Mboengqneix，laj goreiz hung laeng gyaeujmbanj Bwzswz Si Yougyangh Gih Swdangz Cin Mbanjyejnaz miz sing riu、sing bekfwngz cienz okdaeuj. Neix dwg buek hozdung“youq laj goreiz gyaeujmbanj lwnh lizsij aendangj” caeuq “gou caeuq vunzlai guh saedsaeh” camh daih’it， neix youz Yougyangh Gihveij Senhconzbu、Siuhfangz Daihdoih daengj lai aen danhvei doxcaez banh. Yougyangh Gih leihyungh doenghgij bingzdaiz “youq laj goreiz gyaeujmbanj hwnj dangzgoq aendangj” “son’gyauq gyaezguek cujyi” hawj vunzlai lwnhgangj，doidoengh hozdung saedguh vwnzmingz seizdaih moq，hawj son’gyauq lizsij aendangj engq ciep diegheiq、haeuj simvunz.

（Lanz Gingganj Veiz Cungzminj Yangz Siugenh / 蓝庆侃 韦崇敏 杨秀坚）