Aen Hoih Angqhoh Cunghgoz Gungcanjdangj Laebbaenz 100 Hopbi ndwen 7 ngoenz 1 banhaet 8 diemjcung youq Baekging Denh’anhmwnz Gvangjcangz banh. Cunghgung Cunghyangh cungjsuhgi、 guekgya cujsiz、Cunghyangh Ginhveij cujsiz Siz Ginbingz fatbiuj gangjvah youqgaenj.

Gij Gangjvah Youq Aen Hoih Angqhoh Cunghgoz Gungcanjdangj Laebbaenz 100 Hopbi

(Bi 2021 Ndwen 7 Ngoenz 1)

Siz Ginbingz

Gyoengq dungzci，gyoengq baengzyoux:

Ngoenzneix, youq gwnz lizsij Cunghgoz Gungcanjdangj, youq gwnz lizsij Cunghvaz Minzcuz, cungj dwg ngoenz gig youqgaenj caemhcaiq yiemzrwd ndeu. Raeuz youq gizneix doxcomz, itheij caeuq daengx aendangj daengx guek gak cuz bek- singq, angqhoh Cunghgoz Gung- canjdangj laebbaenz 100 hopbi, dauqyawj gij ginglig ronghlwenq buekguh bak bi Cunghgoz Gung- canjdangj, muenghyawj gij baihnaj ronghsag Cunghvaz Minzcuz fukhwng hungmbwk.

Haidaeuz，gou daiqbiuj Dangj- cunghyangh, cukhoh daengx- cungq Cunghgoz Gungcanjdangjyenz ngoenzciet angqyangz!

Youq gizneix, gou daiqbiuj aendangj caeuq beksingq lwnh yiemzrwd, ginggvaq daengx aendangj daengx guek gak cuz beksingq laebdaeb buekguh, raeuz saedyienh le aen moegbiu buekguh bak bi daih’it, youq gaiq dieg Cunghvaz neix cienzmienh guhbaenz le siujgangh sevei, gaijgez le aen vwndiz cieddoiq gungzhoj lizsij caengz miz gvaq, cingq haenqrengz yamq coh aen moegbiu buekguh bak bi daihngeih cienz- mienh guhbaenz sevei cujyi yendaiva guekgiengz. Neix dwg gij miznaj hungmbwk Cunghvaz Minzcuz! Neix dwg gij miznaj hungmbwk Cunghgoz beksingq! Neix dwg gij miznaj hung- mbwk Cunghgoz Gungcanjdangj!

Gyoengq dungzci、gyoengq baengzyoux！

（cienj banj daihngeih）