Mboengqneix, gij gangjvah youq- gaenj Siz Ginbingz cungjsuhgi youq Aen Hoih Hong Minzcuz Cunghyangh youq gak hangz gak nieb ndawbiengz fanjyiengj hoenghhwd. Ndwen 8 ngoenz 30, Yinzminz Yizbau、Sinh- vazse daengj cunghyangh meizdij bauqlwnh le gij saedguh Gvangjsih cukmaenh gij eiqsik caezcaemh Cunghvaz Minzcuz, doidoengh hong minzcuz seizdaih moq hwngfat youh ndei youh vaiq.

Ndwen 8 ngoenz 30, Yinzminz Yizbau banjdaeuz daeng bien faenz- cieng 《Laemxsim Dingjmaenh Byaij Diuzroen Cinjdeng Gaijgez Minzcuz Vwndiz Miz Daegsaek Cungguek——Gij Gangjvah Youqgaenj Siz Ginbingz Cungjsuhgi Youq Aen Hoih Hong Minzcuz Cunghyangh Gak Cuz Ganbu Vunzlai Fanjyiengj Hoenghhwd》. “Siz Ginbingz cungjsuhgi naeuz, dauqyawj gij ginglig bak bi aendangj, hong minzcuz aendangj aeundaej cingzcik ceiq hung, couhdwg byaij ok le diuz roen cinjdeng gaijgez minzcuz vwndiz miz daegsaek Cungguek ndeu.” Gvangjsih Bouxcuengh Swcigih Minz- cuz Cunghgyau Swvu Veijyenzvei dangjcuj suhgi、cujyin Banh Cunghboz mwh ciepsouh Yinzminz Yizbau gicej caijfangj naeuz, “gij gangjvah youq- gaenj Siz Ginbingz cungjsuhgi vih guh ndei hong minzcuz aendangj seizdaih moq vix cingcuj fueng’yiengq baenaj, gunghawj le gaenbonj ciuqei. Raeuz itdingh daj gizsang gij canloz Cungh- vaz Minzcuz fukhwng hungmbwk gaemdawz gij lizsij fueng’vih hong minzcuz aendangj seizdaih moq, aeu saedyienh Cunghvaz Minzcuz fuk- hwng hungmbwk guh gizhwnjdin caeuq gizdoekdin, dungjcouz maeuz- veh caeuq doicaenh hong minzcuz aendangj seizdaih moq. Raeuz aeu daezsang diegndwn roxyiuj, itloh aeu hong minzcuz cuengq youq diegvih youqgaenj, cienzmienh doicaenh cauhlaeb minzcuz doxgiet cinbu coh ndawlaeg hwngfat.”

Youq Nanzningz Si Cunghvaz Cunghlu Segih, gyaeujvunz minzcuz vunznoix daih’iek ciemq gyaeujvunz cungjsoq sam faenh cih it, lai aen minzcuz comz youq caez angq raen miz lai. “Bang vunzlai minzcuz vunz- noix gaijgez aen vwndiz gip hoj nanz you muengh dwg gij gaenbonj guh ndei hong minzcuz doxgiet segih.” Cunghvaz Cunghlu Segih dangjveij suhgi Se Vazgenh naeuz.

(Liu Ciyungz)