7 nyied 15 hauh, Denzdungh Yen youq Cozdwngh Yauzcuz Yangh Mbanjmeizlinz guh aen hozdung son’gyauq lizsij aendangj caeuq son fwengeq doxaeu Yauzcuz. Gij lizsij fwengeq neix gig gyaeraez. Vunzbiengz heuh de guh“fwen Duhcaiz Duhyinz”, cawjdaeuz gangj gij gojgaeq Duhcaiz Duhyinz bouxmbauq Yauzcuz neix, caiq yienh’ok le gij sibsug cienzdoengj doxaeu Yauzcuz daengj. Seizneix, gij bouhmonz mizgven Denzdungh cingq gaenxmaenx baujhoh de, caemhcaiq dajsuenq aeu de bae bauq feihyiz. Hozdung neix leihyungh minzcuz vwnzva bae hag lizsij aendangj、gyo’mbaiq aendangj,mboujduenh haivat gij minzcuz vwnzva ndei, caiq leihyungh cwngcwz guekgya ciepcienz caeuq hwngfat minzcuz vwnzva dem.

（Maj Veiyungz Veiz Li’gyah / 马慧蓉 韦丽嘉）