Lan:

Vihmaz heuh dangj guh daxmeh,

Bouxgeq bouxcoz heuh doxdoengz?

Daxgoeng mwngz naeuz hawj gou rox,

Vihmaz doq aeu dingq dangj gangj?

Goeng:

Lan ha!

Bak bi neix gvaqdaeuj,

Dwg daxmeh neix——

Yungh gij lwed de vuenh ndaej mbwn rongh,

Yungh gij gaenx de bag bya dangh dah,

Yungh gij cij de ciengx ndaej lwgminz daengx guek,

Yungh aen ndang de caux aen diendeih hoengh-

hwdhwd neix.

Mbouj miz gungcanjdangj,

Couh mbouj miz Cungguek moq.

Dangj ha!

Lumj daxmeh gyaez raeuz,

Daih ciep daih roengzbae,

Cungj aeu dingq dangj gangj.

Lan ha,

Mwngz dingq rox lwi?

Lan:

Daxgoeng,

Gou rox lo,

Dangj dwg daxmeh ndiepgyaez raeuz,

Raeuz aeu daihdaih dingq dangj gangj,

Itheij haenqrengz caux aen roennaj ronghsagsag,

Itheij haenqrengz hawj Cunghvaz Minzcuz raeuz

ndaej fukhwng!