（ciep banjdaeuz）gij swhsiengj youq- gaenj aendangj gvendaengz gyagiengz caeuq gaijndei hong minzcuz, baugvat hwnjdaeuj miz baihlaj fuengmienh. It dwg itdingh daj gizsang gij canloz Cunghvaz Minzcuz fukhwng hung- mbwk gaemdawz gij lizsij fueng’vih hong minzcuz aendangj seizdaih moq, aeu saedyienh Cunghvaz Minzcuz fukhwng hungmbwk guh gizhwnjdin caeuq gizdoekdin, dungjcouz maeuz- veh caeuq doicaenh hong minzcuz aendangj seizdaih moq. Ngeih dwg itdingh aeu doidoengh gak minzcuz vih cienzmienh hwnjguh aen guekgya yendaiva sevei cujyi caezcaemh buekguh dangguh gij yinvu youqgaenj hong minzcuz aendangj seizdaih moq, coicaenh gak minzcuz gaengaenj yamqdin seizdaih, caezcaemh doxgiet buekguh、caezcaemh mwnhoengh hwngfat. Sam dwg itdingh aeu cukmaenh gij eiqsik caezcaemh Cunghvaz Minzcuz guh gij sienqmeh hong minzcuz aendangj seizdaih moq, doidoengh gak minzcuz giendingh nyinhdoengz guekcoj hungmbwk、Cunghvaz Minzcuz、vwnzva Cunghvaz、Cungguek Gungcanjdangj、sevei cujyi miz daegsaek Cungguek, mboujduenh doicaenh hwnjguh gij caezcaemh Cunghvaz Minzcuz. Seiq dwg itdingh genhciz cinjdeng rox lizsij Cunghvaz Minzcuz, gyalai nyinhdoengz caeuq roxnyinh Cunghvaz Minzcuz miznaj. Haj dwg itdingh genhciz gak minzcuz cungj bingzdaengj, baujcingq gak minzcuz caezcaemh danggya guhcawj、caeuqfaenh guenjleix hongsaeh guek- gya, baujcang gij gienzik habfap gak cuz vunzlai. Roek dwg itdingh yaengxsang fangeiz Cunghvaz Minzcuz doxgiet hoengh, coicaenh gak minzcuz youq ndaw aen gyadingz hung Cunghvaz Minzcuz lumj ngveihsigloux ityiengh got ndaet caemh youq. Caet dwg itdingh genhciz caeuq guhndei aen cidu gizdieg minzcuz gagguenj, baujmaenh dangjcunghyangh cwng- ling doengrat, baujmaenh guekgya faplwd fapgvi saedhengz, haeujcoengh gak minzcuz hwngfat ginghci、guh- ndei ndwenngoenz beksingq, saed- yienh caezcaemh hwngfat、caezcaemh baenzmiz. Bet dwg itdingh cauhguh aen gyaranz doxcaemh Cunghvaz Minzcuz, hawj gak minzcuz sim vunz doxgyonj、cingsaenz doxbaengh, guh- baenz gij diuzsai cingsaenz hung’ak sim vunz gyonjcomz、doxgiet baenaj. Gouj dwg itdingh coicaenh gak minzcuz gvangqlangh dox baedauq doxgyau doxyungz, coicaenh gak minzcuz lijsiengj、saenqniemh、cingz- gamj、vwnzva doxgiet doengjit, dox- bang doxbaengh、beixnuengx cingz naek. Cib dwg itdingh genhciz ciuqfap guenjleix hongsaeh minzcuz, doicaenh aen dijhi ceihleix hongsaeh minzcuz caeuq ceihleix naengzlig yendaiva. Cib’it dwg itdingh giengiet henhoh guekgya cujgenz、ancienz、 hwngfat leih’ik, son’gyauq dazyinx gak minzcuz swnjcienz caeuq fatyiengz gyaez guek cujyi cienzdoengj, gagrox henhoh guekgya doengjit、guekgya ancienz、aenbiengz onjdingh. Cibngeih dwg itdingh genhciz aendangj lingjdauj hong minzcuz, daezswng gij naengzlig caeuq suijbingz gaijgez minzcuz vwndiz、guh ndei hong minzcuz. Gij swhsiengj youqgaenj aendangj raeuz gvendaengz gyagiengz caeuq gaijndei hong minzcuz, dwg gij gietsig dungxcaiz saedguh caeuq lijlun hong minzcuz aendangj, dwg gij gaenbonj ciuqei hong minzcuz aendangj seizdaih moq, daengx aendangj itdingh caezcingj、cinjdeng、cienzmienh gaemdawz caeuq gvancez.

Siz Ginbingz giengzdiuh, guh ndei hong minzcuz aendangj seizdaih moq, yaek aeu cukmaenh gij eiqsik caezcaemh Cunghvaz Minzcuz dang- guh gij sienqmeh hong minzcuz aendangj. Cukmaenh gij eiqsik caez- caemh Cunghvaz Minzcuz, couhdwg aeu dazyinx gak cuz beksingq gaenj- maenh laeb gij leixniemh caezcaemh ndeihux caezcaemh、yungznyaenq caezcaemh、dailix caezcaemh、mingh- yinh caezcaemh. Cukmaenh gij eiqsik caezcaemh Cunghvaz Minzcuz dwg gij iugouz itdingh henhoh gaenbonj leih’ik gak minzcuz, cijmiz cukmaenh gij eiqsik caezcaemh Cunghvaz Minz- cuz, cauhlaeb hwnj aen cangzcwngz swhsiengj maenhsaed, gak minzcuz caezcaemh henhoh ndei guekgya ancienz caeuq aenbiengz onjdingh, cijndaej dingjhen ndei gak cungj swhsiengj yaezrwix、swhsiengj faen- mbek iemqhaeuj boekfan, cijndaej mboujduenh saedyienh gij siengj- muengh ndwenngoenz gyaeundei gak cuz beksingq, cijndaej saedyienh ndei、henhoh ndei、hwngfat ndei gaenbonj leih’ik gak minzcuz. Cukmaenh gij eiqsik caezcaemh Cunghvaz Minzcuz dwg gij iugouz itdingh saedyienh Cunghvaz Minzcuz fukhwng hung- mbwk, cijmiz cukmaenh gij eiqsik caezcaemh Cunghvaz Minzcuz, cij- ndaej wngqdoiq ndei gij fungyiemj deuqnyex gizdieg minzcuz aiq miz mwh Cunghvaz Minzcuz fukhwng hungmbwk haenx, cijndaej vih aendangj caeuq guekgya hoengh- vuengh hwngfat、ciengxlwenx onjdingh daezhawj swhsiengj baujcingq youq- gaenj. Cukmaenh gij eiqsik caezcaemh Cunghvaz Minzcuz dwg gij iugouz itdingh gyamaenh caeuq hwngfat gij gvanhaeh minzcuz sevei cujyi bingz- daengj doxgiet doxbang huzndei, cijmiz cukmaenh gij eiqsik caez- caemh Cunghvaz Minzcuz, cijndaej gyalai gak minzcuz gagrox nyinh- doengz Cunghvaz Minzcuz, cuknet gij swhsiengj giekdaej hwngfat gvanhaeh minzcuz guek raeuz, doidoengh Cunghvaz Minzcuz baenz aen mingh- yinh caezcaemh nyinhdoengz engq lai、comz rengz engq ak. Cukmaenh gij eiqsik caezcaemh Cunghvaz Minzcuz dwg gij iugouz itdingh hong minzcuz aendangj haicauh gizmen moq, cijmiz swnh ei seizdaih bienqvaq, ciuq gij fuengyiengq gyalai gij doxdoengz gaijndei hong minzcuz, guh daengz gij doxdoengz caeuq gij doxca faensik nyinhdingh doengjit、minzcuz yinhsu caeuq gizdieg yinhsu doxgiet ndeindi, cijndaej guh ndei guh ciengzsaeq guh netsaed hong minzcuz aendangj seizdaih moq.

Siz Ginbingz ceijok, hong minz- cuz aendangj cauhmoq hwngfat, couhdwg aeu genhciz gij deng, diuzcingj gij gvaqseiz, engq ndei baujcang gij gienzik habfap gak minzcuz vunzlai. Aeu cinjdeng gaem- dawz gvanhaeh gij doxdoengz caeuq gij doxca, gyalai gij doxdoengz、aeueiq caeuq bauyungz gij doxca dwg gij yenzcwz youqgaenj hong minzcuz. Aeu cinjdeng gaemdawz gvanhaeh gij eiqsik caezcaemh Cunghvaz Minzcuz caeuq gij eiqsik gak minzcuz, dazyinx gak minzcuz itloh aeu gij leih’ik Cunghvaz Minzcuz baij youq vih daeuz, gij eiqsik minzcuz bonjfaenh aeu fugcoengz caeuq fugsaeh gij eiqsik caezcaemh Cunghvaz Minzcuz, doengzseiz youq mwh saedyienh ndei gij leih’ik cingjdaej caezcaemh Cunghvaz Minzcuz aeu saedyienh ndei gij leih’ik gidij gak minzcuz, gij cujyi Bouxgun hung caeuq gij cujyi minzcuz deihfueng cungj doiq hwnjguh gij caezcaemh Cunghvaz Minzcuz mbouj miz leih. Aeu cinjdeng gaemdawz gvanhaeh vwnzva Cunghvaz caeuq vwnzva gak minzcuz, vwnzva cienz- doengj maenhndei gak minzcuz dwg dingz gapbaenz vwnzva Cunghvaz, vwnzva Cunghvaz dwg ganjdaeuz, vwnzva gak minzcuz dwg nye mbaw, rag laeg ganj hung cijndaej nye lai mbaw mwn. Aeu cinjdeng gaemdawz gvanhaeh doxgaiq caeuq cingsaenz, aeu hawj sojmiz gaijgwz hwngfat miz yiyi gij eiqsik caezcaemh Cunghvaz Minzcuz, miz gij yiyi henhoh doengjit、fanjdoiq faenmbek, miz gij yiyi gaij- ndei ndwenngoenz beksingq, gyonj- comz sim vunz, hawj gij caezcaemh Cunghvaz Minzcuz maenhdwtdwt.

Siz Ginbingz giengzdiuh, cuk- maenh gij eiqsik caezcaemh Cunghvaz Minzcuz dwg gij “gang” hong minzcuz aendangj seizdaih moq, sojmiz hong aeu coh de yawj. Aeu cienzmienh doicaenh hwnjguh aen gyaranz cing- saenz doxcaemh Cunghvaz Minzcuz, aeu youq mwh hagsib son’gyauq lizsij aendangj、lizsij Cungguek moq、lizsij gaijgwz hailangh、lizsij sevei cujyi hwngfat, haeujlaeg cungjgez gij gingniemh ndei hong minzcuz bak bi aendangj raeuz, yenzgiu gij swhsiengj youqgaenj aendangj raeuz gvendaengz gyagiengz caeuq gaijndei hong minz- cuz laegdaeuq bae, gyagiengz son- gyauq vwnzmingz daihneix, haeujlaeg saedhengz aen gunghcwngz cauhlaeb vwnzmingz、hwnjguh gij daudwz goengminz、gungganq vunzmoq seiz- daih daengj, dazyinx gak cuz vunzlai swhsiengj gvanhnen、cingsaenz cingz- gamj、fuengsik gvaq ndwenngoenz yamq coh daihneix. Aeu doigvangq cienzdoh saw vah guekgya doeng- yungh, gohyoz baujhoh saw vah gak minzcuz, aeueiq caeuq baujcang saw vah minzcuz vunznoix hag nem yungh.

Siz Ginbingz gangj, aeu doi- doengh gak minzcuz doengzcaez byaij coh sevei cujyi yendaiva. Aeu laebndei gij cwngcwz doxca bae haeujcoengh gak dieg, haeujcoengh ranghdieg minzcuz cienzmienh gyalaeg gaijgwz hailangh, daezswng gij naengzlig gag hwngfat. Ranghdieg minzcuz aeu daj gij diuzgienh swhyenz、gij diuzgienh hwngfat、gij diuzgienh gizak daengj saedsaeh bae naemj, ra cinj gizroengzfwngz caeuq gizokrengz, rox dawz gij gaihdon hwngfat moq、gvancez gij leixniemh hwngfat moq、yungz haeuj gij gwzgiz hwngfat moq、saedyienh gij hwngfat cizlieng sang、coicaenh doengzcaez fouqmiz. （cienj banj 3）