Aeu Cukmaenh Gij Eiqsik Caezcaemh Cunghvaz Minzcuz Guh Sienqmeh

Doidoengh Hong Minzcuz Aendangj Seizdaih Moq Hwngfat Youh Ndei Youh Vaiq

以铸牢中华民族共同体意识为主线

推动新时代党的民族工作高质量发展

Lij Gwzgyangz Cujciz Liz Cansuh Vangz Huningz Cau Lozci Hanz Cwng Camgya Vangh Yangz Gangjvah

李克强主持 栗战书王沪宁赵乐际韩正出席 汪洋讲话

Sinhvazse Baekging ndwen 8 ngoenz 28 dienh Aen Hoih Hong Minzcuz Cunghyangh ndwen 8 ngoenz 27 daengz ngoenz 28 youq Baekging hai. Cunghgung Cunghyangh cungj- suhgi、guekgya cujsiz、Cunghyangh Ginhveij cujsiz Siz Ginbingz camgya hai hoih caemhcaiq gangjvah youq- gaenj dem, giengzdiuh aeu cinjdeng gaemdawz caeuq cienzmienh gvancez gij swhsiengj youqgaenj aendangj raeuz gvendaengz gyagiengz caeuq gaijndei hong minzcuz, aeu cukmaenh gij eiqsik caezcaemh Cunghvaz Minzcuz guh sienqmeh, giendingh mbouj bienq byaij diuzroen cinjdeng miz daegsaek Cungguek gaijgez minzcuz vwndiz, cauhguh aen gyaranz cingsaenz doxcaemh Cunghvaz Minz- cuz, coicaenh gak minzcuz dox baedauq doxgyau doxyungz, doi- doengh gizdieg minzcuz gyavaiq yamqdin hwnjguh yendaiva, daezswng gij suijbingz fapceih guenjleix hongsaeh minzcuz, fuengzre vaqgej gij huxndumj fungyiemj gizdieg minzcuz, doidoengh hong minzcuz aendangj seizdaih moq hwngfat youh ndei youh vaiq, dungyenz daengx aendangj daengx guek gak cuz beksingq vih saedyienh cienzmienh hwnjguh baenz aen moegbiu buekguh bak bi daihngeih guek ak yendaiva sevei cujyi bae doxgiet buekguh.

Lij Gwzgyangz cujciz aen hoih. Liz Cansuh、Vangz Huningz、Cau Lozci、Hanz Cwng camgya hai hoih. Vangh Yangz cungjgez gangjvah.

Siz Ginbingz youq mwh gangjvah naeuz, dauqyawj gij ginglig bak bi aendangj, hong minzcuz aendangj aeundaej cingzcik ceiq hung, couhdwg byaij ok le diuz roen cinjdeng miz daegsaek Cungguek gaijgez minzcuz vwndiz ndeu. Gaijgwz hailangh daegbied dwg Cibbet Daih aendangj doxdaeuj, aendangj raeuz giengzdiuh aen gyadingz hung Cunghvaz Minzcuz、gij caezcaemh Cunghvaz Minzcuz、cukmaenh gij eiqsik caezcaemh Cunghvaz Minzcuz daengj leixniemh, mboujdan caemhmeg doxciep youh gaenhwnj seizdaih gvancez minzcuz lijlun caeuq minzcuz cwngcwz aendangj, cwkrom le gij gingniemh dijbauj gaemdawz minzcuz vwndiz、guh ndei hong minzcuz, guhbaenz le

（cienj banj 2）