Aen Hoih Hong Minzcuz Cungh- yangh ndwen 8 ngoenz 27 daengz ngoenz 28 youq Baekging hai, Ningzmingz Yenveij Dungjcanbu sik- haek cujciz dungjyiz cansen cwngz- yenz gibseiz yawj dingq. Ganbu ginzcung doiq gij cingsaenz gangjvah youqgaenj Siz Ginbingz cungjsuhgi youq Aen Hoih Hong Minzcuz Cunghyangh fanjyiengj hoenghhwd, caezgya cungj naeuz, gij gangjvah youqgaenj Siz cungjsuhgi dwg gij gaenbonj ciuqei guh ndei hong minzcuz seizdaih moq, vix cingcuj fuengyiengq baenaj hawj raeuz guh ndei hong minzcuz aendangj seizdaih moq.

Ningzmingz Yen dangguh aen yienh Gvangjsih sienq bien’gyaiq diegdeih ceiq raez, raeuz itdingh cinjdeng cienzmienh gaemdawz gij swhsiengj youqgaenj aendangj raeuz gvendaengz gyagiengz caeuq gaijndei hong minzcuz, mboujduenh genhciz aendangj lingjdauj hong minzcuz, yaengxsang fangeiz Cunghvaz Minzcuz doxgiet hoengh, cukmaenh gij eiqsik caezcaemh Cunghvaz Minzcuz, caemh sim caemh rengz doxcaez guh saeh- nieb hungmbwk, vih henhoh guekgya ancienz onjdingh、comz rengz minz- cuz、 bangrengz gizdieg bien’gyaiq ginghci ndawbiengz hwngfat guh’ok gungyen, baujmaenh gij cingsaenz gangjvah youqgaenj Siz cungjsuhgi youq gizdieg minzcuz bien’gyaiq cienz daengz dieg.

Ningzmingz Yen yamqlaeng lij yaek laebdaeb gyalai gij rengz senhconz minzcuz doxgiet, riengzlaeng seizseiq haiguh hagsib、senhconz hozdung, cungfaen yungh LED den- swjbingz、fukbaengzhoengz、veihsin gunghcunghau daengj aen bingzdaiz meizdij cienzmienh senhconz gij cingsaenz gangjvah Aen Hoih Hong Minzcuz Cunghyangh, caenh’itbouh dajcauh gij heiqfaenh daengx biengz hagsib gvancez gij cingsaenz aen hoih, cuknet swhsiengj giekdaej gij eiqsik caezcaemh Cunghvaz Minzcuz maenhsaed.(Veiz Cezyingz)