8 nyied 21 hauh, youq Yungzsuij Myauzcuz Swciyen Sanhhoz Cunh Mbanjlizdwng, ndaek aen ndaek aen makloengzfeiz hoengzfwgfwg venj youq gwnzgo, yinx ndaej hekyouz daeuj mbaet、cimz. Geij bi gaxgonq, vunzmbanj Gungh Caimouz daj baihrog dawz gij gisuz dajndaem cungj mak neix ma, caemhcaiq sawq ndaem gonq. Mbanj de gyawj bya, gyangngoenz hwngh lai, doengxhaemh liengz lai, mwh mbouj roengz mwi de cix nanz, gij makloengzfeiz ndaem okdaeuj haenx feihgwn、diemz raeuh、yingzyangj lai, bouxseng’eiq cungj maij cawx ma gai. Neix couh daiqdoengh le vunzmbanj dajndaem cungj mak neix, seizneix ndaw mbanj gaenq ndaem le 180 lai moux mak, miz mbangj lij aeu bae guh nungzyez lijyouz dem, vunzmbanj couh menhmenh bienq fouq baenzmiz lo.

(Lungz Linzci/龙林智)