（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz songbak itcib roek Bonj bouh daeng- geiq mboujdoenghcanj dwg gij baengzgawq gvisug caeuq neiyungz gienzhuq.

Bonj bouh daenggeiq mboujdoenghcanj youz aen gihgou daenggeiq guenjleix.

Diuz songbak itcib caet Mbawcingq gienzsug mboujdoenghcanj dwg gij cwngmingz bouxgienzleih yiengjmiz gij gienzhuq mboujdoenghcanj. Gij saeh- hangh geiq youq ndaw mbawcingq gienzsug mboujdoenghcanj, wngdang caeuq bonj bouh daeng- geiq mboujdoenghcanj doxdoengz; danghnaeuz geiqraiz mbouj doxdoengz, cawz ok miz baengzgawq cwngmingz bonj bouh daenggeiq mboujdoenghcanj caen miz loek, aeu bonj bouh daenggeiq mbouj- doenghcanj guhcinj.

Diuz songbak itcib bet Bouxgienzleih、boux nanangq leihhaih ndaej sinhcingj cazcam、fukceiq gij swhliu daenggeiq mboujdoenghcanj, aen gihgou daenggeiq wngdang daezhawj.

Diuz songbak itcib gouj Boux nanangq leih- haih mbouj ndaej goenghai、mbouj habfap sawj- yungh gij swhliu daenggeiq mboujdoenghcanj boux- gienzleih.

Diuz songbak ngeihcib Bouxgienzleih、boux nanangq leihhaih nyinhnaeuz gij saehhangh ndaw bonj bouh daenggeiq mboujdoenghcanj miz loek ne, ndaej sinhcingj gaijcingq daenggeiq. Bouxgienzleih ndaw bonj bouh daenggeiq mboujdoenghcanj raiz miz haenx raizsaw doengzeiq gaijcingq roxnaeuz miz baengzgawq cwngmingz daenggeiq caen miz loek ne, aen gihgou daenggeiq wngdang cinjhawj gaijcingq.

Bouxgienzleih ndaw bonj bouh daenggeiq mboujdoenghcanj raiz miz haenx mbouj doengzeiq gaijcingq ne, boux nanangq leihhaih ndaej sinhcingj daenggeiq gij yigen mbouj doengz de. Aen gihgou daenggeiq cinjhawj daenggeiq gij yigen mbouj doengz de, bouxsinhcingj daj ngoenz daenggeiq gij yigen mbouj doengz de hwnj cibhaj ngoenz dauqndaw mbouj daezok hwnjgauq ne, gij yigen mbouj doengz gaenq daenggeiq haenx couh mbouj suenqsoq. Gij yigen mbouj doengz de daenggeiq mbouj deng, hawj bouxgienzleih deng sonjhaih ne, bouxgienzleih ndaej heuh bouxsinhcingj dienzboiz sonjhaih.

Diuz songbak ngeihcib it Bouxnangqsaeh ciemdingh gij hezyi gai cawx ranzyouq roxnaeuz ciemdingh doengh gij hezyi gienzhuq mbouj- doenghcanj wnq, vih baujmaenh daengzcog gienzhuq ndaej baenz caen, ciuq iekdingh ndaej yiengq aen gihgou daenggeiq sinhcingj yawhnaeuz daenggeiq. Yawhnaeuz daenggeiq le, mbouj ndaej daengz boux- gienzleih yawhnaeuz daenggeiq doengzeiq, cawqfaen gaiq mboujdoenghcanj neix ne, gienzhuq mbouj suenqsoq.

Yawhnaeuz daenggeiq le, gienzcaiq siumon roxnaeuz daj ngoenz ndaej raiz cih daenggeiq mboujdoenghcanj de hwnj goujcib ngoenz dauqndaw mbouj sinhcingj daenggeiq ne, yawhnaeuz daenggeiq mbouj suenqsoq.

Diuz songbak ngeihcib ngeih Bouxnangq- saeh aeu caizliugyaj bae sinhcingj daenggeiq, hawj bouxwnq deng sonjhaih ne, wngdang rapdawz aen cwzyin dienzboiz.

Aenvih daenggeiq loengloek, hawjbouxwnq deng sonjhaih ne, aen gihgou daenggeiq wngdang rapdawz gij cwzyin dienzboiz. Aen gihgou daenggeiq dienzboiz le, ndaej heuh boux cauhbaenz daenggeiq deng loek de boizdauq.

Diuz songbak ngeihcib sam Mbouj- doenghcanj guh daenggeiq lwnh gienh soucienz, mbouj ndaej ciuq mboujdoenghcanj gvangq geijlai、hung geijlai roxnaeuz ciuq aen beijlaeh gyaqcienz daeuj sou.

Ciet Daihngeih Doenghcanj Gyauhawj

Diuz songbak ngeihcib seiq Ndalaeb caeuq cienjnyiengh gienzhuq doenghcanj, baez gyauhawj couh suenqsoq, hoeng cawz ok doengh gij faplwd lingh miz gvidingh de.

Diuz songbak ngeihcib haj Ndalaeb、bienq- doengh、cienjnyiengh caeuq siumon gij gienzhuq aen ruz、aen mbinmbwn caeuqaen ci daengj, caengz raiz saw daenggeiq, mbouj ndaej doiqdingj boux- gwnngoemx.

Diuz songbak ngeihcib roek Ndalaeb caeuq cienjnyiengh gij gienzhuq doenghcanj gaxgonq, danghnaeuz bouxgienzleih gaenq ciemqmiz gaiq doenghcanj neix, gienzhuq daj mwh hengzguh faplwd minzsaeh suenqsoq couh suenqsoq.

Diuz songbak ngeihcib caet Ndalaeb caeuq cienjnyiengh gij gienzhuq doenghcanj gaxgonq, danghnaeuz dwg bouxdaihsam ciemqmiz gaiq doenghcanj neix, boux rapdawz gij yivu gyauhawj haenx ndaej doenggvaq cienjnyiengh gij gienzleih heuh bouxdaihsam boizdauq gaiq huq yienzlaiz haenx dingj de gyauhawj.

Diuz songbak ngeihcib bet Mwh cienj- nyiengh gij gienzhuq doenghcanj, bouxnangqsaeh youh iekdingh youz bouxnyienghhawj laebdaeb ciemqmiz gaiq doenghcanj neix ne, gienzhuq youq mwh aen iekdingh neix suenqsoq le couh suenqsoq.

Ciet Daihsam Gij Gvidingh Wnq

Diuz songbak ngeihcib gouj Aenvih gij faenzsaw faplwd yinzminz fazyen、aen gihgou buenqdingh roxnaeuz yinzminz cwngfuj miz gietdingh cwngsou daengj, cauhbaenz gienzhuq ndalaeb、bienqdoengh、cienjnyiengh roxnaeuz siumon ne, daj mwh faenzsaw faplwd roxnaeuz aen gietdingh cwngsou daengj suenqsoq le couh suenqsoq.

Diuz songbak samcib Aenvih ciepswnj cix ndaej daengz gienzhuq ne, daj mwh ciepswnj hainduj couh suenqsoq.

Diuz songbak samcib it Aenvih habfap hwnq ranz、lid ranz daengj gij yienghsaeh neix cix ndalaeb roxnaeuz siumon gienzhuq ne, daj mwh doenghfwngz guh doengh gij yienghsaeh de hwnj couh suenqsoq.

Diuz songbak samcib ngeih Cawqfaen gij gienzhuq mboujdoenghcanj ciuq gij gvidingh ciet neix yiengjmiz haenx, ciuq gij gvidingh faplwd aeu bae banhleix daenggeiq cix mbouj bae daenggeiq ne, gienzhuq mbouj suenqsoq.

Cieng Daihsam Baujhoh Gienzhuq

Diuz songbak samcib sam Danghnaeuz gienzhuq deng ciemqhaih, bouxgienzleih ndaej yungh huzgej、diuzgej、buenqdingh、dajgauq daengj doengh gij fuengfap neix gaijgez.

Diuz songbak samcib seiq Aenvih gij gvisug、gij neiyungz gienzhuq miz doxceng ne, boux nanangq leihhaih ndaej cingjgouz nyinhdingh gienz- leih.

Diuz songbak samcib haj Mbouj miz gienz- leih ciemqmiz mboujdoenghcanj roxnaeuz doengh- canj ne, bouxgienzleih ndaej cingjgouz boizdauq gij doxgaiq yienzlaiz.

Diuz songbak samcib roek Fuengzhaih gienzhuq roxnaeuz aiq fuengzhaih gienzhuq ne, bouxgienzleih ndaej cingjgouz baizcawz fuengzhaih roxnaeuz siucawz yungyiemj.

第二百一十六条  不动产登记簿是物权归属和内容的根据。

不动产登记簿由登记机构管理。

第二百一十七条  不动产权属证书是权利人享有该不动产物权的证明。不动产权属证书记载的事项，应当与不动产登记簿一致；记载不一致的，除有证据证明不动产登记簿确有错误外，以不动产登记簿为准。

第二百一十八条  权利人、利害关系人可以申请查询、复制不动产登记资料，登记机构应当提供。

第二百一十九条  利害关系人不得公开、非法使用权利人的不动产登记资料。

第二百二十条  权利人、利害关系人认为不动产登记簿记载的事项错误的，可以申请更正登记。不动产登记簿记载的权利人书面同意更正或者有证据证明登记确有错误的，登记机构应当予以更正。

不动产登记簿记载的权利人不同意更正的，利害关系人可以申请异议登记。登记机构予以异议登记，申请人自异议登记之日起十五日内不提起诉讼的，异议登记失效。异议登记不当，造成权利人损害的，权利人可以向申请人请求损害赔偿。

第二百二十一条  当事人签订买卖房屋的协议或者签订其他不动产物权的协议，为保障将来实现物权，按照约定可以向登记机构申请预告登记。预告登记后，未经预告登记的权利人同意，处分该不动产的，不发生物权效力。

预告登记后，债权消灭或者自能够进行不动产登记之日起九十日内未申请登记的，预告登记失效。

第二百二十二条  当事人提供虚假材料申请登记，造成他人损害的，应当承担赔偿责任。

因登记错误，造成他人损害的，登记机构应当承担赔偿责任。登记机构赔偿后，可以向造成登记错误的人追偿。

第二百二十三条  不动产登记费按件收取，不得按照不动产的面积、体积或者价款的比例收取。

第二节  动产交付

第二百二十四条  动产物权的设立和转让，自交付时发生效力，但是法律另有规定的除外。

第二百二十五条  船舶、航空器和机动车等的物权的设立、变更、转让和消灭，未经登记，不得对抗善意第三人。

第二百二十六条  动产物权设立和转让前，权利人已经占有该动产的，物权自民事法律行为生效时发生效力。

第二百二十七条  动产物权设立和转让前，第三人占有该动产的，负有交付义务的人可以通过转让请求第三人返还原物的权利代替交付。

第二百二十八条  动产物权转让时，当事人又约定由出让人继续占有该动产的，物权自该约定生效时发生效力。

第三节  其他规定

第二百二十九条  因人民法院、仲裁机构的法律文书或者人民政府的征收决定等，导致物权设立、变更、转让或者消灭的，自法律文书或者征收决定等生效时发生效力。

第二百三十条  因继承取得物权的，自继承开始时发生效力。

第二百三十一条  因合法建造、拆除房屋等事实行为设立或者消灭物权的，自事实行为成就时发生效力。

第二百三十二条  处分依照本节规定享有的不动产物权，依照法律规定需要办理登记的，未经登记，不发生物权效力。

第三章  物权的保护

第二百三十三条  物权受到侵害的，权利人可以通过和解、调解、仲裁、诉讼等途径解决。

第二百三十四条  因物权的归属、内容发生争议的，利害关系人可以请求确认权利。

第二百三十五条  无权占有不动产或者动产的，权利人可以请求返还原物。

第二百三十六条  妨害物权或者可能妨害物权的，权利人可以请求排除妨害或者消除危险。（15 caengz sat）

（壮文稿由中国民族语文翻译局提供）