Mboengqneix makit ndaej sou lo, Gveilinz Si Cenzcouh Yen Mbanjgo’ndoek, gij makit gwnzgo ndaek roix ndaek roix venjveve, hawj vunz sim’angq raeuh. Vunzmbanj cingq youq ndawsuen daet mak, genj mak ndaej le doq cang hwnj ci, gai daengz ndaw gih raeuz caeuq Huznanz、Gvangjdungh daengj dieg bae. Mbanj de daj bi 2002 hainduj sawq ndaem makit, daengz seizneix ndawmbanj gaenq ndaem le 300 lai moux makit, miz digiuzhoengz、lwgfwngzgim daengj binjcungj. It bi ndaej sou 100 fanh gaen mak, souhaeuj mauhgvaq 350 fanh maenzngaenz, caemhcaiq guhyiengh daiqdoengh gij mbanj seiqhenz gyawj ndaem le song fanh lai moux makit dem. Aen makit iqet bienqbaenz aen “mak baenzmiz”caencingq ndeu, youh guh’ok aen canjnieb hung daeuj, coengh- rengz guhhoengh lajmbanj.

(Dangz Gvangjdungh / 唐广东)