（ciep banj 2）Aeu lai roengzrengz bae haeujcoengh ranghdieg minzcuz guh gihcuj sezsih、diuzcingj canjnieb gezgou, hawj ginghci sevei hwngfat caeuq swnghdai vwnzmingz gensez daengxbuenz baijbouh bienq ndei, mboujduenh demgiengz gak cuz ginzcung roxnyinh rimhoz、roxnyinh vuenyungz caeuq roxnyinh ancienz. Aeu haeujcoengh ranghdieg minzcuz saedyienh gyamaenh gij cwngzgoj duetgungz caeuq saenqhwng lajmbanj mizyauq hamzciep, coicaenh nungzyez muzyez ndaej cizlieng sang caeuq yauqlwd sang、lajmbanj hab youq hab cauhnieb、bouxguhnaz bouxciengxduz fouqmiz. Aeu laebndei gij cwngcwz dijhi haifat hailangh henzgyaiq, haeujlaeg doicaenh gij hengzdoengh gyamaenh hwng henz guek hawj beksingq henz guek fouqmiz.

Siz Ginbingz giengzdiuh, aeu coicaenh gak minzcuz dox baedauq dox yungzhab. Aeu cungfaen naemj daengz gij saedsaeh minzcuz mbouj doxdoengz、digih mbouj doxdoengz, dungjcouz hawsingz lajmbanj gensez baijbouh gveihva caeuq goenggungh fuzvu swhyenz boiqceiq, laebndei gij cwngcwz, caux ok vanzging fwnhveiz ndei, cugbouh saedyienh gak minzcuz youq hoenggan、vwnzva、ginghci、sevei、simleix daengj fuengmienh gizgiz ndaej sebhaeuj. Aeu haeujlaeg bae guh gij hong minzcuz doxgiet cinbu cauhlaeb, roengzrengz gyalaeg neihanz、fungfouq hingzsik、cauhmoq fuengfap. Aeu cauhlaeb aen gihci cingqciengzvaq senhconz gyauyuz cukmaenh gij eiqsik caezcaemh Cunghvaz Minzcuz, nabhaeuj gij dijhi ganbu gyauyuz、dangjyenz gyauyuz、lwgminz gyauyuz ndawde bae, guh ndei gij hong senhconz gyauyuz aenbiengz.

Siz Ginbingz gangj, aeu daezswng gij suijbingz yendaiva ceihleix dijhi caeuq naengzlig gvendaengz gij hongsaeh minzcuz. Aeu gaengawq gij saedsaeh digih mbouj doxdoengz、minzcuz mbouj doxdoengz, aeu goengbingz goengcingq guh yenzcwz, doedok gihyizva caeuq cingcinjsing, engq lai gaengawq gij ranghdieg daegbied、gij vwndiz daegbied、gij hongsaeh daegbied ceiqdingh saed- hengz gij cwngcwz doxca bae haeujcoengh gak dieg. Aeu ciuq faplwd bae baujcang gij gienzik habfap gak cuz ginzcung, ciuq faplwd habngamj cawqleix gij anqgienh nangqdaengz minzcuz, ciuq faplwd dwkceih gak cungj famhfap famhcoih, guh daengz baihnaj faplwd bouxboux bingzdaengj.

Siz Ginbingz giengzdiuh, aeu giengiet fuengzre gij fuengyiemj huxndumj hung ndaw minzcuz lingj- yiz. Aeu souj maenh gij cindi yisiz hingzdai, cizgiz habngamj cawqleix gij vwndiz yisiz hingzdai nangqdaengz minzcuz, laebdaeb cawzseuq gij doeg riuzrangrang hawj minzcuz faenmbek、gij swhsiengj cunghgyau gizdonh. Aeu gyagiengz gozci fanjgungj doxgap, guh ndei gij hong cungdenj guekgya caeuq digih、gozci cujciz、gyoengq minzcuz vunznoix vazgyauz vazyinz daengj.

Siz Ginbingz gangj, gyagiengz caeuq laebndei aendangj cienzmienh lingjdauj, dwg aen cwngci baujcwng gaenbonj guh ndei gij hong minzcuz aendangj seizdaih moq. Gak gaep dangjveij aeu demgiengz “seiq aen eiqsik”、 giendingh “seiq aen gag- saenq”、guh daengz “song aen veiz- hu”, mboujduenh daezsang naengzlig buenqdingh、naengzlig roxnyinh、naengzlig caephengz gvendaengz cwngci, geiqmaenh “maz dwg guek hungmbwk”, nyinhcaen rap gij cwzyin cawjdaej, dawz aendangj lingjdauj ronz daengx aen gocwngz guh gij hong minzcuz, laebbaenz aen minzcuz gunghcoz gwzgiz aendangj seizdaih moq, lumjbaenz dangjveij dungjyiz lingjdauj、cwngfuj ciuq faplwd guenjleix、dungjcan bumwnz dazyinx habngamj、minzcuz gunghcoz bumwnz guh ndei gij hong bonjfaenh、gak bumwnz doengzcaez doxgap、daengx sevei doengzcaez camgya. Aeu gyagiengz gihgou gensez gvendaengz gij hong gihcwngz minzcuz caeuq gij ligliengh guh hong minzcuz, saedbauj gij hong gihcwngz minzcuz mizyauq ndaej guh. Aeu genhciz aen byauhcunj ganbu ndei seizdaih moq, roengzrengz gensez aen ganbu duivuj ranghdieg minzcuz ndeu, aen ganbu duivuj neix aeu daidu daegbied genhgez henhoh aendangj cizcungh dungjyiz lingjdauj、daegbied singjsag faen ok maz deng maz loek、daegbied giendingh cukmaenh gij eiqsik caezcaemh Cunghvaz Minzcuz、daegbied caen- cingz ndiepgyaez gak cuz ginzcung, saedbauj gak gaep gienzlingjdauj gaem youq ndaw fwngz ganbu lauxsaed nyienh dangrap. Aeu engqgya yawjnaek、haeujsim、in’gyaez gyoengq ganbu youq itsienq ranghdieg diuzgen ganhoj, ciuyinx engq lai vunzcaiz daeuj. Aeu yawjnaek beiz- yangj caeuq yungh ndei gyoengq ganbu minzcuz vunznoix, doengh gij ganbu minzcuz vunznoix maenhndei cwngci dingj ndaej gvaq、gamj dawz rap, aeu cungfaen saenq caemhcaiq hawj dawz rapnaek. Aeu gyagiengz gensez cwnggenz gihcwngz ranghdieg minzcuz, cuknet giekdaej gihcwngz, saedbauj gij lijlun minzcuz caeuq cwngcwz minzcuz aendangj daengz gihcwngz miz vunz rox、gij hong minzcuz youq gihcwngz miz vunz guh.

Lij Gwzgyangz youq mwh cujciz hai hoih gangj, gij gangjvah youq- gaenj Siz Ginbingz cungjsuhgi, cienz- mienh dauqyawj le gij lizcwngz ronghsag caeuq gij cingzcik lizsij bak bi aendangj raeuz gvendaengz hong minzcuz, haeujlaeg faensik le gij hingzsi moq hong minzcuz seizneix aendangj bungzdaengz, hidungj gangj- mingz le gij swhsiengj youqgaenj aendangj raeuz gvendaengz gyagiengz caeuq gaijndei hong minzcuz, mingzbeg le gij swhsiengj cijdauj、gij canloz muzbyauh、gij aenrap youq- gaenj、gij gijco cwngzcwz gvendaengz doicaenh gij hong minzcuz aendangj seizdaih moq ndaej cizlieng sang hwngfat dwg aeu cukmaenh gij eiqsik caezcaemh Cunghvaz Minzcuz guh sienqmeh, vih guh ndei gij hong minzcuz aendangj seizdaih moq ceij- mingz le aen fueng’yiengq baenaj, daezhawj le gij ciuqei goekgaen, miz gij cwngcising、swhsiengjsing、lij- lunsing gig giengz, youq hong minzcuz aendangj ndawde cizcungh yienh’ok gij fanghloz guenj guek aendangj. Aeu nyinhcaen hagsib roxyiuj, demgiengz “seiq aen eiqsik”、giendingh “seiq aen gagsaenq”、 guh daengz “song aen veizhu”, gagrox dawz swhsiengj caeuq hengzdoengh dungjyiz daengz gij cingsaenz gangj- vah youqgaenj Siz Ginbingz cungj- suhgi daeuj, giethab gij saedsaeh bonj bumwnz bonjdeih, ca ndei gak aen yinvu guh daengz giz.

Vangh Yangz youq cungjgez seiz gangj, Siz Ginbingz cungjsuhgi gangj- vah youqgaenj laeb ceiq sangset gyae raez、swhsiengj haeujlaeg, gohyoz hoizdap le gij vwndiz hungnaek gvendaengz seizdaih moq hong minzcuz gingz maz geiz、byaij maz roen daengj, dwg cungjgez ceiq moq gij hong minzcuz aendangj, dwg gij cwngzgoj ceiq moq Majgwzswh Cujyi minzcuz lijlun miz daegsaek Cung- guek, dwg gij ciuqei goekgaen guh ndei gij hong minzcuz seizdaih moq. Aeu caezcingj cinjdeng cienzmienh gaemdawz Siz Ginbingz cungjsuhgi gij swhsiengj youqgaenj gvendaengz gyagiengz caeuq gaijndei hong minzcuz, laegdaeuq lijgaij gij neiyungz haedsim、cingsaenz saedcaet、neihanz fungfouq caeuq gij iugouz caen guh. Aeu daj diuz roen buekguh bak bi aendangj, bae gaemdawz gij lizsij fueng’vih caeuq gij sawjmingh youq- gaenj hong minzcuz seizneix, laeg- daeuq nyinhrox cukmaenh gij eiqsik caezcaemh Cunghvaz Minzcuz miz gij lizsij bietyienz、gij youqgaenj caeuq gij cimdoiq saedsaeh, hawj aen eiqsik neix ronz daengx aen gozcwng hong minzcuz gak aen lingjyiz ndawde bae. Gak digih gak bumwnz aeu dawz hagsib gvancez ndei gij cingsaenz aen hoih dangguh gij yinvu cwngci youqgaenj, cujciz gaihcanj lai cungj lai yiengh hagsib beizyin caeuq senhconz hozdung, giethab saedsaeh yenzgiu ceiqdingh gij yigen saed- hengz, gyagiengz lingjdauj、baen ndei cwzyin, guh ndei hezdiuz、giengzvaq gamduk genjcaz, dawz gij gezcwz baijbouh dangjcunghyangh caen daengz giz.

Cunghgung Cunghyangh Cwng- cigiz veijyenz、cunghyangh suhgi, Daengx Guek Yinzda Cangzveijvei mizgven lingjdauj dungzci, gozvu veijyenz, Ceiqgauh Yinzminz Fazyen yencangj, Ceiqgauh Yinzminz Genj- cazyen genjcazcangj, Daengx Guek Cwnghez mizgven lingjdauj dungzci daengj camgya aen hoih.

Gak sengj、swcigih、cizyazsi caeuq Sinhgyangh Swnghcanj Gensez Binghdonz dangjcwng cujyau fucwz dungzci caeuq boux fucwz dungzci faenguenj hong minzcuz, gak aen si giva danlied caeuq swcicouh dangjveij cujyau fucwz dungzci, cunghyangh caeuq guekgya gihgvanh mizgven bumwnz、mizgven yinzminz donzdij、Cunghyangh Ginhveij gihgvanh miz- gven bumwnz cujyau fucwz dungzci, mizgven ginhyungz gihgou caeuq giyez、ginhdui mizgven danhvei、mizgven yenzgiu gihgou fucwz dungzci daengj camgya aen hoih. Aen hoih doenggvaq densi denva ciuhai, gak sengj gih si caeuq Sinhgyangh Swnghcanj Gensez Binghdonz laeb miz faenhoihciengz.