Vih cienzswnj vwnzva vah minzcuz, hawj minzcuz doxgiet baenaj, caenh’itbouh gyonjcomz rengz ak gyavaiq cauhlaeb aen Gvangjsih gyaeundei, saedyienh aen loqsiengj fukhwng. Mboengq- neix, siujhagseng doxdax yienj caizhag Vahcuengh youq Lozyez Yen Dungzloz Cin Giujli Cunh Siujyoz banh, hozdung dwg Aen Cungsim Hwngfat Lauxsae Lozyez Yen cawjbanh, aen hagdangz Cuengh Gun song saw vah Dungz- loz Cin Giujli Cunh ciepbanh.

Mwh doxdax, go Vahcuengh 《Angqcoux Mwngz Daeuj Mbanj- cuengh》 ndeidingq、diuqfoux 《Najriu》 ndeiyawj、heiq Vah- cuengh 《Buhmoq Vuengzdaeq》 mizyinx daengj cezmuz doxlwnz hwnj daiz yienj. Bouxyawj youq baihlaj dopfwngz huhu, yienhciengz nauhyied dangqmaz. Gyoengq bouxyienj roengzrengz doxdax, haenqrengz buekguh, gaenxmaenx hengzguh gij cingsaenz cijsi youq- gaenj Siz Ginbingz cungjsuhgi doiq Gvangjsih naeuz haenx “cauhlaeb aen Gvangjsih gyaeundei, saed- yienh aen loqsiengj fukhwng”.

Baez hozdung neix, fungfouq le ndwenngoenz vwnzva ndawhag, demgiengz le gij eiqsik minzcuz doxgiet hagseng, daezsang le gij naengzlig gangjok vah minzcuz hagseng, doicaenh le cienzswnj vwnzva cienzdoengj Bouxcuengh.

(Hoz Yenyingh)