Mboengqneix, Gaiq Daihroek Daengx Guek Siujsoq Minzcuz Vwnzyi Veiyienj Saedyienh Loqsiengj Ciengj ok gezgoj lo. Gih raeuz Cit Heiqcuengh 《Bwzswz Gijyi》aeu ndaej Aen Gimuzciengj Ceiq Ndei caeuq Aen Daujyenjciengj Ceiq Ndei; cit heiqyinhyoz 《Saeklwed Sienghgyangh》aeu ndaej Aen Vujdaiz Meijsuzciengj.

《Bwzswz Gijyi》aeu Heiqcuengh geq- gangj le Cunghgoz Gungcanjdangj youq giz dieg siujsoq minzcuz Gvangjsih saedhengz “gunghnungz vujcangh gatciemq”, haenh- gangj bouxgonq guh gwzming mbouj lau dai、baihnaj cung baihlaeng riengz guh, haenhdanq gij cingsaenz vunzlai Mbanj- cuengh mbouj lau vih gwzming vut- mingh. 《Saeklwed Sienghgyangh》 cix dwg aeu bouxswhcangj Hoengz 34 Swh Cinz Susiengh guh yenzhingz, caiqyienh le gij cingzgingj hoenx Ciengzciengq Siengh- gyangh mwh youq Gveilinz Hingh’anh、Cenzcouh、Gvanyangz haenx.

(Siz Yuz / 石 煜)