鹿心社调研民族和宗教工作时强调

努力创建铸牢中华民族共同体意识示范区

着力推动我区新时代民族工作高质量发展

Ndwen 9 ngoenz 13, Swcigih Dangjveij suhgi、Swcigih Yinzda Cangzveijvei cujyin Luz Sinhse bae daengz Swcigih Minzcunghveij, diu- yenz hong gvancez doeksaed gij cingsaenz gangjvah youqgaenj Siz Ginbingz cungjsuhgi youq Aen Hoih Hong Minzcuz Cunghyangh, roengz- rengz cauhlaeb dieg guhyiengh cuk- maenh gij eiqsik caezcaemh Cunghvaz Minzcuz, haenqrengz doidoengh hong minzcuz seizdaih moq gih raeuz hwngfat youh ndei youh vaiq、guh ndei hong cunghgyau daengj.

Gvangjsih Minzcuz Cuzbanjse dwg aen cuzbanjse cujyau oksaw cihsaw minzcuz caeuq sawdoz vwnzva minzcuz、sawdoz minzcuz gyauyuz. Daeujdaengz aen ding langhbaij cuzbanjse, Luz Sinhse ciengzsaeq roxyiuj gij cingzgvang hong oksaw swnjcienz vwnzva minzcuz Gvangjsih. De giengzdiuh, aen gihgou oksaw minzcuz dangguh dieg senhconz youqgaenj cienzboq vwnzva minzcuz, aeu genhciz yungh gij swhsiengj Siz Ginbingz sevei cujyi miz daegsaek Cungguek seizdaih moq guh dazyinx, genhciz gij dazyinx oksaw cinjdeng, fatok gijndei、doedok daegsaek、gungganq binjbaiz、lai ok saw ndei, haenqrengz fatyiengz sevei cujyi hwzsinh gyacizgvanh、gij cingsaenz minzcuz gyaezguek cujyi guh hwzsinh haenx caeuq gij cingsaenz seizdaih yungh gaijgwz cauhmoq guh hwzsinh haenx, mboujduenh hawj gak cuz vunzlai lai nyinhdoengz guekcoj hungmbwk、Cunghvaz Minz- cuz、vwnzva Cunghvaz、Cungguek Gungcanjdangj、sevei cujyi miz daegsaek Cungguek. Aeu cawjdoengh hab’wngq hawciengz bienqvaq caeuq bouxdoeg aeuyungh, caenh’itbouh gyagiengz gaijgwz cauhmoq, mbouj- duenh daezsang rengz yingjyangj ndanggaeuq caeuq rengz doxdax hawciengz, haenqrengz doidoengh gij saehnieb oksaw minzcuz hwngfat youh ndei youh vaiq.

Youq Swcigih Minzcunghveij, Luz Sinhse daengz dieg cazyawj le Gvangjsih Saujsu Minzcuz Gujciz Baujhoh Yenzgiu Cunghsinh caeuq gij cingzcik hong minzcuz, ciengzsaeq roxyiuj gij cingzgvang doigvangq cienzdoh saw vah doeng’yungh guek- gya caeuq saw vah saujsu minzcuz caeuq hong swnjcienz baujhoh saw- gaeuq, dingq gij bauqlwnh hong minzcuz caeuq cunghgyau gih raeuz. Luz Sinhse naeuz, aeu doigvangq cienzdoh saw vah guekgya doeng- yungh, cienzmienh gyagiengz sonhag saw vah guekgya doeng’yungh, bauj- maenh bouxcoz nyezrauh gak minzcuz gaemdawz caeuq yungh ndei saw vah guekgya doeng’yungh. Aeu caenh- itbouh daezswng gij naengzlig baujhoh swhyenz saw vah saujsu minzcuz caeuq vwnzva de, cungfaen yungh swhyenz dijbauj sawgaeuq caeuq saw vah gak minzcuz gih raeuz, gyagiengz yenzgiu gij lizsij Cunghvaz Minzcuz, sonyinx gak cuz ganbu vunzlai cinjdeng roxnaj Cunghvaz Minzcuz caeuq vwnzva Cunghvaz dwg lai loh gap baenz, mboujduenh gyalai nyinhdoengz vwnz- va Cunghvaz. Aeu genhciz caeuq hwngfat cunghgyau lijlun sevei cujyi miz daegsaek Cungguek, genhciz gij fueng’yiengq cunghgyau miz daegsaek Cungguek, sonyinx cunghgyaugai haiguh hozdung cawjdaez gyauyuz “gyaez aendangj gyaez guek gyaez sevei cujyi”, sonyinx doidoengh gyoengqvunz saenq cunghgyau gyo- mbaiq aen aendangj、 dingq aen- dangj gangj、 riengz aendangj byaij, caezcaemh hwnjguh aen gyaranz gyaeundei.

Luz Sinhse giengzdiuh, guh ndei hong minzcuz aendangj seizdaih moq gih raeuz, aeu haeujlaeg gvancez doeksaed ndei gij cingsaenz Aen Hoih Hong Minzcuz Cunghyangh daegbied dwg gij swhsiengj youqgaenj Siz Ginbingz gvendaengz gyagiengz caeuq gaijndei hong minzcuz, gaemdawz diuz sienqmeh hong minzcuz neix cuk- maenh gij eiqsik caezcaemh Cunghvaz Minzcuz laegdaeuq bae, roengzrengz cauhlaeb dieg guhyiengh cukmaenh gij eiqsik caezcaemh Cunghvaz Minzcuz, doidoengh hong minzcuz daengx gih caiq hwnj mbaeklae moq, hawj daengx gih gak cuz beksingq ndaej gvaq ndwenngoenz engqgya vuenyungz gyaeundei, gyonj sim comz rengz gyavaiq hwnjguh aen Gvangjsih gyaeundei sevei cujyi miz daegsaek Cungguek seizdaih moq. Aeu dungj- couz guh ndei hong cauhlaeb dieg guhyiengh cukmaenh gij eiqsik caez- caemh Cunghvaz Minzcuz, couzbanh ndei aen hoih hong minzcuz daengx gih, comzyawj gij vwndiz caeuq banjdin miz haenx, daezok banhfap youh ndei youh mizyungh, vih gih raeuz cauh- laeb dieg guhyiengh cukmaenh gij eiqsik caezcaemh Cunghvaz Minzcuz、doidoengh hong minzcuz seizdaih moq hwngfat youh ndei youh vaiq daezhawj cwngcwz baujcang. Daengx gih gak gaep gak bouhmonz yaek gyalai rengz haeujcoengh hong minzcuz, caezcaemh henhoh gij gizmen ndei minzcuz doxgiet、 sevei onjdingh、 bien’gyaiq an’onj.

Ciz Sauconh、Vangz Veijgingh、Vangz Cinvaz caezcaemh diuyenz.

(Cinz Yizcwz)