungz mbouj miz bwn daengx guek ceiq hung, lijdwg dieggoek gyagoeng yiengznoh dajciengx aen si deihgaep daengx guek ndawde dandog daengx bi bingzyaenx okriengh.

Aenvih ndit doh raemx lai dienheiq ndei, ndaej Cungguek Gisieng Giz nyinhcingq baenz “ranghdieg dajndaem gomiuz ndei”, aen dieg neix gwnz lizsij couh ndaem haeuxmienh、megmax、haeuxyangz daengj gomiuz lai, dajndaem dajciengx hwngfat hoengh, ndaw gyaiq Diegbingz Hozdau miz gij mingzdaeuz “aendieg fouqmiz”.

Seizcou daengz Bahyennauwj, engq ndaej daejniemh gij yinxdaeuz daegbied gagmiz de dangguh dieggoek guh liengzyouz huqgai ndei guekgya. Aen gvehoengz sam seiqcib gaen、haeuxmienh naed fagfwd、rongz cehdaengngoenz caemrwdrwd、haeuxyangz henjrwdrwd caeuq bouxguhnaz boux langh doihduz naj riunyumjnyumj cienz gij angqyangz laisou okdaeuj, “gaiq hung” youq gyang naz doenghhuhu——Nungz- yez gihgai caeuq gyaeujingjsiengq daiyangznwngz 360 doh gag baenq gamhaed ndaw ciengz langh doihduz, langhbaij ok gohgi daihneix haeujcoengh lajde gij roennaj gvangqlangh dajndaem dajciengx.

Ciuq gaisau, geij bi neix daeuj, aen si neix hopheux haeuxliengz demsou、bouxguhnaz laisou caeuq nungzyez gyalai yauqik, haenqrengz doicaenh nungzyez gihgaiva, doenggvaq cwngcwz haeujcoengh、gohgi cauhmoq daengj lai hangh banhfap, mboujduenh daezswng nungzyez gihgaiva suijbingz, daezsang guhhong yauqlwd, coicaenh nungzyez daihneix hwngfat. Bineix byongh bi gonq, aen si neix guhsat yungh gihgai raeq najdieg 1088 fanh moux, yungh gihgai ndaem najdieg 986.52 fanh moux, gihgai soeng namh cingj dieg najdieg 43.89 fanh moux; haeuxmienh、haeuxyangz、haeuxnaz raeq、ndaem yungh gihgai cingzsoq faenbied daengz 98.8%、97.3%；ciengx doihduz yungh gihgai suijbingz daengz 41%.

Nungzyez gihgaiva cuengqlangh le song fwngz bouxguhnaz, gyoengqde ndaej souh’ik lai. Bahyennauwj Si Linzhoz Gih Gansaumyau Cin Vangzyangz Cunh Vangz Yungjdungh dwg boux ndaw ranz dajndaem lai, de bi’gvaq doenggvaq diegnamh riuzcienj bauguh 200 lai moux dieg ndaem vadaengngoenz caeuq haeuxmienh, ndaej souhaeuj 20 lai fanh maenz. De lwnh gicej, gaxgonq gag ndaem 20 lai moux dieg, vunz raeq ndaem yungh 20 lai ngoenz, sou hix yungh seizgan raez, bineix de bauguh le 600 moux dieg, baenz benq gveihmozva ndaem haeuxmienh roengz goek haeuxyangz, cungj dwg yungh gihgai ndaem, geij ngoenz couh ndaem liux, ngamq yungh 3 ngoenz couh ndaej cienzbouh sou liux. Ciuq gujsuenq, moix moux haeuxmienh caeuq haeuxyangz souhaeuj faenbied 1000 maenz caeuq 1500 maenz baedauq.

Youq ndaw aen suen canjnieb nungzyez sezsih fanh moux gomiuz Linzhoz Gih aen si neix, gyoengq gicej yawjngonz le aen bungzraeuj cinwngz 6.6 fanh bingzfuengzmij. Ndaw bungzraeuj, makyungz iq cingjcaez ndaem youq gwnz gyaq baiz dem baiz, ngamq yungh di namh, doenggvaq gaemhanh raemxyingzyangj caeuq seizgan、couhgiz ndik dwk raemx, couh ndaem ok makyungz iq vandiemz dawzbak ndaej, caeuq gaxgonq gyoengqvunz ndaem mak byaekheu mbouj doxdoengz. Ciuq gaisau, ndaw suen ndaem miz 20 lai loh gva mak byaekheu baugvat makloengzfeiz mak dieghwngq, byaekheu ngoenz gai 19 fanh gaen, mak byaekheu bungzraeuj moix bi moix moux canjciz daih’iek 40 fanh maenz.

Hwngfat nungzmuzyez daihneix, mboujdan aeu rox ndaem naz buengqlangh, lij aeu rox guenjguh siugai. Cawz daezsang guhhong yauqlwd, Bahyennauwj Si lij youq hothoh hawciengz siugai roengzrengz. Bi 2017, aen si neix daezok gij canloz ngeixnaemj hwnjguh dieggoek yinh’ok fugsaeh swnghcanj gyagoeng doxgaiq reihnaz doxgaiq doihduz gauhdonh saekheu youjgih daengx gizdieg Hozdau, dajcauh “mbwn hawj Hozdau” doxgaiq reihnaz gizdieg goeng’yungh binjbaiz, yungh ngeix- naemj aeu it ngeih sam canjnieb gyonj guh, ca’ndei nungzmuzyez daihneix swnghcanj、gyagoeng naeklaeg、binjbaiz hwnjguh、densangh vuzliuz、diegnaz hwnjguh caeuq fugsaeh baujcang daengj hong, ietraez diuzlienh canjnieb、diuzlienh gyaciz, hawj engq lai giyez、hozcozse caeuq bouxguhnaz boux langh doihduz ndaej souh’ik.

Ginggvaq sam bi lai dajcauh caeuq hwnjguh, “mbwn hawj Hozdau” binjbaiz yauqik yienhda. Bi 2020 ndwen 12, aen binjbaiz neix youq 2020 Cungguek binjbaiz nienzhoih ndaej “daih’it buengjvih gizdieg nungzyez yienghsiengq binjbaiz baizhangz ceijsoq rengz yingjyangj gizdieg nungzyez binjbaiz Cungguek 2020” daengj 5 hangh ciengj hung.

Seizneix, Bahyennauwj gaenq hwnjguh baenz aen funghsaedniemh biucinjvaq caeuq aen cungsim guenjleix caetliengh lienzhab guekgya gaep, fatbouh “mbwn hawj Hozdau” biucinj 38 aen yienghloih、94 aen hanghbaez, coihdingh gij biucinj gyagoeng swnghcanj doxgaiq reihnaz doxgaiq doihduz saekheu youjgih 183 hangh, doicaenh 157 aen giyez lingxdaeuz saedyienh “yiengh ndeu max ndeu” raggoek guenjleix.

Ciuq gaisau, “mbwn hawj Hozdau” hawj gienz 53 loh huq ndei seizneix saedyienh sang gvaq hangzgyaq 30% doxhwnj, daiqdoengh daengx si doxgaiq reihnaz daengxcungq sang gvaq hangzgyaq 15% doxhwnj.

Gohgi daeuj haeujcoengh, binjbaiz hawj naengzliengh, saedyienh le giyez gyalai yauqik, bouxguhnaz boux langh doihduz lai sou, hawj “aendieg fouqmiz” Bahyennauwj yienh’ok fuk veh lajmbanj gyaeundei hoenghhwdhwd.

9月22日至25日，全国少数民族地区报业社长总编“乡村振兴看河套”大型采访暨第33届（2020年度）新闻奖评选活动在内蒙古自治区巴彦淖尔市举行。来自全国30家新闻媒体的100 余位领导嘉宾、编辑记者深入田间地头、牧场园区采访，感受西北大地乡村振兴的脉动。该市在农畜产品品牌打造、现代农牧业发展等方面的探索和成效，给与会者留下深刻印象。

巴彦淖尔，蒙古语意为“富饶的湖泊”，位于内蒙古西部，北与蒙古国接壤。全市总面积6.5万平方公里，常住人口153.87万人，有蒙、汉、回、满等41个民族，2020年全市地区生产总值完成874亿元。

巴彦淖尔的行政区划级别不算高，属地级市，却拥有多个“全国之最”——全国最大的有机原奶、葵花籽、脱水菜生产基地和番茄出口基地、无毛绒加工基地，还是全国地级市中唯一四季均衡出栏的肉羊养殖加工基地。

因为拥有得天独厚的水土光热组合条件，被中国气象局认证为“黄金农业种植带”，该区域在历史上就盛产小麦、高粱、玉米等农作物，农牧业发达，其境内的河套平原有“塞上江南”的美誉。

秋季到巴彦淖尔，更能体验到它作为国家优质商品粮油生产基地的独特魅力。三四十斤的大西瓜、颗粒饱满的小麦、沉甸甸的向日葵盘、金灿灿的玉米和农牧民灿烂的笑脸传递出丰收的喜悦，活跃在田间的“大块头”——农业机械和牧场里360度自动巡航监控的太阳能摄像头，展现出现代科技加持下农牧业的广阔前景。

据介绍，近年来，该市围绕粮食增产、农民增收和农业增效，大力推进农业机械化，通过政策扶持、科技创新等多项措施，不断提升农业机械化水平，提高劳动效率，促进现代农业发展。今年上半年，该市完成机耕面积1088万亩，机播面积986.52万亩，机械深松整地面积43.89万亩；三大农作物耕、种机械化率分别达到98.8%、97.3%；畜牧业机械化水平达到41%。

农业机械化解放了农民的双手，给他们带来看得见的实惠。巴彦淖尔市临河区干召庙镇黄羊村的王永东是种粮大户，他去年通过土地流转承包200多亩地种植葵花和小麦，实现纯收入20多万元。他告诉记者，以前自家种20多亩地，人工耕种需要20多天，收割也需要很长时间，今年他承包了600亩土地，连片规模化种植小麦套玉米，全部是机械化种植，几天时间就完成种植，只需要3天就能全部收割完。据估计，每亩小麦和玉米的毛收入分别在1000元和1500元左右。

在位于该市临河区的鲜农万亩设施农业产业园区里，记者一行参观了单体规模6.6万平方米的智能温室。温室里，樱桃番茄整齐地种植在一排排架子上，只需少量土壤，通过控制营养液和水的滴灌时间、周期，便可种出脆甜可口的樱桃番茄，一改以往人们对果蔬种植的认识。据介绍，园区里种有包括热带水果火龙果在内的20多种瓜果蔬菜，日产蔬菜19万斤，温室果蔬每年每亩产值约40万元。

发展现代农牧业，不仅要会种地放牧，还要会经营销售。除了提高生产效率，巴彦淖尔市还在市场营销环节下功夫。2017年，该市提出建设河套全域绿色有机高端农畜产品生产加工服务输出基地的战略构想，打造“天赋河套”农产品区域公用品牌，用系统化的思维把一二三产业联起来做，抓好现代农牧业生产、精深加工、品牌建设、电商物流、农田建设和服务保障等工作，延长产业链、价值链，让更多的企业、合作社和农牧民受益。

经过三年多的打造与建设，“天赋河套”品牌效益显现。2020年12月，该品牌在2020中国品牌年会上荣获“2020中国区域农业品牌影响力指数排行区域农业形象品牌榜位第一”等5项大奖。

如今，巴彦淖尔市已建成国家级标准化实验室和联合质量管理中心，发布“天赋河套”标准38个品类、94项次，修订绿色有机农畜产品生产加工标准183项，推进157家龙头企业实现“一品一码”追溯管理。

据介绍，“天赋河套”授权的53款优质产品目前实现溢价30%以上，带动全市农产品整体溢价15%以上。

科技加持，品牌赋能，实现了企业增效、农牧民增收，使“塞上江南”巴彦淖尔呈现出生机勃勃的美丽乡村新图景。

doz banj neix cungj dwg Gauh Yaujlungz ingj

本版图片均由高晓龙摄