7 nyied 2 hauh，《Yingh- yungz Mbeilaux》 cit Heiqcazgi cauhnduj hung neix youq Gvangjsih Yisuz Cunghsinh haiyienj. Neix dwg ciuq cit denyingj《Yinghyungz Mbeilaux》 ma gaijbien，dwg cit heiq Gvangjsih aeu ma hoh aendangj laebbaenz 100 hopbi youqgaenj ndeu.

Cit heiq neix aeu cazgi bae biujyienj， caiq yungzhaeuj le gij daegsaek minzcuz dieg raeuz，geqgangj le aen gojgaeq youq mwh gaijfang cogeiz，yinzminz gaijfangginh daeuj daengz Gvangjsih Cib Fanh Dasanh dwk gij caeg nyapnyaj Gozminzdangj. Canghheiq biujyienj ndaej gig ndei、gig miz gamjcingz，baijok gij cingz gyo’mbaiq bouxgonq vih minzcuz duzliz、yinzminz gaijfang、guekgya fouqak vut- mingh——Gij lijsiengj gyoengq- de mbouj rox raeg、gij saenq- niemh gyoengqde mbouj bienq、gij cingsaenz gyoengqde cix ciengxlwenx lix youq ndawsim vunzbiengz.

（Vangz Cunhnanz / 王春楠）