7 nyied 15 hauh, Swhyenz Yen guh aen hozdung minzcuz daih doxgiet daeuj angqhoh Cungh- goz Gungcanjdangj laebbaenz 100 hopbi. Ngoenzde, baenz saek cien lai vunz doxcomz giz ndeu, duk haeuxfaengx、dwk youzcaz、eu fwen caiq fwngz ring fwngz caez ciengq go hoengz 《Gyaez Aen Cunghvaz Raeuz》, guh yienghneix hoh aendangj laebbaenz 100 hopbi caeuq “loeg nyied coloeg”aen ciet conzdungj Myauzcuz、Yauzcuz laeng Vuj Baiz Sanh Yangh（Cehdenz、Liengjsuij、Hoz- gouj）. Gyawj geij bi neix, Swh- yenz Yen vih saedyienh “Cungh- vaz Minzcuz ranz caen ndeu、doengzsim caez cauh loqsiengj Cungguek”, couh dawz cauhlaeb minzcuz doxgiet baenaj yungz- haeuj gak cungj hongsaeh gwnz- biengz bae, lumj giethab gak aen cietheiq minzcuz daengj, caiq gyamaenh caeuq hwngfat “sam aen liz mbouj ndaej”, hawj gak minzcuz vunzlai gag roxnyinh rimhoz、vuenyungz、sim’onj, hawj gak minzcuz engq doxhuz doxndei、caezsim coi hwngfat, coicaenh gij saehnieb minzcuz doxgiet baenaj guh ndaej engq ndei.

（Cau Couhyez Dangh Silieng / 赵周业 汤世亮）