Bonjbauq siusik(gicej Cau Dwzfeih) Ndwen 7 ngoenz 24, gaiq daihbet comzyienj fwen ndei youq Gvangjsih Minzcuz Bozvuzgvanj Minzcuzcunh aen daizheiq caemhsim yienj. Hozdung dwg Gvangjsih Bouxcuengh Swcigih Vwnzva Caeuq Lijyouz Dingh、 Gvangjsih Boux- cuengh Swcigih Minzcuz Cunghgyau Swvu Veijyenzvei cawjbanh, Gvangjsih Minzcuz Bozvuzgvanj ciepbanh, cib boux canghfwen ndei doenggvaq Baksaek、Liujcouh、Hozciz、gwnz muengx caeuq aen saigih bouxcoz nyezrauh daengj haj aen saigih senjleh caeuq lauxhangz bingzsaemj okdaeuj haenx caezcaemh hwnj daiz eu fwen.

Baez comzyienj neix yungh gij hingzsik yienjok miz cingzgingj、miz gojgaeq, gungh faen baenz “fwen haenh Mbanjcuengh”“hwnjguh roen vuenyungz”“ciengxlwenx riengz dangj byaij” sam aen biencieng, langhbaij gij yienghndei seizdaih moq vunzlai gak cuz yungh fwen haenh dangj、 angq yiengjsouh ndwenngoenz ndei, caenh’itbouh gyalai gij rengz yingjyangj ndawbiengz hozdung caeuq gij yauqik cienzboq vwnzva, doidoengh yenzgiu、baujhoh caeuq swnjcienz vwnzva minzcuz maenhndei, vih hwnjguh aen dieg ak lijyouz vwnzva minzcuz Gvangjsih okrengz.