坚定不移走中国特色解决民族问题的正确道路

——论学习贯彻习近平总书记中央民族工作会议重要讲话

“Dauqyawj gij ginglig bak bi aendangj, hong minzcuz aendangj aeundaej cingzcik ceiq hung, couhdwg byaij ok le diuzloh cinjdeng gaijgez minzcuz vwndiz miz daegsaek Cung- guek ndeu.”Youq gwnz Aen Hoih Minzcuz Cunghyangh, Siz Ginbingz cungjsuhgi gangj vah youqgaenj, daj goek daengz byai ngeuxyawj le bak bi doxdaeuj aendangj raeuz guh hong minzcuz miz maz ginggvaq ronghlwenq caeuq hongbaenz lizsij, haeujlaeg faensik gij hingzseiq moq dangqnaj aendangj raeuz guh hong minzcuz bungzdaengz, baenzdiuz baenzroix gejlwnh le gij swhsiengj youqgaenj gvendaengz aendangj raeuz gyaak caeuq gaijndei hong minzcuz, gangj cingcuj le gij swhsiengj vixyinx、canloz muzbyauh、hongsaeh hung- daeuz、cwngcwz banhfap gvendaengz aeu cukmaenh gij eiqsik caezcaemh Cunghvaz Minzcuz guh sienqmeh doi hong minzcuz aendangj raeuz hwngfat baenaj ndeindetndet bae. Gij vah youqgaenj Siz Ginbingz cungjsuhgi gangj de, yawj sang ngeix gyae、swhsiengj laeglied、baihndaw miz lai, han ndaej habngamj gij vwndiz hungdaeuz youq seizdaih moq guh hong minzcuz aeu gingz maz geiz、byaij maz roen, miz cwngcising、swhsiengjsing、lijlunsing ak raeuh, gyonjcomz byaijok gij banhfap guenj- leix guekgya yungh daeuj guh hong minzcuz, dwg gij hongbaenz ceiq moq Majgwzswh Cujyi minzcuz lijlun bienq hab Cungguek, vix cingcuj fuengyiengq baenaj、ok gij ciuqhengz goekdaeuz hawj raeuz guh hong minzcuz aendangj seizdaih moq.

Daj mwh laebbaenz doxdaeuj, aendangj raeuz couh gaenxmaenx ra diuz roen gaijgez minzcuz vwndiz hab guek raeuz. Cungguek moq laebbaenz gvaqlaeng, aendangj raeuz cauhmoq aeu Majgwzswh Cujyi minzcuz lijlun caeuq gij saehcaen minzcuz vwndiz Cungguek doxgap hwnjdaeuj, ra ndaej diuzloh cinjdeng gaijgez minzcuz vwndiz miz daegsaek Cungguek, laebhwnj gij minzcuz lijlun caeuq minzcuz cwngcwz aendangj, dangq minzcuz bingzdaengj guh aen yenzcwz daeuz laeb guek ndeu, laebhwnj le gij cidu gagguenj ranghdieg minzcuz, gak minzcuz lwgminz youq ndaw lizsij baez daih’it caen ndaej gienzleih cwngci bingzdaengj、guhdoih danggya guhcawj, hawj gij lizsij haemzhoj Cungguek gaeuq miz minzcuz apbik、doxhoenx de sat gvaq, haicauh le duenh lizsij moq hawj gak minzcuz bingzdaengj caezhoz doxcoengh dox- ndei mdaej hwngfat. Cibbet Daih Aendangj doxdaeuj, aen Dangj- cunghyangh aeu Siz Ginbingz cungj- suhgi guh cehsim de ok baenzroix gietdingh caeuq baijbouh hungdaeuz guh hong minzcuz, doinyoengx guek raeuz guh hongsaeh minzcuz caezhoz baenaj ndaej hongbaenz lizsij. Cungh- vaz Minzcuz caemh ranz ndeu、caezhoz guhdaengz loqsiengj Cung- guek, neix dwg seizdaih moq mbawdoz sengdoengh veh ok guek raeuz guh hongsaeh minzcuz caezhoz baenaj, hix dwg gij daegdiemj sienrongh seizdaih moq hong minzcuz ndaej cauhmoq doi baenaj. Haujlai saehcaen guh gvaq de cingqmingz caezcup, gij minzcuz lijlun caeuq fuengcim cwngcwz aendangj cinjdeng dahraix, diuzloh gaijgez minzcuz vwndiz miz daegsaek Cungguek de cinjdeng dahraix, cijmiz Cunghgoz Gungcanjdangj cijndaej hawj Cungh- vaz Minzcuz daih caezhoz, cijmiz yiengh sevei cujyi miz daegsaek Cungguek cijndaej gyonjcomz gak minzcuz、hwngfat gak minzcuz、hwnghoengh gak minzcuz.

Daj gaijgwz hailangh daegbied dwg Cibbet Daih Aendangj doxdaeuj, dangj raeuz giengzdiuh gij leixniemh aen ranz hung Cunghvaz Minzcuz、aendoih caezcaemh Cunghvaz Minz- cuz、cukmaenh gij eiqsik caezcaemh Cunghvaz Minzcuz daengj, neix mboujdan doxdam swnjcienz youh riengz seizdaih baenaj ciuqhengz gij minzcuz lijlun caeuq minzcuz cwng- cwz aendangj, rom ndaej le gij gingniemh dijbauj gaemdawz minzcuz vwndiz、guh ndei hong minzcuz, cauhbaenz le swhsiengj youqgaenj gvendaengz aendangj raeuz gyaak caeuq gaijndei hong minzcuz. Siz Ginbingz cungjsuhgi gyonj gangj laeglied baenz 12 aen fuengmienh：Itdingh daj gizsang gij canloz Cunghvaz Minzcuz fukhwng hung- mbwk gaemdawz gij lizsij fueng’vih hong minzcuz aendangj seizdaih moq;itdingh aeu doidoengh gak minzcuz vih cienzmienh hwnjguh aen guekgya yendaiva sevei cujyi caezcaemh buekguh dangguh gij yinvu youqgaenj hong minzcuz aendangj seizdaih moq;itdingh aeu cukmaenh gij eiqsik caezcaemh Cunghvaz Minzcuz guh gij cawjsienq hong minzcuz aendangj seizdaih moq; itdingh genhciz cinj- deng rox lizsij Cunghvaz Minzcuz;itdingh genhciz gak minzcuz cungj bingzdaengj; itdingh yaengxsang fangeiz Cunghvaz Minzcuz doxgiet hoengh; itdingh genhciz caeuq guh caezcienz aen cidu ranghdieg minzcuz gagguenj; itdingh cauhguh aen suen- ranz doxcaemh Cunghvaz Minzcuz; itdingh coicaenh gak minzcuz gvangq- langh dox baedauq doxgyau dox- yungzk; itdingh genhciz ciuqfap guenjleix hongsaeh minzcuz, doicaenh aen dijhi ceihleix hongsaeh minzcuz caeuq ceihleix naengzlig yendaiva; itdingh giengiet henhoh guekgya cujgenz、ancienz、 hwngfat leih’ik; itdingh genhciz aendangj lingjdauj hong minzcuz. Gij swhsiengj youq- gaenj gyaak caeuq gaijndei hong minzcuz aendangj, dwg gij gyonjgiet dungxcaiz lijlun caeuq caen guh hong minzcuz aendangj, dwg gij ciuqhengz goekdaeuz guh hong minzcuz aendangj seizdaih moq, daengx aendangj itdingh aeu gaemdawz caeuq ciuqhengz caezcup、cinjdeng、dohdaengz.  

Ginggvaq daengx dangj daengx guek gak cuz lwgminz laebdaeb buek- guh, raeuz guhdaengz le aen moegbiu buekguh bak bi daih’it, youq gwnz diegdeih gvangqlangh cienzmienh guhbaenz le aenbiengz siujgangh baudaengz saujsu minzcuz caeuq ranghdieg minzcuz, hwnjdin moq byaij coh aen moegbiu buekguh bak bi daihngeih. Youq giz hwnjdin moq ndaw lizsij, aeu gaemdawz cinjdeng caeuq ciuqhengz dohdaengz gij swhsiengj youqgaenj gyaak caeuq gaijndei hong minzcuz aendangj raeuz, aeu cukmaenh gij eiqsik caezcaemh Cunghvaz Minzcuz guh diuz sienqmeh, dingjmaenh mbouj bienq byaij diuz loh cinjdeng gaijgez minzcuz vwndiz miz daegsaek Cungguek, cauhlaeb aen suenranz cingsaenz Cunghvaz Minzcuz caemh miz, coinyoengx gak minzcuz doxgyau doxrox doxcaemh, doidoengh ranghdieg minzcuz gyavaiq guh yendaiva, gyaak bonjsaeh ciuq faplwd guenjleix hongsaeh minzcuz, ciuheuh daengx dangj daengx guek gak cuz lwgminz caezhoz buekguh aeu guh- daengz aen moegbiu buekguh bak bi daihngeih couhdwg guhbaenz aen guek ak sevei cujyi yendaiva.

Gak minzcuz guhdoih caezhoz baenaj、doengzcaez mwnhoengh hwngfat, neix dwg gij mingh、gij rengz、gij maqmuengh Cunghvaz Minzcuz, youq gwnz roen moq cienzmienh hwnqguh aen guekgya sevei cujyi yendaiva, aen minzcuz lawz cungj mbouj ndaej noix. Youq seizdaih moq buekguh、youq gwnz roen moq bongh bae, raeuz aeu hopheux lai ndaet youq henz aen Dangjcunghyangh aeu Siz Ginbingz cungjsuhgi guh cehsim, dingjmaenh mbouj bienq byaij diuz loh cinjdeng gaijgez minzcuz vwndiz miz daegsaek Cungguek, gyonjcomz gak minzcuz ok sojmiz dungxcaiz caeuq goengrengz liuxcaez bae, caezhoz doxgap, buekguh mbouj dingz, doengzcaez cauhguh hawj Cunghvaz Minzcuz coglaeng gyaeu- ndei, guhdoih ndaej raen minzcuz fukhwng lwenqda miznaj！

（《Yinzminz Yizbau》）