Bonjbauq gicej (Luz Caudwz / 陆照德) Mboengqneix, Aen Hoih Hong Minzcuz Cunghyangh youq Baekging hai, geij ngoenz doxdaeuj, aen minz- cungh hidungj Gvangjsih laebdaeb hagsib gij cingsaenz gangjvah youq- gaenj Siz Ginbingz cungjsuhgi youq gwnz hoih gangj de caeuq gij cing- saenz aen hoih.

Siz Ginbingz cungjsuhgi yinxok, yaek cauhmoq hwngfat hong minzcuz aendangj, couhdwg aeu genhciz gij deng, diuzcingj gij gvaqseiz, engq ndei baujcang gij gienzik habfap gak minzcuz vunzlai. Bouxcucangj Swcigih Minzcunghveij Cwngcwz Fazgveihcu Cau Vujlinz naeuz:“Dou yaek dingh gij fapgvi coicaenh minzcuz doxgiet baenaj, laeb ndei gij cwngcwz fapgvi mizgven de caeuq aen gihci guhhong, hezdiuz doicaenh gak gaep gak bouhmonz cungfaen ciuq gij saedsaeh mbouj doengz、gizdieg mbouj doengz, doiq gizdieg daegdingh、vwndiz daegbied、gijsaeh daegbied de aeu dingh ndei gij cwngcwz doxca bae haeujcoengh gak dieg. ”

Boux dangjcuj suhgi、bouxcujyin Nanzningz Si Minzcunghveij Vuz Siuhungz gangj, Nanzningz yaek aeu lai cungj fuengfap haglaeg roxyiuj gij cingsaenz gangjvah Siz cungjsuhgi，gaemdawz diuz sienqmeh guh hong minzcuz, cujciz haihguh “Cunghvaz Minzcuz ranz caen ndeu” baenzbuek son’gyauq saedguh hozdung, raizok aen soujfuj Mbanjcuengh minzcuz doxgiet hwngfat bien moq ndeu.

“Dou yaek dawz swhsiengj caeuq hengzdoengh dungjyiz daengz gij cingsaenz gangjvah youqgaenj Siz Ginbingz cungjsuhgi gwnzde bae, giethab cauhlaeb aen si yienghbanj caeuq Bwzhaij giz ndei gvaq vunz, caiq dem’ak lwnhgangj son’gyauq, hawj cukmaenh gij eiqsik caezcaemh Cunghvaz Minzcuz roengzrag Bwz- haij.” Bouxgizcangj Bwzhaij Si Minz- cuz Cunghgyau Gyauzvugiz Gungj Fanz yienghneix naeuz.

Boux dangjcuj suhgi、bouxcujyin Cungzcoj Si Minzcunghveij Cinz Cibungz hag gij cingsaenz gangjvah youqgaenj Siz cungjsuhgi le, aensim gikdoengh dangqmaz, hoeng caemh- caiq roxnyinh diuz rap gwnzmbaq naek raeuh. De naeuz:“Cungzcoj dwg giz dieg henzguek、dieg minzcuz, dou yaek ciuq gij saedsaeh dou, hopndaet cukmaenh gij eiqsik caezcaemh Cunghvaz Minzcuz diuz sienqmeh neix, roengzrengz guh ndei eiqsik son’gyauq、hwngfat ginghci、gaijndei gwndaenj lwgminz、gyaak gijrengz, doidoengh hong minzcuz aendangj seizdaih moq hwngfat ndaej cizlieng sang.”

“Gak minzcuz lwgminz couh lumj ngveih maksigloux nei gaenjmaed doxgiet youq giz ndeu, doengzcaez cauh’ok hong minzcuz doxgiet baenaj mwnhoengh de.”Boux dangjcuj suhgi、bouxcujyin Bwzswz Si Minzcunghveij Vangz Cujhauz naeuz, Bwzswz aeu dawz hong minzcuz dangguh hong giekdaejsingq bae ca guh, ceng guh aen si yienghbanj guh minzcuz doxgiet baenaj daengx guek, mboujduenh doidoengh hong minzcuz Bwzswz youq seizdaih moq hwngfat cizlieng sang.

8 nyied 28 hauh, Gveilinz Si Minzcungh hidungj cujciz gak cuz vunzlai ngonzyawj sinhvwnz lenzbo, hagsib gij cingsaenz aen hoih. Gvei- linz miz Bouxgun、Bouxcuengh、Myauzcuz、Yauzcuz、Dungcuz、Veiz- cuz daengj 6 aen minzcuz, gij vwnzva minzcuz lai raeuh. Bouxcujyin Gvei- linz Si Minzcunghveij Yangz Haijfwnh naeuz, Gveilinz aeu dawz gij cingsaenz Aen Hoih Hong Minzcuz Cunghyangh caeuq gij saedsaeh Gveilinz doxgap hwnjdaeuj, ceng guh aen si yienghbanj minzcuz doxgiet baenaj daengx guek, gyaak gak minzcuz doxgyau doxyungz doxndei, mboujduenh doidoengh ginghci aen biengz siujsoq minzcuz caeuq gizdieg minzcuz gyavaiq hwngfat.

“Gak cuz vunzlai Liujcouh Si ciengzgeiz doxdaeuj cungj lumj beix- nuengx ranz caen ndeu, gak minzcuz doxhuz doxndei, Liujcouh byaijok diuz roen guhyiengh gizdieg baihsae hawsingz gunghyez cauhguh minzcuz doxgiet baenaj ndeu.” Boux dangjcuj suhgi、 bouxcujyin Vuz Veilanz gangj, “dou yaek doxgiet daiqlingx gak cuz vunzlai Liujcouh, geiqmaenh gij vah cungjsuhgi, roengzrengz buek- guh, doidoengh gij cingsaenz Aen Hoih Hong Minzcuz Cunghyangh youq gwnznamh Lungzcwngz roengzrag caemhcaiq haiva dawzaen!”

Yilinz Si gungh miz 40 aen minzcuz, ndawde dingzlai dwg Boux- gun, siujsoq minzcuz cix faensanq cabyouq, gak minzcuz huzndei caemhyouq doxcaez baenaj. Boux- cujyin Yilinz Si Minzcunghveij Yangz Gen naeuz, hong minzcuz daengx si yaek hopndaet gij “gang” hong minzcuz aendangj seizdaih moq, coicaenh gaijndei gij diuzgen swngh- canj swnghhoz lajmbanj, hawj siujsoq minzcuz caez yiengj gij makbaenz gaijgwz hailangh, cukbaenz aen ranz- mbanj cingsaenz gak minzcuz dox- caemh ndeu.

“Dou yaek genhciz aeu cuk- maenh gij eiqsik caezcaemh Cunghvaz Minzcuz guh sienqmeh, dawz cauhlaeb aen si yienghbanj guh minzcuz doxgiet baenaj caeuq hwnghoengh gunghyez、guhhoengh lajmbanj caeuq cauhguh aen Vuzcouh ‘fouqmiz、ngamjyouq、hailangh、vwnzmingz’ ndeu yungzhab hwnjdaeuj.” Boux dangjcuj suhgi、bouxcujyin Vuzcouh Si Minzcunghveij baenzneix gangj, “gyamaenh caeuq hwngfat aen seveicujyi minzcuz gvan- haeh bingzdaengj、doxgiet、doxbang、huzndei ndeu, haenqrengz caeuq ‘Gvangjsih dwg aen gih yienghbanj guh minzcuz doxgiet baenaj daengx guek’ ok faenh rengz Vuzcouh.”

“Ginhcouh Si gak cuz vunzlai itcig ndaejgeiq gij goj Liuz Yungjfuz、Fungz Swjcaiz doenghboux minzcuz yinghyungz dingjhoenx vunzdig, caiq ndaej ciepcienz gij cienzdoengj gak minzcuz doxgiet baenaj buekguh. Ginhcouh yaek haeujlaeg hag gij cingsaenz aen hoih, haivat lizsij swhyenz yinzvwnz si de, dajcauh diuz cangzlangz guhyiengh son’gyauq cuk- maenh gij eiqsik caezcaemh Cunghvaz Minzcuz con gvaq seiq aen yienh（gih）daengx si ndeu, gangj ndei gij goj minzcuz doxgiet Ginhcouh.” Boux- cujyin Ginhcouh Si Minzcunghveij baenzneix gangj.

“Dou dwg bouxganbu Minzcungh Hidungj, itdingh caezcinj、cienzmienh gaemdawz aen swhsiengj youqgaenj gvendaengz dem’ak caeuq gaijndei hong minzcuz aendangj Siz Ginbingz cungjsuhgi, doidoengh hong minzcuz aendangj youq seizdaih moq hwngfat cizlieng sang. ” Boux dangjcuj suhgi、bouxcujyin Gveigangj Si Minzcungh- veij Dauz Gingbinh naeuz, Gveigangj yaek dawz cukmaenh gij eiqsik caezcaemh Cunghvaz Minzcuz haeuj- sim, saedhengz “seiq aen canloz”“seiq aen hwnghoengh”, daezsang “aeu huzndei guh daeuz” aen vwnzva binjbaiz neix, dawz vwnzva cienz- doengj ndei yungzhaeuj gij hong cauhlaeb aen si yienghbanj guh minzcuz doxgiet baenaj daengx guek bae.

Hozciz Si dwg aen gwzmingz laujgih mizmingz ndeu, diegnamh de miz 3.35 fanh bingzfueng goengleix gvangq, gwnzde miz 47 aen minzcuz youqdingh, caemhcaiq miz 5 aen siujsoq minzcuz swciyen. Boux dangjcuj suhgi、bouxcujyin Hozciz Si Minzcunghveij Veiz Hungzmeiz naeuz:“Dou aeu haeujlaeg haiguh doenghgij hozdung son’gyauq lwnhgangj minz- cuz doxgiet, haenqrengz fatyiengz gij leixniemh caezcaemh Cunghvaz Minz- cuz ‘mwngz caeuq gou yungzhab doxndei、byawz cungj doxliz mbouj ndaej’. Gyavaiq doidoengh gij hong laeb bouxguhyiengh cauhlaeb minz- cuz doxgiet baenaj, cungjgez lwnh- gangj gij guhfap ndei、 gingniemh ndei, doidoengh hong minzcuz aen si dou caiq yamq hwnj mbaek moq ndeu.”

Fangzcwngzgangj Si youq laeng henzhaij henzguek, seizneix miz Bouxgun、Bouxcuengh、Ginghcuz、Yauzcuz daengj 38 aen minzcuz. Boux dangjcuj suhgi、bouxcujyin Fangz- cwngzgangj Si Minzcunghveij Bauh Gyahyouj gangjnaeuz:“Dou yaek aeu gij hozdung minzcuz doxgiet baenaj ‘bet haeuj’ guh gaiqdap, aeu gij daegsaek henzhaij、henzguek、henzbya caenhrengz cauhlaeb aen si yiengh- banj guh minzcuz doxgiet baenaj daengx guek, haeujlaeg dajcauh diuz cangzlangz yienghbanj gizdieg henz- guek guh minzcuz doxgiet baenaj, coicaenh gak minzcuz doxgyau dox- yungz doxndei, vih Fangzcwngzgangj guhndei aen si yienghbanj guh gizdieg minzcuz henzguek doxcaez baenzmiz okrengz okhanh.”

Boux dangjcuj suhgi、bouxcujyin Laizbinh Si Minzcunghveij Dangz Gveilunz naeuz:“Gij vah youqgaenj Siz Ginbingz cungjsuhgi vih hong minzcuz seizdaih moq vix ok fueng- yiengq baenaj. Laizbinh yaek hop- ndaet diuz sienqmeh hong minzcuz, dawz ‘cibngeih aen yaekaeu’ gvancez guhsaed daengz gak hangh hong minzcuz bae, caiq daezsang aen dijhi ceihleix hongsaeh minzcuz caeuq ceihleix naengzlig yendaiva suijbingz, gyamaenh gya’gvangq gij makbaenz duetgungz gunggeng, caemhcaiq dawz gij makbaenz neix caeuq guhhoengh lajmbanj doxrangh hwnjdaeuj.”

“Miz aendangj lingjdauj, gij swnghcanj ndwenngoenz gak cuz vunzlai Hocouh bienqvaq gig daih, daegbied dwg gizdieg vunzlai ‘Yauzdoj’ comzyouq de, gaenq daj aen mbanj gig hojndoq doenghbaez bienqbaenz aen mbanj ‘vangjhungz’dajgaj seizneix, neix yienh’ok le ‘aen minzcuz ndeu cungj mbouj ndaej noix’ gij vah Siz cungjsuhgi.” Boux dangjcuj suhgi、cujyin Hocouh Si Minzcunghveij Yang Yinz gangj, “gij vah Siz cungjsuhgi hawj gou engq miz saenqsim lo, dou aeu cengguh aen si yienghbanj guh minzcuz doxgiet baenaj, dazyinx gak cuz lwgminz gaenjmaenh laeb gij leixniemh caez- caemh ndeihux caezcaemh、yungz- nyaenq caezcaemh、dailix caez- caemh、minghyinh caezcaemh.”