Goengqgoengq bya cangqcwt,

Heuswd bi daengz byai,

Fwjhau gyonj baenz baiz,

Ndiep yaek dai yaek lix.

Diuzdiuz dah raemx saw,

Seiqcawz laecumcum,

Haethaemh mok gyuemluemx,

Lumj fuk veh maezvunz.

Lajmbwn dieg gvangqlangh,

Angj mbouj gvaq dieg raeuz,

Bya gyaeu raemx hix gyaeu,

Mbouj dwg raeuz gag haenh.

Vunz ndaem naz ndai naz,

Gouz ra gwn caux daenj,

Ngoenzngoenz ndaw doengh nyaengq,

Guhhong gaenx dangqmaz.

Yiengzdoih langh lajfaex,

Maxdaemq daeh huqbya,

Ndaem miz duh miz gva,

Ciengx miz bya miz gungq.

Ndwen sam valeux nding,

Hoengh hai rim Diegcuengh,

Gyoengq beixbeix nuengxnuengx,

Ndaej cuengq sing guhfwen.

Lwgsau lengjlili,

Riufifi baenzlai,

Lwgmbauq bouxboux gvai,

Miz dungxcaiz rimrwd.

Mbanjmbanj guh ndaej gwn,

Gizgiz vunz maengxangq,

Gyolaih gungcanjdangj,

Diegcuengh dangq biengzsien.