（ciep banj daihngeih）

Seizneix, raeuz siengjniemh Mauz Cwzdungh、Couh Wnhlaiz、Liuz Saugiz、Cuh Dwz、Dwng Siujbingz、Cinz Yinz dungzci daengj gwzminggyah banlaux, gyoengqde vih Cunghgoz gwzming、hwnjguh、gaijgwz, vih Cunghgoz Gungcanjdangj laebbaenz、 gyamaenh、 hwngfat guh’ok gung’yen hungloet, siengjniemh gwzming senhlez vutmingh vih laebbaenz、henhoh、hwnjguh Cunghgoz moq haenx, siengjniemh gwzming senhlez haenqrengz buekguh vih gaijgwz hailangh caeuq hwnjguh sevei cujyi yendaiva haenx, siengjniemh sojmiz bouxvunz gyaez guekgya gaenhdaih doxdaeuj vih minzcuz doglaeb caeuq beksingq gaijfang buekguh haenx. Gyoengqde vih guekgya caeuq minzcuz guh’ok goenglauz hungloet ciengxlwenx lumz mbouj ndaej! Cingsaenz sangndei gyoengqde beksingq ciengx- lwenx geiq youq ndawsim!

Beksingq dwg bouxcauh lizsij, dwg yinghyungz caencingq. Gou daiqbiuj Dangjcunghyangh, coh daengx guek gyoengq gunghyinz、bouxguhnaz、boux rox saw rox sa, coh gak minzcuj dangjbai caeuq bouxvunz mbouj miz dangjbai、gak beksingq donzdij、vunz gyaez guek gak hangz gak nieb, coh bouxcijcan yinzminz gaijfangginh、guenbing vujgingj budui、gungh’anh gangingj caeuq bouxcijcan aendoih siufuengz gouqcoengh, coh daengxcungq boux- guhhong sevei cujyi, coh gyoengq cwngzyenz doengjit cansen, naeuz gij gingqeiq sangndei! Caensim camnai beixnuengx Yanghgangj Daegbied Hingzcwnggih、beixnuengx Aumwnz Daegbied Hingzcwnggih caeuq beixnuengx Daizvanh caeuq gyoengq gyauzbauh! Caensim gyo’mbaiq sojmiz gak guek beksingq nem baengzyoux caeuq Cunghgoz beksingq doxndei caemhyouq, gvansim caeuq haeujcoengh Cunghgoz gwzming、hwnjguh、gaijgwz saehnieb haenx!

Gyoengq dungzci、gyoengq baengzyoux!

Goeknduj ndaej ngaih, doekbyai souj hoj. Hag- aeu lizsij, ndaej rox hwngmied doxvuenh. Raeuz aeu yungh lizsij ciuq yienhsaed、muenghyawj daengzcog, Cunghgoz Gungcanjdangj buekguh bak bi yawj ndaej cingcuj gaxgonq raeuz vihmaz guh ndaej baenz、loengh rox daengzcog raeuz baenzlawz cij laebdaeb guh ndaej baenz, baenzneix youq gwnz roen moq engqgya giendingh、engqgya gag geiqmaenh sawjmingh goeknduj、haicauh daengzcog gyaeundei.

——Hag’aeu lizsij、 haicauh daengzcog, itdingh genhciz Cunghgoz Gungcanjdangj giengiengz lingjdauj. Banh ndei saeh Cunghgoz, youqgaenj dwg aendangj. 180 lai bi lizsij Cunghvaz Minzcuz gaenhdaih doxdaeuj、100 bi lizsij Cunghgoz Gungcanjdangj laebbaenz doxdaeuj, 70 lai bi lizsij Cunghvaz Yinzminz Gunghozgoz laebbaenz doxdaeuj cungj cungfaen gangjmingz, mbouj miz Cunghgoz Gungcanjdangj, couh mbouj miz Cunghgoz moq, couh mbouj miz Cunghvaz Minzcuz fukhwng hungmbwk. Lizsij caeuq beksingq senj le Cunghgoz Gungcanjdangj. Cunghgoz Gungcanjdangj lingjdauj dwg gij dwzcwngh ceiq bonjcaet sevei cujyi miz daegsaek Cunghgoz, dwg gijndei ceiq hung aen cidu sevei cujyi miz daegsaek Cunghgoz, dwg diegyouq goekgaen、minghmeg aendangj caeuq guekgya, dwg gvendaengz leih’ik、minghyinh daengx guek bek- singq.

Gwnz roen moq, raeuz itdingh genhciz aendangj cienzmienh lingjdauj, mboujduenh laebndei aen- dangj lingjdauj, gyagiengz “seiq aen yisiz”、giendingh “seiq aen gagsaenq”、guh daengz “song aen henhoh”, geiqmaenh “gij hung guekgya”, mboujduenh daezsang gij suijbingz gohyoz gaemgienz、minzcuj gaemgienz、 ciuqfap gaemgienz, cungfaen fatok gij cozyung lingjdauj haedsim aendangj guenj cienzbuenz、hezdiuz gak dieg.

——Hag’aeu lizsij、 haicauh daengzcog, itdingh doxgiet daiqlingx Cunghgoz beksingq mboujduenh vih ndwenngoenz gyaeundei buekguh. Gyanghsanh couhdwg beksingq、beksingq couhdwg gyanghsanh, dwk gyanghsanh、souj gyanghsanh, dwg souj sim beksingq. Cunghgoz Gungcanjdangj goekdaej youq beksingq、lwed meg youq beksingq、rengz youq beksingq. Cunghgoz Gungcanjdangj itloh daiqbiuj gaenbonj leih’ik gyoengq beksingq, caeuq beksingq ndei rwix doxgven、dai lix doxbaengh, mbouj miz leih’ik daegbied saek loh duh bonjfaenh, coengzlaiz mbouj daiqbiuj gij leih’ik saek aen cizdonz leih’ik、saek aen donzdij gienzseiq、saek aen gaihcwngz dwzgenz. Sojmiz naemj hawj Cunghgoz Gungcanjdangj caeuq Cunghgoz beksingq mbek hai、doiqdingj hwnjdaeuj，cungj haengjdingh guh mbouj ndaej! 9500 lai fanh vunz Cunghgoz Gungcanjdangj mbouj dapwngq! 14 ik lai Cunghgoz beksingq hix mbouj dapwngq!

Gwnz roen moq, raeuz itdingh gaenjndaet ingbaengh beksingq cauh lizsij, genhciz gij gaenbonj cunghcij cienz sim cienz eiq fugsaeh beksingq, ndwn maenh beksingq lizcangz, gvancez lohsienq vunzlai aendangj, aeueiq cingsaenz cauhnduj beksingq, hengzguh gij swhsiengj hwngfat aeu beksingq guh cungsim, hwngfat daengx gocwngz beksingq minzcuj, henhoh sevei goengbingz leixcingq, haenqrengz gaijgez aen vwndiz hwngfat mbouj doxbingz caeuq aen vwndiz beksingq vunzlai gip hoj you muengh, doidoengh vunz cienzmienh hwngfat、daengxcungq beksingq caezcaemh baenzmiz aeundaej cingzcik caen yienhda!

——Hag’aeu lizsij、 haicauh daengzcog, itdingh laebdaeb doinyoengx Majgwzswh Cujyi miz daegsaek Cunghgoz. Majgwzswh Cujyi dwg gij gaenbonj cijdauj swhsiengj raeuz laeb aendangj laeb guekgya, dwg gij hoenz caeuq mbawgeiz aendangj raeuz. Cunghgoz Gungcanjdangj genhciz Majgwzswh Cujyi gihbwnj yenzlij, genhciz gangj gouz saedsaeh, daj Cunghgoz saedsaeh haidin, yawj seizdaih hingzseiq, gaemdawz lizsij cawjdoengh, sinhoj bae damqra, mboujduenh doinyoengx Majgwzswh Cujyi miz daegsaek Cunghgoz miz daegsaek seizdaih, cijdauj Cunghgoz beksingq mboujduenh doinyoengx sevei gwzming hungmbwk. Cunghgoz Gungcanjdangj vihmaz baenz, sevei cujyi miz daegsaek Cunghgoz vihmaz ndei, gyoebgyonj daengzdaej dwg aenvih Majgwzswh Cujyi baenz!

Gwnz roen moq, raeuz itdingh genhciz Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun、“Sam Aen Daiqbiuj” Swhsiengj Youqgaenj、Gohyoz Fazcanj- gvanh, cienzmienh gvancez Gij Swhsiengj Sevei Cujyi Miz Daegsaek Cunghgoz Seizdaih Moq, genhciz aeu Majgwzswh Cujyi gihbwnj yenzlij caeuq gij saedsaeh Cunghgoz dox giethab、caeuq gij vwnzva cienzdoengj maenhndei Cunghgoz dox giethab, yungh Majgwzswh Cujyi cazyawj seizdaih、gaemhdawz seizdaih、yinxlingx seizdaih, laebdaeb hwngfat Majgwzswh Cujyi Cunghgoz daihneix、Majgwzswh Cujyi 21 sijgi！

——Hag’aeu lizsij、 haicauh daengzcog, itdingh genhciz caeuq hwngfat sevei cujyi miz daegsaek Cunghgoz. Byaij roen bonjfaenh, dwg cienzbouh lijlun caeuq gizlaebdin saedguh aendangj, engq dwg gij lizsij gezlun aendangj buekguh bak bi ndaej okdaeuj. Sevei cujyi miz daegsaek Cunghgoz dwg gij cingzcik gaenbonj aendangj caeuq beksingq ginggvaq haujlai haemzhoj、hai ok haujlai goeng- rengz cij aeundaej, dwg diuzroen deng saedyienh Cunghvaz Minzcuz fukhwng hungmbwk. Raeuz genhciz caeuq hwngfat sevei cujyi miz daegsaek Cunghgoz, doinyoengx vuzciz vwnzmingz、cwngci vwnzmingz、sevei vwnzmingz、swnghdai vwnzmingz hezdiuz hwngfat, cauh le diuz roen moq daihneix miz daegsaek Cunghgoz, cauh le yiengh moq vunzloih vwnzmingz.

Gwnz roen moq, raeuz itdingh genhciz gihbwnj lijlun、gihbwnj lohsienq、gihbwnj fanghloz aendangj, dungjcouz doinyoengx “haj vih it daej” cungjdaej baijbouh, hezdiuz doinyoengx “seiq aen cienzmienh”canloz baijbouh, cienzmienh haeujlaeg gaijgwz hailangh, laebdin duenh hwngfat moq, laebndei、cinjdeng、cienzmienh gvancez leixniemh hwngfat moq, cauhlaeb gwzgiz hwngfat moq, doidoengh hwngfat ndaej youh ndei youh vaiq, doinyoengx gohgi gaglaeb gaggiengz, baujcingq beksingq danggya guh cawj, genhciz ciuqfap guenj guek, genhciz sevei cujyi haedsim gyaciz dijhi, genhciz youq mwh hwngfat baujcang caeuq gaijndei ndwenngoenz beksingq, genhciz vunz caeuq swh- yienz huzndei caemhyouq, dox boiqhab doinyoengx beksingq baenzmiz、guekgya hwnghoengh、Cunghgoz gyaeundei.

Cunghvaz Minzcuz miz gij vwnzmingz ronghsag 5000 lai bi lizsij hwngfat ndawde baenz haenx, Cunghgoz Gungcanjdangj miz gij gingniemh buekguh bak bi caeuq 70 lai bi gaemgienz hwng guek, raeuz gaenxmaenx hag’aeu sojmiz cingzgoj mizik vunzloih vwnzmingz, ciepsouh sojmiz genyi mizik caeuq baebingz simndei, hoeng raeuz mbouj ciepsouh gij vah gangj sam gangj seiq! Cunghgoz Gungcanjdangj caeuq Cunghgoz beksingq yaek youq diuzroen gag senj haenx ngiengxgyaeuj yamq hung byaij baenaj, aeu diuzmingh hwngfat cinbu Cunghgoz gaemdawz youq ndaw fwngz bonjfaenh maenhmaenh bae!

——Hag’aeu lizsij、 haicauh daengzcog, itdingh gyavaiq guekfuengz caeuq bingdoih yen- daiva. Giengz guek itdingh giengz bingdoih, bingdoih giengz cijndaej guekgya an’onj. Genhciz aendangj ceijbaij cungq、hwnjguh bingdoih beksingq bonjfaenh, dwg gij caenleix maenhsaed aendangj youq ndaw doxdaeuq doxhoenx ndaej okdaeuj. Bingdoih beksingq vih aendangj caeuq beksingq laeb le gij goenglauz mbouj nduk, dwg diuz saeurin maenhdwtdwt henhoh gyanghsanh saekhoengz、henhoh gij viyiemz minzcuz, hix dwg gij rengz hung’ak henhoh gizdieg caeuq seiqgyaiq doxhuz.

Gwnz roen moq, raeuz itdingh cienzmienh gvancez gij swhsiengj giengz bingdoih aendangj seizdaih moq, gvancez canloz fuengcim ginhsw seizdaih moq, genhciz aendangj vanzcienz lingjdauj bingdoih beksingq, genhciz byaij diuzroen bingdoih giengz miz daegsaek Cunghgoz, cienzmienh doinyoengx cwngci laeb bingdoih、gaijgwz giengz bingdoih、gohgi giengz bingdoih、vunzcaiz giengz bingdoih、ciuqfap guenj bingdoih, aeu bingdoih beksingq hwnjguh baenz bingdoih seiqgyaiq okmingz, yungh naengzlig engq hung’ak、fuengfap engq baenghndaej henhoh guekgya cujgenz、ancienz、hwngfat leih’ik！

——Hag’aeu lizsij、 haicauh daengzcog, itdingh mboujduenh doidoengh cauhlaeb aen minghyinh caezcaemh vunzloih. Doxndei、doxhuz、doxngamj dwg gij leixniemh Cunghvaz Minzcuz 5000 lai bi doxdaeuj itloh gyaepgouz caeuq swnjcienz, ndaw lwed Cunghvaz Minzcuz mbouj miz gij goekrag ciemq bouxwnq、guhvuengz guhyak. Cunghgoz Gungcanjdangj haeujsim minghyinh roennaj vunzloih, caeuq sojmiz gij rengz cinbu gwnz seiqgyaiq dazfwngz baenaj, Cunghgoz itloh dwg bouxhwnjguh seiqgyaiq doxhuz、bouxokrengz hwngfat daengx lajmbwn、bouxhenhoh cizsi gozci!

（cienj banj daihseiq）