Diuz roen raeuz, daj giz mbouj miz roen yamq okdaeuj, gwnzbiengz yienzbonj mbouj miz roen, gyoengqvunz byaij ndaej lai le, couh baenz roen lo.

Diuz roen raeuz, daj Gyahhingh Nanzhuz haidin, hix gaenq youq gyanghwnz Nanzcangh, dwk mbat cungq daih’it coh fanjdungbai, gij duivuj gijyi gungcanjdangj lingjdauj byaij ok le, byaij ok le, gij mok laepngaungau naekgywggywg Cungguek.

Diuz roen raeuz, gaxgonq dwg duenh cungq- gyang Byalozsiuh, Mauz Cwzdungh, yamq ok diuz roenrum haj aen baksauq, gaxgonq dwg diuz roensaejgaeq cungjswhling caeuq gyoengq boux- bing caez rap haeux byaij gvaq.

Couh yienghneix byaij ha byaij, byaij ok le benq dieg gig gvangq、benq dieg gig gvangq saekhoengz Suhveizaih!

Lwgfeiz, ndaej coemh doengh bo, roen iq, yaek baenz roen hung!

Gwnz roen miz gij rumz gij fwj liuh mbouj daengz, fanjdungbai humxhoenx gyaepgaj, byajbag byajyap, fwjlaep cw mbwn, vihliux bauj miz cehfeiz, gij gwzming Cungguek yaek gaijbienq fueng- yiengq, byaij hwnj le diuz roen gumzgamx ngut- ngeuj neix.

Song fanh haj cien leix, song fanh haj cien leix raezrangrang, moix 300 mij couh miz bouxbing ndeu laemx roengzbae, bouxbing laemx roengzbae haenx couh bienqbaenz le aen lohbiu ndeu, gwnz lohbiu sij miz: Mbouj doiqlaeng! Mbouj fugsaw!

……

Najdoiq gij fwnrumz boekbienq seiqgyaiq, byaij diuz roen huzbingz fazcanj duh raeuz.

Raeuz fwngz doxyien, raeuz mbaq doxnem, raeuz simlangh fanh ciengh sang, raeuz ceiqheiq rim aen’aek!

Raeuz dwg boux daihlaeng hungzginh, raeuz geiq maenh gij vahdaengq banlaux,

Rap naek cien gaen——Gou daeuj dawz hwnj!

Diendeih gvangqlangh——Gou daeuj guhcawj!

Gij cingsaenz cangzcwngh, louz mingz fanh daih!

Mbouj lumz simnduj, laebdaeb baenaj!

Raeuz miz aen muzbyauh ceiq ronghlwenq ha!

Raeuz miz gij roen baihnaj ceiq hungmbwk!

Raeuz miz gij roen baihnaj ceiq hungmbwk!