9 nyied 2 hauh, Fangzcwngzgangj Si Sicangz Genhgvanjgiz bae daengz aen mbanj venjngaeu guh hwnghoengh lajmbanj de——Fangzcwngz Gih Nazliengz Cin Mbanjdaibingz, gyoengqde lwnhgangj le gij cingsaenz gangjvah youqgaenj Siz Ginbingz cungjsuhgi laeng Aen Hoih Hong Minzcuz Cunghyangh. Mbanj de youq henzguek, dep gyawj Biengzgeu, dwg aen diemj doxcaemh cauhlaeb minzcuz doxgiet ndeu. Gyoengqde caeuq Bouxcuengh、Bouxgun、Yauzcuz daengj minzcuz beixnuengx lwnh le gij cingsaenz aenhoih, caemhcaiq gangjgoj gyausim, camcam vunzlai hag le gij cingsaenz neix youh dwg baenzlawz siengj, caeuq vunzlai doxcaez vehsuenq baenzlawz coicaenh minzcuz doxgiet、guhhoengh lajmbanj daengj. Neix hawj gij cingsaenz aenhoih caeuq gij cingsaenz gangjvah Siz cungjsuhgi cienz daengz lajmbanj, caemhcaiq dazyinx vunzlai laebdaeb riengz aendangj byaij, gag rox henhoh guekcoj caezcaemh、minzcuz doxgiet caeuq aenbiengz an’onj.（Liu Gaihginh / 廖开军）