（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Cieng Daihngeih Ndalaeb、Bienqdoengh、Cienjnyiengh Caeuq Siumon Gienzhuq

Ciet Daih’it Daenggeiq Mbouj- doenghcanj

Diuz songbak lingz gouj Ndalaeb、bienq- doengh、cienjnyiengh caeuq siumon gij gienzhuq mboujdoenghcanj, ciuqfap daenggeiq cij mizyauq; mbouj daenggeiq gvaq cix mbouj mizyauq, hoeng cawz ok faplwd lingh miz gvidingh.

Gij swyenz swhyenz ciuqfap gvi guekgya, gienzgaemmiz ndaej mbouj daenggeiq.

Diuz songbak itcib Daenggeiq mbouj- doenghcanj, youz aen gihgou daenggeiq giz diegyouq mboujdoenghcanj haenx banhleix.

Guekgya saedhengz aen cidu dungjyiz daeng- geiq mboujdoenghcanj. Dungjyiz daenggeiq gijmaz、youz aen gihgou lawz daenggeiq caeuq baenzlawz bae daenggeiq, youz faplwd、fapgvi hingzcwng gvidingh.

Diuz songbak itcib it Bouxnangqsaeh sinh- cingj daenggeiq, wngdang gaengawq gij saehhangh daenggeiq mbouj doengz daezgyau cwngmingz gienzsug caeuq gij dieggyaiq、menciz mbouj- doenghcanj daengj doengh gij caizliu noix mbouj ndaej neix.

Diuz songbak itcib ngeih Aen gihgou daenggeiq wngdang hengzguh gij cizcwz lajneix:

(It) Cazniemh gij caizliu cwngmingz gienzsug caeuq gij caizliu noix mbouj ndaej bouxsinhcingj daezgyau de;

(Ngeih) Cimdoiq gij saehhangh daenggeiq miz- gven haenx cam bouxsinhcingj;

(Sam) Ciuqsaed、gibseiz daenggeiq doengh gij saehhangh mizgven de;

(Seiq) Doengh gij cizcwz wnq faplwd、fapgvi hingzcwng gvidingh de.

Gij yienghsaeh caeuq gij mboujdoenghcanj sinhcingj daenggeiq mizgven de danghnaeuz deng- aeu caiq guh cwngmingz dem ne, aen gihgou daenggeiq ndaej iugouz bouxsinhcingj dembouj caizliu, mwh miz bizyau ndaej daengz dieg bae cazyawj.

Diuz songbak itcib sam Aen gihgou daeng- geiq mbouj ndaej guh gij yienghsaeh lajneix:

(It) Iugouz bingzguj mboujdoenghcanj;

(Ngeih) Aeu nenzgenj daengj guh mingzdaeuz cungzfuk daenggeiq;

(Sam) Guh gij yienghsaeh wnq mauhgvaq aen cizcwz daenggeiq.

Diuz songbak itcib seiq Ndalaeb、bienq- doengh、cienjnyiengh caeuq siumon gij gienzhuq mboujdoenghcanj, ciuq gij gvidingh faplwd wngdang daenggeiq ne, daj mwh raiz daengz gwnz bouh daenggeiq mboujdoenghcanj haenx couh suenq mizyauq;

Diuz songbak itcib haj Ndaw gyang boux- nangqsaeh dinghlaeb gij habdoengz caeuq ndalaeb、bienqdoengh、cienjnyiengh、siumon gij gienzhuq mboujdoenghcanj mizgven haenx, cawz ok faplwd lingh miz gvidingh roxnaeuz bouxnangqsaeh lingh miz iekdingh, daj mwh habdoengz laebbaenz couh suenqsoq; mbouj banhleix daenggeiq gienzhuq, mbouj yingjyangj deng habdoengz hanhhaed.

第二章  物权的设立、变更、转让和消灭

第一节  不动产登记

第二百零九条 不动产物权的设立、变更、转让和消灭，经依法登记，发生效力；未经登记，不发生效力，但是法律另有规定的除外。

依法属于国家所有的自然资源，所有权可以不登记。

第二百一十条 不动产登记，由不动产所在地的登记机构办理。

国家对不动产实行统一登记制度。统一登记的范围、登记机构和登记办法，由法律、行政法规规定。

第二百一十一条 当事人申请登记，应当根据不同登记事项提供权属证明和不动产界址、面积等必要材料。

第二百一十二条 登记机构应当履行下列职责：

（一）查验申请人提供的权属证明和其他必要材料；

（二）就有关登记事项询问申请人；

（三）如实、及时登记有关事项；

（四）法律、行政法规规定的其他职责。

申请登记的不动产的有关情况需要进一步证明的，登记机构可以要求申请人补充材料，必要时可以实地查看。

第二百一十三条 登记机构不得有下列行为：

（一）要求对不动产进行评估；

（二）以年检等名义进行重复登记；

（三）超出登记职责范围的其他行为。

第二百一十四条 不动产物权的设立、变更、转让和消灭，依照法律规定应当登记的，自记载于不动产登记簿时发生效力。

第二百一十五条 当事人之间订立有关设立、变更、转让和消灭不动产物权的合同，除法律另有规定或者当事人另有约定外，自合同成立时生效；未办理物权登记的，不影响合同效力。

（14 caengz sat）

（壮文稿由中国民族语文翻译局提供）