Daengz seizneix, gih raeuz gyoeb- suenq buedcienz 33 ik lai maenz（baugvat 13.65 ik maenz ngaenzcienz cunghyangh） ngaenzcienz senjdeuz ceihawj cunghab gaijgwz lajmbanj bi 2021, caiq vih gyamaenh gya’gvangq gij cwngzgoj vutgungz gunggeng caeuq cienzmienh lajmbanj hwnghoengh “gyayouz”.

Ciuq cam rox, buek cienz neix cujyau baugvat roek aen fuengmienh：It dwg ngaenzcienz hwnjguh gij saehnieb goeng’ik lajmbanj caizcwng ciengjbouj 19.42 ik maenz, haeujcoengh vunz- mbanj doenggvaq “it saeh it yaeng” fuengsik, yungh couz cienz ok rengz guh giek hwnjguh hanghmoeg saehnieb goeng’ik lajmbanj ndaw mbanj rog ranz. Ngeih dwg ngaenzcienz hwnjguh gij sawqdiemj lajmbanj gyaeundei 3.79 ik maenz, haeujcoengh daengx gih hanghmoeg lajmbanj gyaeundei 82 aen、hanghmoeg sawqdiemj aenmbanj gyaeundei saekhoengz 13 aen. Sam dwg ngaenzcienz hwngfat cizdij ginghci ndaw mbanj 7.21 ik maenz, haeuj- coengh 1441 aen mbanj hwngfat guh hung cizdij ginghci ndaw mbanj. Seiq dwg ngaenzcienz bangbouj lajmbanj cunghab gaijgwz sawqdiemj 0.5 ik maenz, bi 2021 Guengjsae baez nduj ndaej aen sengj saedniemh lajmbanj cunghab gaijgwz sawqdiemj daengx guek, baengh hwnjguh hanghmoeg sawqdiemj caeuq gaiqdap yinhhengz, coicaenh lajmbanj canjnieb hwngfat youh ndei youh vaiq, hwnjguh soqcih lajmbanj, coicaenh bouxguhnaz laisou, gaijndei lajmbanj ceihleix, gaenx- maenx damqra cauhmoq doidoengh aen gihci caeuq vunqsik lajmbanj cienz- mienh saenqhwng. Haj dwg ngaenz- cienz lajmbanj gunghgung fuzvu yinhhengz henhoh gihci sawqdiemj 0.8 ik maenz, haeujcoengh daengx gih 40 aen yienh si gih（baugvat swcigih 15 aen cin ginghci fatdad） haiguh laj- mbanj gunghgung fuzvu yinhhengz henhoh gihci sawqdiemj. Roek dwg ngaenzcienz bangbouj nungzgwnj guekmiz nungzcangz banh sevei ciznwngz gaijgwz 1.79 ik maenz, cunghyangh baez dog bangbouj hawj Guengjsae haiguh hong nungzgwnj guekmiz nungzcangz banh sevei ciz- nwngz gaijgwz, haeujcoengh Guengjsae nungzgwnj cizdonz baihlaj 23 aen nungzcangz gunghswh yungh daeuj bangbouj gaijcauh gung raemx、gung dienh.(Veiz Giconh)