Gyawj geij bi neix doxdaeuj, Cauhbingz Yenveij Dungjcanbu dawz hongsaeh minzcuz cunghgyau yungz- haeuj gij hong cauhguh cwngzcin moq gyahdingz moq ndawde bae, siengj gungganq ok buek vunz siujsoq minzcuz rox saw、rox gisuz、rox guh seng’eiq haenx. Seizneix, gij hong neix guh’ok cingzsik ndei lo.

Cauhbingz hwnj “dangzgoq diemjbo”. Geij bi neix, yen de gungh lwnhgangj gij cihsiz minzcuz cungh- gyau 20 lai baez, mbat ndeu cungj miz bak geij song bak vunz camgya.

Cauhbingz hwnj “dangzgoq dieggoek” daiqdoengh vunzlai, aeu doenghgij hagdangz guhyiengh、Aen Diengzhong Siuqva Mbanjfungli、yenzgih cauhnieb bae cauhguh dieggoek guhyiengh, hawj vunzlai siujsoq minzcuz miz dieg hagsib.

Cauhbingz hwnj “dangzgoq liuzdung” dazyinx vunzlai, cingj bouxconhgyah nungzyez、boux rox dajndaem faex、bouxguhdaeuz bienq- fouq daengj lwnh cwngcwz、son gohyoz gisuz hawj vunzlai.

Cauhbingz hai “dangzgoq yiz- dung”, giethab gij hong banggungz haifat, bae daengz gyaeuj reih henz naz gaisau canjbinj moq、gisuz moq hawj vunzlai.

Cauhbingz hwnj “dangzgoq gwnzmuengx”, caeuq gyoengqvunz dox lienzdoengh, youq Veihsin gunghcunghau、QQ ginz daengj gyonj- comz gij yigen vunzlai, gaenxmaenx gaijgez vwndiz, vih vunzlai guh saedsaeh, caiq coicaenh minzcuz doxgiet, henhoh guekcoj dungjyiz.

(Moz Yinzcinh / 莫云珍)