Ndwen 9 ngoenz 8, aen yizsiz haiyungh Aen Cunghsinh Gyauyuz Cienzboq Gvangjsih Cukmaenh Gij Eiqsik Caezcaemh Cunghvaz Minzcuz youq Nanzningz banh. Swcigih fucujsiz Vangz Cinvaz camgya aen yizsiz haiyungh.

Swcigih Minzcunghveij baengh Gvangjsih Minzcuz Bau laebnda Aen Cunghsinh Gyauyuz Cienzboq Gvangjsih Cukmaenh Gij Eiqsik Caezcaemh Cunghvaz Minzcuz, dwg banhfap cauhmoq Gvangjsih gvancez doeksaed gij cingsaenz Aen Hoih Hong Minzcuz Cunghyangh, dwg gaiqdap ndei Gvangjsih cauhlaeb dieg guhyiengh cukmaenh gij eiqsik caezcaemh Cunghvaz Minzcuz, dwg daengx guek aen nduj aen cunghsinh gyauyuz cienzboq cukmaenh gij eiqsik caezcaemh Cunghvaz Minzcuz.

Vangz Cinvaz daengj vunz yawjngonz le aen ding langhbaij lizsij Gvangjsih Minzcuz Bause、Aen Cunghsinh Gyauyuz Cienzboq Gvangj- sih Cukmaenh Gij Eiqsik Caezcaemh Cunghvaz Minzcuz， dingq gaisau gij cingzgvang aen cunghsinh neix, cazyawj dazyinx hong hwnjguh aen cunghsinh neix. Vangz Cinvaz naeuz, yaek aeu cunghsinh dajcauh baenz aen dieg senhconz youqgaenj minzcuz lijlun caeuq minzcuz cwngcwz aendangj, vih saedyienh “Cunghvaz Minzcuz ranz caen ndeu doengzsim caez guh loqsiengj Cungguek” comz rengz hung minzcuz doxgiet baenaj.

Bouxfucwz aen cunghsinh neix naeuz, cunghsinh yaek cauhguh aen camh fugsaeh gyaranz cingsaenz caezcaemh Cunghvaz Minzcuz, cingj- hab gak fuengmienh swhyenz、diuh- doengh gak loih rengz cingqciengz guh ndei hong gyauyuz senhconz gij eiqsik caezcaemh Cunghvaz Minzcuz. Aen cunghsinh neix najdieg daih’iek gungh 500 bingzfanghmij, ndawde miz dieg guhhong、aen ding fat saenqsik、funghyienjboq daengj. Yamqlaeng yaek caeuq daengx gih gak gaep gak bouhmonz guh hong minzcuz、aen dieggoek yenzgiu cuk- maenh gij eiqsik caezcaemh Cunghvaz Minzcuz、cunghyangh caeuq swcigih cawjlouz meizdij daengj, cienzmienh lwnhgangj、cienzboq minzcuz lijlun caeuq cwngcwz aendangj, vatcimh cingjleix gvendaengz lizsij swhliu, gangj ndei gij gojgaeq minzcuz doxgiet baenaj Gvangjsih, sonyinx gak cuz beksingq laeb maenh gij leixniemh caezcaemh ndeihux caez- caemh、yungznyaenq caezcaemh、dailix caezcaemh、 minghyinh caez- caemh.

(Veiz Yingjcinh Vangz Yinz)