Sinhvazse Baekging ndwen 9 ngoenz 26 dienh Ndwen 9 ngoenz 26, guekgya cujsiz Siz Ginbingz fak saenq cukhoh Aen Hoih Vuhcin Hoihhung Seiqgyaiq Hulenzvangj Bi 2021.

Siz Ginbingz naeuz, soqcih gisuz cingq yungh leixniemh moq、yiengh moq、vunqsik moq cienzmienh yungz- haeuj vunzloih ginghci、cwngci、vwnzva、sevei、swnghdai vwnzmingz gensez gak lingjyiz caeuq daengx gocwngz, doiq vunzloih guhhong gvaq ndwenngoenz yingjyangj gvangqlangh caemhcaiq laegdaeuq dem. Seizneix, seiqgyaiq bak bi hingzseiq bienq- doengh caiq gyahwnj baenz bingh- raq, gozci sevei gaenjgip aeu daz- fwngz hwnjdaeuj, swnh’wngq sinsizva、suswva、vangjlozva、cinwngzva hwngfat byaijyiengq, gaemdawz seizgei ndei, wngqdoiq deuqnyex.

Siz Ginbingz giengzdiuh, Cung- guek nyienh caeuq seiqgyaiq gak guek doxcaez, caezcaemh rapdawz gij lizsij cwzyin vih vunzloih guh baenaj, gikfat rengzhoengh soqcih ginghci, dem- giengz soqcih cwngfuj yauqnaengz, guhndei soqcih sevei vanzging, cauh- laeb soqcih gapguh gwzgiz, cukmaenh gij cwdangj soqcih ancienz, hawj soqcih vwnzmingz cauhfuk beksingq gak guek, doidoengh cauhlaeb aen minghyinh caezcaemh.

Aen Hoih Vuhcin Hoihhung Seiqgyaiq Hulenzvangj Bi 2021 ngoenzhaenx youq Cezgyangh Swngj Dungzyangh Si Vuhcin haimuq, cawjdaez dwg “yamq coh soqcih vwnzmingz seizdaih moq——dazfwngz cauhlaeb aen minghyinh caezcaemh vangjloz hoenggan”, youz Guekgya Hulenzvangj Sinsiz Bangunghsiz caeuq Cezgyangh Swngj Yinzminz Cwngfuj caezcaemh cawjbanh.