Ndwen 7 ngoenz 26, Gaiq Daih 9 Daengx Gih Gihcwngz Vunzlai Vwnzyi Comzyienj angqhoh Cungguek Gung- canjdangj laebbaenz 100 hopbi “ciengx- lwenx riengz dangj byaij” youq Yilinz banh. Diuqfoux 《Giuz Lwed Gvaq Dahsiengh- gyangh》、 bajheiq 《Yinghyungz Okbing Bae’gyae》、 siujcuj ciengq 《Bungz Daengz Mbanjcuengh》、 siujbinj 《Gij Genjyingj Ceiq Gyaeundei》 daengj 20 lai aen cezmuz maenhndei, gangjok gij vah ndawsim lwg Mbanjcuengh dingq dangj gangj、 gyo’mbaiq aencingz dangj、 riengz dangj byaij.

Ciuq cam rox, daengx gih gihcwngz vunzlai vwnzyi comzyienj dwg hangh hozdung binjbaiz vunzlai vwnzyi Gvangjsih ndeu, moix bi banh gaiq ndeu. Gaiq comzyienj neix dwg aen hozdung Gvangjsih angqhoh Cungguek Gungcanjdangj laeb- baenz 100 hopbi caeuq gij neiyungz youqgaenj hozdung senhconz son’gyauq vunzlai “riengz dangj byaij”, youq ndwen 7 ngoenz 21 daengz ngoenz 26 youq Bwzhaij Si、Yilinz Si doengzcaez banh. Ndawde ciengqgo、diuqfoux doxdax caeuq cezmuz maenhndei comzyienj youq Yilinz Si banh, 18 aen doihdaiqbiuj、 157 aen cezmuz、daih’iek 2700 boux vunz daj Gvangjsih 14 aen si caeuq gihciz mizgven danhvei daeuj haenx doxcomz Yilinz Si camgya aen hoihhoengh vunzlai neix, haiguh comzyienj、yienjok leih beksingq daengj lai hangh hozdung.(Ciengj Yingj)