Mboengqneix, Gvangjsih Boux- cuengh Swcigih Fazgaijveij daengj 4 bouhmonz lienzhab yaenqfat 《Gvangj- sih Lajmbanj Saenqhwng Canjnieb Hwngfat Daezswng Giekdaej Sezsih Gunghgung Fuzvu Naengzlig Sam Bi Gunggeng Hengzdoengh Fueng’anq Bi 2021 Hengzguh Dajveh》. Dingh- mingz bineix hengzguh lajmbanj saenqhwng canjnieb hwngfat、daez- swng giekdaej sezsih caeuq gungh- gung fuzvu naengzlig sam aen cienhangh hengzdoengh, swcigih anbaiz ngaenzcienz bangbouj lajmbanj saenqhwng 70 ik maenz haeujcoengh hwnjguh hanghmoeg.

It dwg canjnieb hwngfat cien- hangh hengzdoengh. Doicaenh aen yienh bangfuz cungdenj lajmbanj saenqhwng canjnieb hwngfat（ciqcienz diepsik）、 cienzgoek douzswh laj- mbanj saenqhwng、bet aen nungzyez canjnieb miz daegsaek、dieg guh- yiengh nungzyez haedsim miz daegsaek daihneix、aen yienh gunghyez yenzgih sezsih、lajmbanj saenqhwng doenghnaengz moq gauj- hwz gikleih 6 aen lingjyiz hangh- moeg hwnjguh. Anbaiz swcigih ngaenzcienz bangbouj lajmbanj saenqhwng 27.4735 ik maenz.

Ngeih dwg daezswng giekdaej sezsih naengzlig cienhangh hengz- doengh. Doicaenh lajmbanj cingjceih vanzging vunzyouq、daezswng yiengh mbanj hengzdoengh、 gyaudoeng giekdaej sezsih、daemzraemx dwknaz giekdaej sezsih、yanghcin ceihleix raemxuq nyapnyaj、hawsingz giekdaej sezsih hwnjguh、saenqsik vangjloz giekdaej sezsih、soqcih lajmbanj hwnjguh 8 aen lingjyiz hanghmoeg hwnjguh. Anbaiz swcigih ngaenz- cienz bangbouj lajmbanj saenqhwng 32.4735 ik maenz.

Sam dwg daezswng gunghgung fuzvu naengzlig cienhangh hengz- doengh. Doicaenh daezcaet gya- gvangq giekdaej gyauyuz、daezswng gunghgung veiswngh fuzvu naengz- lig、 daezswng gunghgung vwnzva dijyuz fuzvu naengzlig、daezswng gunghgung ndawbiengz fuzvu naengz- lig、daezswng gunghgung couhnieb fuzvu sezsih 5 aen lingjyiz hangh- moeg hwnjguh. Anbaiz swcigih ngaenzcienz bangbouj lajmbanj saenqhwng 10.06 ik maenz.

(Veiz Giconh)